بسمه تعالى
سلام عليكم
اسئل الله لكم ولنا العافيه في حق الجواد وابيه
--
--
-موشح لوفاة الجواد ع
--
--
عالجواد ابحزن امست فاطمه -- غدرته اچفوف اللئيمه الآثمه
واويلا -- واويلاه
--
عالجواد الناعي بحزانه نعه -- چبدته ابسم اللئام أمگطعه
وشيعته الليله ابدمعها اتودعه -- وعالعباد أحزان فگده أمخيمه
واويلاه -- واويلاه
--
اچبود للزهره تگطعت مو چبد -- والسيوف أخذت أرگاب أهل المجد
لجل هذا الدين ولله ينعبد -- قدموا قربان للباري الدمه
واويلاه -- واويلاه
--
قدموا هالتضحيات اهل الرشاد -- حاربوا اهل البدع واهل الفساد
وعمت النعمه ابفضلهم عالعباد -- وحصل الاسلام هاي الغانمه
واويلاه -- واويلاه
--
خلدوا للناس كثره امن العبر -- او درس صار اتطالعه كل البشر
لو چبد مگوع لو گطع النحر -- حتى لليرضع ضحيه اتقدمه
واويلاه -- واويلاه
--
ضدهم اتحالفوا ناس اهل الطمع -- بني امّيه وبني العباس ابخدع
لا لزمهم دين لا عدهم ورع -- عالقتل سفاحه كلها امعلمه
واويلاه -- واويلاه
--
گطّعوا اشرف چبد بالسم غدر -- للجواد انختم بالسم العمر
والمحمد شنهو لو قدموا عذر -- ناس لاذمه او ضمير او مجرمه
واويلاه -- وايولاه
--
سيد عدنان الحمامي