مقادير الطبقة الثانية
علبة قشطة ، كيس دريم ويب ، كيس كريم كراميل ، علبة جبنة كريمية ( ما تتقيدوش بالنوع ) ، ملعقة كبيرة جيلاتين سادة ( بتدوبو بربع كوب مية مغلية مهم تكون مغلية ) ، 5 ملاعق كبار نسكافيه
مقادير الطبقة الثالثة
حليب بالشيكولاتة ( أي نوع ) ، كيس كريم كراميل
و للتزيين لوز محمص
مولاحزة : بتحمصوه و بتطحنوه ( طحن خشن مجروش يعني )
بسم الله نبدأ بالطريقة
هنا طحنت البسكويت ناعم كتير و خلطته مع الزبدة و مديته بصينية التشييز كيك
بعدين بتخلطو كل مقادير الطبقة الثانية ما عدا الجيلاتين بتدوبو أول بعدين بتضيفوه للخليط
بعدين بتصبو الخليط في الصينية هكذا
نيجي للطبقة الثالثة في طنجرة زغيرة بتحطو كيس الكريم كراميل مع حليب الشيكولاتة ( أول إشي بتخلطوهم على البارد ) بعدين بتحطوهم على النار لحتى يغلو و بترفعوهم
بعدين بتصبوه مباشرة فوق الخليط السابق هكذا
بعدين بتزينو باللوز و بتحطوها بالثلاجة على فكرة ممكن تحطوه اللوز بعد ما تبردوها عشان يضلو يئرش 
و هذا منظرها النهائي
و هنا من الجنب
و هاي القطعة لأول رد
و بس و بهيك بنكون خلصنا بتمنى انها تعجبكم بجد طلع طعمها رهيييييييب اللي بيعرفو نكهة ( جاموكا ألموند ) من باسكن روبنز حا يلاقيها نفس الطعم