منتديات موقع الميزان

منتديات موقع الميزان (http://www.mezan.net/vb/index.php)
-   ميزان شعراء أهل البيت صلوات الله عليهم (http://www.mezan.net/vb/forumdisplay.php?f=170)
-   -   الى لواء ابي الفضل العباس ع من الشعر الدارج (http://www.mezan.net/vb/showthread.php?t=33346)

عمار جبار خضير 29-Mar-2013 06:05 PM

الى لواء ابي الفضل العباس ع من الشعر الدارج
 
بالشام تـﮕول الاخبار = زينب وبرغم الاخطار
محمية بزود الاحرار = بالشام تـﮕول الاخبار
_______
منكم مستحي انه اشوصفكم = اثاريها المراجل هيه بس عدكم
باسم عباس شكلتوا كتيبتكم = لاجل تحمون عن مرقد شفيعتكم
يا محلى الهاون لو ثار = والرشاش اليفتح نار
جيش الهر اصبح طشار = بالشام تـﮕول الاخبار
_______
يـﮕرة عين كل شيعي يحب حسين = انتخيتوا بصوت واحد زلزل الكونين
الف يا حيف زينب تنسبي مرتين = واحنه عله العقيلة احزام متحزمين
يا زينب احنه الانصار = نــﮕطعها اﮁفوف الاشرار
منــﭻ لو گربت امتار = بالشام تـﮕول الاخبار
_______
هاليوم عله گبة زينب الراية = ارتفعت عالنجم بيكم يوفايه
اديتوا التحية اجنود حماية = وعله اسوار الضريح اترتلت ايه
يا بت حيدر حامي الجار = خط احمر انتي وانذار
نفديــﭻ بكل الاعمار = بالشام تـﮕول الاخبار
_______
تاج المرجلة تبقون فوگ الراس = راووهم حرب صفين هالارجاس
صيحوا بصوت يا زينب وحـگ عباس = لواء وباسم ابو فاضل نضل حراس
ويبقى المرقد بالانوار = ساطع تــﮕصدله الزوار
شوكه وبعيون الفجّار = بالشام تـﮕول الاخبار
__________
خادم حماة العقيلة ع
عمار جبار خضير
2013

بنت الهدى2 15-Apr-2013 09:09 PM

صيحوا بصوت يا زينب وحـگ عباس = لواء وباسم ابو فاضل نضل حراس
حياهم جنود لواء ابي الفضل العباس عليه السلام

وتاج المرجلة لك ايضا لقصيدتك التي ذكرتهم
شكرا لشاعرنا المدافع بقلمه

ناصر حيدر 16-Apr-2013 03:17 AM

الاخ عمار جبار خضير بارك الله بكم وزاد الله في ميزان حسناتكم واسمحوا لي بالاضافة
بالشام تكول الاخبار ------ وقفت رجال خلّص ابرار
عد بنت علي حامي الجار---صارت تحرس قبرها باصرار
بأسم عباس راعي الزود --- صارت اسم كتيبة الانصار
تسطر الملاحم وتجري ---- دم الاعداء أنهار أنهار
ناصرحيدر

سليلة حيدرة الكرار 16-Apr-2013 05:45 AM

السلام على جوهرة العصمة وفريدة الرحمة سيدتنا ومولاتنا الزهراء وأبيها وبعلها وبنيها والسر المستودع فيها
اللهم صل على محمد وآل محمد وعجل فرجهم بظهور قائمهم والعن أعدائهم لعنة دائمة إلى يوم الدين

شاعرنا عمار جبار خضير

للشعر الدارج سحره ومحبوه ... وللعقيلة زينب عليها السلام محبون وموالون ومضحون ومدافعون بدمائهم وأرواحهم

ولشاعرنا حضوره وتمكنه ولقلمه جهاده وولائه

لا حرمنا الله من فيض كلماتك الولائية

نتشرف بترقب المزيد من قصائدكم

نسألكم الدعاء لنا ولوالدينا

عمار جبار خضير 19-Apr-2013 08:39 PM

بالغ شكري وامتناني للجميع الذي شرفوني بمرورهم الكريم اطال الله اعماركم جميعا


الساعة الآن »01:55 PM.

المواضيع والمشاركات التي تطرح في منتديات موقع الميزان لا تعبر عن رأي المنتدى وإنما تعبر عن رأي كاتبيها فقط
إدارة موقع الميزان
Powered by vBulletin Copyright © 2017 vBulletin Solutions, Inc