|
--- عالعهد يحسين نبقه ومن دمانه انوقعه -- ولائيه
بسمه تعالى سلام عليكم اسئل الله ان يرزقنا واياكم شفاعة الحسين عليه السلام -- -- -- عالعهد يحسين نبقه ومن دمانه انوقعه -- والذي بحبك تمسك هذا طيب مرضعه -- للأبد باقي عهدنه أمن الازل عدنه عهد -- وشوف يحسين الموالي ابخدمتك اخلص وجّد ياسفينه او للنجاة أيأمن البيها صعد -- وبالحشر صك بيده ياخذ من ابوك اموقعه -- يبو اليمه أمقصرين أوياك شنهو انقدمه -- بالبنين ومال نقسم الك نبذل والدمه انته ريحانة محمد انته روح الفاطمه -- يبن نون وقاف انته وهل اتى والواقعه -- جدك ل الله حبيبه وانته للهادي حبيب -- لودعه الداعي ابضريحك الله للداعي يجيب مايحب العنده حاجه وگصد يمك مايخيب -- ومايرد مهظوم ضيفك لو بشباچك دعه -- الله خصّك بالشفاعه وانته تشفع للمحب -- وبيك يغفرله الذنوب ايروح مغفور ذنب ومن يزوغ البصر باچر علي يروينه العذب -- لأن احنه ابكل فريضه ام الصلاة انبايعه -- يظل شلال المحبه يروي بينه كل نفس -- ياحسين انته الامان وكل موالي بيه يحس تظل غالي يبو اليمه وخصمك ايظل البخس -- وينها أگبور الخصوم ابها البريه ضايعه -- أوگبرك انشاهد ضريحه صار كعبه لليطوف -- ناس تتعنه ابجدمها ناس تتعنه زحوف وهالملايين التزورك يبو اليمه مو الوف -- كلها لبت للنداء لامر جدك طايعه -- بيك من وصه محمد گال ريحانه الي -- بيوم من كان ابصلاته وعله ظهره تعتلي واحنه بالاصلاب صحنه يارسول الله بلي -- لئن أمه الزهره هيه الكل موالي شافعه --- سيد عدنان الحمامي |
بسم الله الرحمن الرحيم
اللهم صل على محمد واله [gdwl] بيك من وصه محمد گال ريحانه الي -- بيوم من كان ابصلاته وعله ظهره تعتلي واحنه بالاصلاب صحنه يارسول الله بلي -- لئن أمه الزهره هيه الكل موالي شافعه [/gdwl] نعم في عالم الذر والينا وبايعنا اسال الله ان نرزق شفاعة مولاتنا حبيبة حبيب الله صلوات الله عليهم الف شكر لشاعرنا الحسيني وفقتم --- |
بسمه تعالى
سلام عليكم جارية العتره عساكم في خير واحسن حال ان شاء الله اشكر مروركم الطيب وربي ايبارك فيكم ويرعاكم دعائي |
بسم الله الرحمن الرحيم
اقتباس:
خدام الك سيدي يا حسين ما حيينا اقتباس:
سيدي يا حسين متشوقين بلهفة وبالدموع والاهات ان نحظى بزيارتكم سيدي لا تحرمونا من كرمكم وعطفكم . بارك الله بكم شاعرنا الكريم ولا حرمنا الله من ابياتكم العظيمة شكرا وماجورين |
بسمه تعالى
سلام عليكم ربي ايبارك فيكم ويرعاكم ويحسن الينا واليكم اشكر مروركم الطيب |
| الساعة الآن »03:37 AM. |