منتديات موقع الميزان - عرض مشاركة واحدة

torbat karbala2 · رقم العضوية : 2148

بسم الله الرحمن الرحيم
اللهم صلي على الزهراء وابيها وبعلها وبنيها والسر المستودع فيها
كاني بالزهراء

نزلت ارض كربلاء وجلست بجانب ولدها الحسين روحي له الفداء وصارت تنظر الى جراحاته تاره والى ظلعها اخرى وتقارن بين المها والم ولدها بين جرحها وجراح ولدها وكاني بلسان حالها.
انا الزهره وما ادري.......... كسرك اصعب لو كسري
جيتك للطف مهمومه......... شفت ظلوعك مهشومه
ونحرك من شفت دمومه..... هيج احزاني وقهري
انا الزهره وما ادري.......... كسرك اصعب لو كسري

شفتك مخظوب بدمك........... وصبيت المدمع يمك
راسك ما شفته بجسمك........ يا حسين تحير فكري

انا الزهره وما ادري.......... كسرك اصعب لو كسري

ناديتك راسك وينه............. وجسمك ليش موذرينه
وليش بدم مخظبينه............ جاوب يا شمعة عمري

انا الزهره وما ادري.......... كسرك اصعب لو كسري

متغسل جسمك جسمك بالدم..... وكفن بتراب الهم
وصدرك بالخيل تهشم......... وبالباب تهشم صدري

انا الزهره وما ادري.......... كسرك اصعب لو كسري

انا امك انا الزهره............. اصرخ وبعيني العبره
وليش موسد عالغبره......... وعالقاع دمومك تجري
انا الزهره وما ادري.......... كسرك اصعب لو كسري

دمعاتي ودمك تسفح.......... وبجروحك قلبي مجرح
لو شفت بعيني المذبح....... لا شك نفذ صبري

انا الزهره وما ادري.......... كسرك اصعب لو كسري