منتديات موقع الميزان

منتديات موقع الميزان (http://www.mezan.net/vb/index.php)
-   صفوان بيضون (http://www.mezan.net/vb/forumdisplay.php?f=169)
-   -   قصة عشق (قصيدة في مولد الحجة باللهجة الدارجة ) (http://www.mezan.net/vb/showthread.php?t=19369)

صفوان بيضون 27-Jul-2010 04:46 PM

قصة عشق (قصيدة في مولد الحجة باللهجة الدارجة )
 
قصة عشق

بيني وبينن في سحرْ
والقصة مو قصة شعر
ولاهي خطابة أو نثر
ولا هي حكايا للنشر

من يوم كوني صبي
ويمكن قبل ، حتماً قبل
قبل الخلايق والخلق
قلبي تولع بالنبي
وتعلق بآل النبي
والقصة تاريها عشق
وبالقلب محفورة حفر
+++++++++++
حمّلت أشعاري حكي
عا قد ما بتقدر حمل
ودوزنتها سطر بسطر
رجعت عليي تشتكي
مو قادره عا هتقل
قلتلها هدا النبي
وبيت النبي ، وهني الأصل
أصل الخليقة والخلق
والحكي عنن مو لعب
والحكي محتاج لفعل
والفعل محتاج لصدق
والحكي من غير العشق
بيضل عحدود الثغر
ما بيدخل عروق القلب
والقصة مو قصة حكي
إما هدى ، وإما كفر .
+++++++++++
بين الحزن والفرفشه
بين الموالد والعزا
قصة ولاية مزركشه
بورود مليانة شزا

وردة محمد يا سلام
صلوا على خير الأنام

ووردة علي ما لا متل
وردة علي هيي الأصل

وأم الحسن ست الورود
عطرا بيزين هالوجود

ووردة حسن ، كلها شجن

وحسين ورداتو حمر
بالدم عم تقطر قطر

ومن بعهدهن تماني الزهر
تلاتي علي ومحمدين
وجعفر وموسى والحسن
وردات عطشها الزمن
يلي انقتل ويلي انسجن
لك آخ من هدا الزمن
يلي قصف عمر الورد
+++++++++++
قلي الورد لسا بعد
انسيت الوعد ، انسيت العهد ؟
معقول انس هالأمر !
ما انسيت هالسرداب
والعطر منو غاب
والقلب والله داب
عم ينتظر ضو الفجر
تا يطلع ويمحي القهر
بئيدو بيارق هالنصر
ويظبط أمور الدهر
ويعم عطروا عالدنيي
أحلى عطر ، أجمل عطر ...

المقطع الآخير :

شفت القمر سهران
بنص الشهر مو بدر
مضايق وحيران
ومعصب من القهر
سألتو شبك ما رد
والدمع ملا الخد
تاري القمر زعلان
والمسألة عن جد
+++++++++++
عدت السؤال بود
يا قمير لا تنغم
وان كان سر كبير
والسر بدو بير
صدري غميق كتير
وهالبير مالو حد
احكيلي ولا تهتم
+++++++++++
شفتو هدي وارتاح
والهم شقفه انزاح
+++++++++++
قلي مرق خيال
أسمر عخدو خال
سيفو برق بالغمد
والبرق شق الليل
وانهد مني الحيل
واتغيرت أحوال
ومن بعد شوفت حال
الضو صار خيال
والبدر صار هلال
+++++++++++
قلتلو هدا المير
مير الأرض والجو
مير البحر والنو
والمير عندو جنود
منها ملايكة السما
منها البرق و الرعد
وجنود ما بتنعد
بئيدو المحي والخط
بئيدو الرفع والحط
ولي بيشوف المير
بيكون شاف السعد
بيشوف ليلة قدر
+++++++++++
واليوم يوم العيد
سمعوني هالزغريد
ما في حدا نعسان
ليكوا القمر سهران
عم يرقص وفرحان
بالنص من شعبان
واليوم يوم العيد
سمعوني هالزغريد ....

بسمةامل 06-Sep-2010 06:31 AM

اسلوب سلس ماشاءالله
جدا رائع
الله يحفظك

ياعلي مدد 13-Jan-2011 03:24 AM

قلي مرق خيال
أسمر عخدو خال
سيفو برق بالغمد
والبرق شق الليل
وانهد مني الحيل
واتغيرت أحوال
ومن بعد شوفت حال
الضو صار خيال
والبدر صار هلال



هاد صدق مو خيال
وكلام اقل ما يقال
عنه بهيك احوال
ليت لساني لسان شاعر
لاصف الحال
لكن لساني ا خرس
عما جال بالبال
ماينوصف حالي
وحروفي لاتسع المقال
بحثت بالمعاجم
لم اجد معاني
تليق بالمقام
طيب الله انفاسك
لوصف عشقك يا فنان




هنيئا لك
وبارك الله بك اخ صفوان بيضون

صفوان بيضون 13-Jan-2011 06:19 PM

تصحيح وشكر .
 
الأخت الكريمة : ( يا علي مدد ) السلام عليكم .
أختي الفاضلة أشكرك كل الشكر على كلماتك الطيبة ، وإن كنت لا أستحقها .

أختي : هناك استدراك لكلمة للأسف قد نقرأها بطريقتين نظراً لأني نسيت تشكيلها : ( قلي مرق خيال) خيّال بالشدة يعني راكب الفرس وليس خيال من التخيل ، أحببت التوضيح لكي تكون الصورة أجلى ومنعاً للبس .

وشكراً ثانية على أبياتك التي أرى فيها نفساً شعرياً ( شامياً لعله ) يحتاج إلى الافصاح والاستمرار والمتابعة ، فعليك به ، وخصوصاً أنك من محبي الشعر كما أعتقد ومساجلاتك الشعرية تشهد بذلك ، فإلى الشعر يا أختي وخصوصاً في حق أهل العشق صلوات الله عليهم أجمعين .

أخوك : صفوان .

عشق الحسين رقية 13-Jan-2011 10:45 PM

معقول انس هالأمر !
ما انسيت هالسرداب
والعطر منو غاب
والقلب والله داب
عم ينتظر ضو الفجر
تا يطلع ويمحي القهر...
اخي العزيز كلمات تذبح القلب بعالم العشق......جميل جداااااااا
سلمت يدااااك..
حبيبي حسين..

بنت القمر 19-Apr-2011 09:59 AM

قلي الورد لسا بعد
انسيت الوعد ، انسيت العهد ؟
معقول انس هالأمر !
ما انسيت هالسرداب
والعطر منو غاب
والقلب والله داب
عم ينتظر ضو الفجر
تا يطلع ويمحي القهر
بئيدو بيارق هالنصر

قلبي تولع بالنبي
وتعلق بآل النبي
والقصة تاريها عشق
وبالقلب محفورة حفر
+++++++++++

شفت القمر سهران
بنص الشهر مو بدر
مضايق وحيران
ومعصب من القهر
سألتو شبك ما رد
والدمع ملا الخد
تاري القمر زعلان
والمسألة عن جد
+++++++++++
[/color]

ما خطت يمينك أصدق وأطهر معاني العشق الالهي الفطري
نبعت من بين أناملك حروف ظلت محفورة في قلوبنا بل قلب كل موالي
محب صادق وتقبل أستاذي وأخي الفاضل صفوان هذه الابيات المتواضعة من قلمي الصغير
في حق الغائب المنتظر

إن غاب طيفك لم ارى قلبي لغيرك مواليه
وإن لم أراك سيدي فروحي لفراقك باكية

تقبل مروري :

أختكم :بنت القمر

صفوان بيضون 16-Jul-2011 04:04 PM

مباركة
 
بسمه تعالى
أهنئ جميع الموالين والمؤمنين بمولد مولانا صاحب العصر والزمان (عج) أعاده الله عليكم جميعاً بالخير والبركات

fadak 16-Jul-2011 09:36 PM

http://www.vardel.com/up/uploads/10_201012762070045.gif

منتظرة المهدي 17-Jul-2011 06:08 AM

:cool:

سلمت أناملك وجزاك الله خيرجزاء
وجعلك الله من المنتظرين للإمام المهدي عجل الله فرجه

نور زينب 28-Jul-2011 04:19 AM

اقتباس:

بين الحزن والفرفشه
بين الموالد والعزا
قصة ولاية مزركشه
بورود مليانة شزا

وردة محمد يا سلام
صلوا على خير الأنام

ووردة علي ما لا متل
وردة علي هيي الأصل

وأم الحسن ست الورود
عطرا بيزين هالوجود

ووردة حسن ، كلها شجن

وحسين ورداتو حمر
بالدم عم تقطر قطر

ومن بعهدهن تماني الزهر
تلاتي علي ومحمدين
وجعفر وموسى والحسن
وردات عطشها الزمن
يلي انقتل ويلي انسجن
لك آخ من هدا الزمن
يلي قصف عمر الورد
بيجنن الوصف ..

آسسأل الله أن يديمكم في خدمته ....


الساعة الآن »09:21 PM.

المواضيع والمشاركات التي تطرح في منتديات موقع الميزان لا تعبر عن رأي المنتدى وإنما تعبر عن رأي كاتبيها فقط
إدارة موقع الميزان
Powered by vBulletin Copyright © 2017 vBulletin Solutions, Inc