منتديات موقع الميزان

منتديات موقع الميزان (http://www.mezan.net/vb/index.php)
-   ميزان المنبر الحسيني لشعر أهل البيت (ع) (http://www.mezan.net/vb/forumdisplay.php?f=157)
-   -   من زينب رساله (http://www.mezan.net/vb/showthread.php?t=32555)

mahdi_2000 16-Nov-2012 08:26 AM

من زينب رساله
 

من زينب رساله

مـن زيـنـب رساله ...تشرح لك الحاله
بـالدمعه و الإحساس ...لجفوفك يا عباس

الـسـطـور ابـهـالرساله إتفسر أحزاني
بـضـعـة فـاطـمـه و متعنيه ولياني
سـلامـي إبـكل حرف للقمر و إخواني
و نـبـضـات الحزن تسري إويه شرياني
أنـادي يـا كـفـيـلي و يلهج إلساني
و أقـراهـا دمـوعـي إتـسابق أشجاني
قـالـت لـي الزجيه ...إشرحي هالوصيه
وصـيه و بيها تنباس ...لجفوفك يا عباس

بـدت تـقـره الـرسـاله زينب إبعبره
مـن بـنـت الـرسـول الطاهره الزهره
عـضـيـد حسين و إنت إتحزمت لأمره
صـيـر إحـزام أخـوك و سنده الظهره
و لـو شـفـتـه وحـيد و ينخه للنصره
تـحـضـره و تـمـنع اليطلب يحز نحره
و لو ناده السند وين ...تصير إحزام الحسين
وفـاء و عـبره للناس...لجفوفك يا عباس

يـصـيـوان الكفاله و شبل أبو الحسنين
لـون شـفت إعله خيك دارت الصوبين
لـو شـفـت الـجرح يدي و لفاه البين
و لـو شـفت الخيول إتدوس صدر حسين
أريـد إتـركـب إجـفوفك عله الزندين
و بـيـدك تمسح إجروحه و تغمض العين
تـنـاديـه و يناديك ...يخويه ينتخي بيك
يـسـلم هاي الأنفاس...لجفوفك يا عباس

إنـضـهـد حيله يمن عمري على عمره
طـريـح و مـا يـجـاوب حاير إبأمره
ريـتـك مـا تـغـيب إتحرسه و إتحضره
تـوسـد راس أخـيـيـك مهجة الزهره
يـفـتـح إعـيونه و يشوفك و لو نظره
و تـرطـب إشفافه من دمعك و لو قطره
يـا راعـي الـمـروه ...يـا جلمة الخوه
هـالـرايـه ينوماس...لجفوفك يا عباس




نسئلكم دعاء


منقول للاستفادة


الشاعر السيد فاضل الخرسان - 16/11/2012



الساعة الآن »11:47 AM.

المواضيع والمشاركات التي تطرح في منتديات موقع الميزان لا تعبر عن رأي المنتدى وإنما تعبر عن رأي كاتبيها فقط
إدارة موقع الميزان
Powered by vBulletin Copyright © 2017 vBulletin Solutions, Inc