ادموع بجفون الغريبه والحزن خيـم عليهـا
زيـنـب ابيامحـنـه اجــت - - -امن الشامـت البيهـا شمـت
نشـدوهـا يالبيـكـم بـخـت - - -يامصـيـبـه الـتـبچيـهـا
چم جـــرح چم امـصــاب - - -چم نـايـبــه عــدهـــا
عنـكـم مـشـت لاويـــن - - -لـيـكـم شـنــو ردهـــا
مهظومه صاحت گوموا الظعوني - - -ياهظم شفته اوظيـم بعيونـي
_________________
صاحت ابيا صوت صاحت اخت مفجوعه بالاخوه
زينب آنـه لايخوتـي ويـن يالبيكـم النخـوه
من كثرهم العليهـا عثـرت وعـالگاع تهـوه
تـراب اوبديـهـا شالـتـه - - -زينـب اوگامـت شمـتـه
للاخـو تـعـرف ريحـتـه - - -حسين چان الاختـه سلـوه
زينـب يخـويـه حسـيـن - - -تنـهـظـم يـاهــو الگال
عگب الـخـدر والـعــز - - -شـوف اخـتـك ابيـاحـال
اعزيزتهم انه اشلون عافوني - - -ياهظم شفته اوظيم بعيونـي
_________________
حگها من تبدي عتبها اخت لاخوتها تعاتب
اتلاهبت جمرة حزنها زينب اشعدها مصايب
ابـــدور چانـــو اخـــوه عـدهــا - - -كـــل بـــدر هـالـيـوم غــايــب
عدها امن ابوها اربعه كل ااخوه ظل ابمصرعه
والاشــــد واصــعــب فـاجـعــه - - -ظـنـهــا بـالـعـبــاس خــايـــب
مـهـيـوبــه چانـــــت بــيـــه - - -يــاهـــوا الـيــصــد لـيــهــا
زيــنـــب اخـــــت عــبـــاس - - -يــــاهــــوا الــيــبچيــهـــا
والـيـوم تعـتـب لـيــش ينـسـونـي - - -ياهـظـم شفـتـه اوظـيــم بعـيـونـي
_________________
تنظر اهناه چان اخوها حسين ومغسل ابدمه
عافته لاراس عنده والطفل عبـد الله يمـه
اتمنت اشوف الحسين ابلهفة الاخوّه اوتشمه
لحسيـن اهـنـا عافـتـه - - -خيالـه سـحگت جثـتـه
واليـوم اجـت ماشافتـه - - -يالحـد نـشـدت يظـمـه
عـافـت جـسـد لا راس - - -ومـجــرده اثـيـابــه
وعالخيـم هجمـت خيـل - - -نـاس اجــت سـلابـه
رادت تخبره غصب مشوني - - -ياهظم شفته اوظيم بعيوني
_________________
زينب اوياها اليتامه وكل يتيم انفگد صبره
بيهم الينشد يعمه وين ابويه حسين گبره
وهاي تنشد عن ابنها تريد تتوسد ابكتره
وام جاسم ابهـذا الوضـع - - -يحسراتها التحت الضلـع
جابـت الحنـه والشمـع - - -ورادت ابعرسـه تخبـره
يالغبـت جاسـم ويــن - - -عـيـن امــك اربـيـه
يوليـدي گوم اوشــوف - - -شـوف اشجـره بـيـه
بالحزن يبني اعداك خلوني - - -ياهظم شفته اوظيم بعيوني
_________________
زادت آلام المصايب والبواچي ابحرگه تكثر
تنشد الزينب تگلها ابني وينـه أم الاكبـر
ابني ما احمل اغيابه وعالصبر مابعد اگدر
صعبـه يزينـب فـرگتـه - - -وروحـي تلـوج الشوفتـه
اهنـا عفـت آنـه جثتـه - - -ابعينـي لساعـه المنظـر
يالاكـبـر امــك هــايي - - -بـنـي اجــت يـمــك
تشوفـك ابلهفـه تـريـد - - -يـولـيـدي وتـشـمـك
شمسويه منك يبني حرموني - - -ياهظم شفته اوظيم بعيونـي