منتديات موقع الميزان - عرض مشاركة واحدة - العقل والقلب وحوارهما ...
عرض مشاركة واحدة

mowalia_5
الصورة الرمزية mowalia_5
مشرفة سابقة
رقم العضوية : 1770
الإنتساب : Jun 2008
الدولة : هذي الكويت صل على النبيّ ..
المشاركات : 1,045
بمعدل : 0.17 يوميا
النقاط : 247
المستوى : mowalia_5 is on a distinguished road

mowalia_5 غير متواجد حالياً عرض البوم صور mowalia_5



  مشاركة رقم : 1  
المنتدى : ميزان المنبر الحر
افتراضي العقل والقلب وحوارهما ...
قديم بتاريخ : 18-Dec-2008 الساعة : 03:28 PM

اللهم صل على محمد وآل محمد وعجل فرجهم والعن أعدائهم


بسم الله الرحمن الرحيم ..
الحمدالله رب العالمين والصلاة على محمد واله الطاهرين واللعن الدائم على اعدائهم اجمعين..

*************************


هذا حوار دار بين القلب والعقل فكانت هذه الكلمات.....

العقل :
أنا الأهم أكيد لأني أفكر.. وأبدع .. وأتصور.. وأستنتج ..
وحتى مكاني فيه شموخ لأني في رأس الإنسان .. وأنت اذا كلمت شخص تطالع راسه ما تطالع بطنه أو قلبه ..

القلب:
تقصد تقول اني أنا الأهم,, لأن الدم اللي يوصلك ويحرك خلاياك مني , أنا اللي لي الفضل في تفكيرك, أنا أحس.. وأنبض .. وأحب .. وأشتاق ...

العقل:
من غيري انت قلب مجنون ..

القلب:
ومن غيري إنت عقل مجرد من المشاعر .. ما عندك احساس...

العقل:
ومنو اللي محتاج المشاعر في هالوقت ؟؟
احنا في زمن السرعه والتطور.. عصر الكمبيوتر والصواريخ والقوه ,هذا الزمن زمني أنا .. ما عاد لك فيه مكان أنا تركتك هناك .. عند قيس وليلى يشبعون منك تكفى شنو اللي ياهم منك الا الغثا وعوار الراس ؟؟
هي تزوجت واحد ثاني وهو انهبل وصار تايه بالبراري شنو نفعتهم فيه يوم حكموك عليهم...


القلب:
كل التطور اللي تقول عليه هذا ما يغني عن لحظة مشاعر صادقه اذا انكرتني بتكون غبي
عقل الشاعر في قلبه .. عقل الفنان في إحساسه قول لي منو ما يعرف قيس ؟؟ وليش عرفوه ؟؟ عرفوه لأنه حب من قلب مو من عقل !!
يمكن يكون أعطى قلبه أكثر من اللي يتحمله لكنه أبدع في النهايه ملا الدنيا أشعار وكان أجمل مثال للوفاء...


العقل :
بلا خرابيط فاضيه!! حب وشعر ووفاء !! الإنسان من غير عقل ماله الا مسمى واحد بس مهما اختلفت أشكاله ( أهبل ) !!!

القلب؛-
عمرك شفت إنسان يعيش أصلا من غير قلب !!!! بدون قلب يكون الإنسان ببساطه ( ميت )...

العقل:
أقبل أموت وأنا عاقل وذكي بس أرفض أعيش أهبـل ..!!!!

القلب:
وأنا أرفض إني أكون عاقل ومجرد من الإحساس.. أرفض أكون ميــت..
لا تحاول تنكر ... إنت من غيري ما يمكن تكووون أصلا .. وجودك مرتبط فيني أنا ..


العقل:
وانت من غيري طايش.. أهوج .. كلمه تاخذك وكلمه تجيبك.......

أحبتي الموالين الحوار طويل لا يمكن أن ينتهي ..
القلب والعقل مثل الميزان .. لو رجحت كفة واحد على الثاني يختل توازن الإنسان ويصير مثل الأعور .. يشوف بعين وحده بس .. اذا النتيجة كل من العقل والقلب لهم نفس الوزن والثقل والا اشرايكم ياموالين ..؟؟؟؟؟
ما اعتقد فيه احد يقبل يكون أهبل .. أو يعيش أعور ........

قرأت هذا الموضوع في أحد الشبكات الفارسية المعربة .....


توقيع mowalia_5







رد مع اقتباس