منتديات موقع الميزان

منتديات موقع الميزان (http://www.mezan.net/vb/index.php)
-   ميزان المنبر الحسيني لشعر أهل البيت (ع) (http://www.mezan.net/vb/forumdisplay.php?f=157)
-   -   اليكم قصيدة بويه القاء محمد بوجبار (http://www.mezan.net/vb/showthread.php?t=37483)

h........m 16-Jun-2016 04:19 AM

اليكم قصيدة بويه القاء محمد بوجبار
 
اليكم قصيدة بويه القاء محمد بوجبارة كتبتها لانها لم توجد عالانترنت

https://www.youtube.com/watch?v=M8Fa...=RDM8Fa4o0dgNQ


بويه كل ذرة من جسمي ألم بويه
وعالوجنة كل جرح إنرسم بويه
عمري بكسر ضلعي إنختم بويه
إبيا جرح يا بويه أبدي وبيه أسولف
وبعدد أنفاسي هاي جروحي تنزف
مودمع عالخد جمر يا بويه أذرف
بعدما عني رحت ماكو اللي يعطف
بعدك..... كل شي تغير وانقلب ...بعدك
قلبي مثل داري إلتهب ...بعدك
وإعليه بويه الهم هجم ... بويه
بويه كل ذرة من جسمي ألم بويه
وعالوجنة كل جرح إنرسم بويه
عمري بكسر ضلعي إنختم بويه


أرد أخبرك يا رسول الله ونبيه
من رحت الأصحاب خانت الوصية
ابقوه قلت إلهم أنا الزهره الزجيه
بس يا بويه داري حرقوها عليه
داري...حرقوها لن جانت ضوه .. داري
اوصاحت لمن محسن هوى ..داري
محسن شنو سواه وجرم ... بويه؟!
بويه كل ذرة من جسمي ألم بويه
وعالوجنة كل جرح إنرسم بويه
عمري بكسر ضلعي إنختم بويه
يا رسول الباري إنته ويا حبيبه
مصيبتي والله الطفل راسه تشيبه
دنيتي هايه يا بويه اشقد عجيبه
تخلي بنت سيد الرسل تبقه غريبه
عجبه... مهجة نبيهم وانولي ...عجبه
ولي ما فزع حيدر علي... عجبه
هذا الأمر رمح وسهم ...بويه
بويه كل ذرة من جسمي ألم بويه
وعالوجنة كل جرح إنرسم بويه
عمري بكسر ضلعي إنختم بويه
عليك ما رحموا بكائي ولا ونيني
وأبد ما راعوا زغر عمري وسنيني
ابدافع الأحقاد لطموني اعلى عيني
وسقطوا يا بويه من العصرة جنيني
عصروا....كل آية نزلها الصمد ..عصروا
يا ( قل هو الله أحد ) .. عصروا
مو ضلعي ضلعك لنهشم ... بويه
بويه كل ذرة من جسمي ألم بويه
وعالوجنة كل جرح إنرسم بويه
عمري بكسر ضلعي إنختم بويه
بويه كسر ضلعي يبقه أكبر علامة
على كل إجروح عمري وعالظلامه 2
والعصرني ما يشوف أبداً سلامة
بيوم لا مال إليفيده ولاندامة
خصمه .. الخله الدمع مني ايهلي ... خصمه
الله ومحمد وعلي .. خصمه
وخصمه بعد راعي العلم ... بويه
ابفدك لني طالبتهم حاربوني
وبالولايه من صحت هم عذبوين
إبين باب وحايط بقوه اعصروني
وكل قصدهم بويه قومك يرهبوني
صوتي ... رغم الليث سووا ما خفه ..صوتي
ظل يفضح إبأهل الجفا ..صوتي
وخدهم بدل خدي انلطم ... بويه


جارية العترة 16-Jun-2016 10:10 AM

تقبل الله صالح اعمالكم الف شكر لكم للكتابة بميزان اعمالكم ..صوت شجي للرادود جبارة


الساعة الآن »06:43 PM.

المواضيع والمشاركات التي تطرح في منتديات موقع الميزان لا تعبر عن رأي المنتدى وإنما تعبر عن رأي كاتبيها فقط
إدارة موقع الميزان
Powered by vBulletin Copyright © 2017 vBulletin Solutions, Inc