[frame="9 90"]
صوت من گبر العقيله- - -خــــويـــــه
راح أجي الكربله الليله- - -خــــويـــــه
كـون الگه فاطـمـهي- - -مك اوحامـي الحمـه
بربعينك اي يمظلـوم- - -خــــويـــــه
_________________
صوت وشيحمل الصوت الليله برض الشام ينعه
من گبرها اتصيح زينب بالطفوف اخوه تسمعه
راح اجي يحسين يمك للشمـل خويـه اجمعـه
والزهره امي من تحـل- - -يمـك تظـل لاترتحـل
وينجمع يحسين الشمـل- - -امن الگلب نذرف الدمعه
أجت زينب گلها لتروح- - -خـــــويـــــه
أشترك ويه امي بالنوح- - -خـــــويـــــه
اجي ابحزنـي امحزمـه- - -واجري دمعاتـي دمـه
ابذيچ لوعاتي والهمـوم- - -خـــــويـــــه
_________________
خويه لو گبل امي حيدر وصل وتشاهده اعيوني
ارد اراويه هظم روحي اولوعتي وهمي وشجوني
احچي كل الجره اعليه حتى من ورموا امتونـي
وساعة اللي بيها اوگعـت- - -من خدري مذهوله اطلعت
ألله ياصـوت اسمـعـت- - -من صحت ياجد ولونـي
بعد اسولفله اشجره اعليك- - -خـــــويــــــه
ضلع ماخلو عـدل بيـك- - -خـــــويــــــه
الخيل فصلت كـل ضلـع- - -ابچفـك اصبـع ينگطـع
بعد اخبره اشسوت الگوم- - -خـــــويــــــه
_________________
هو مايدري ابوك اشلون من ذبحو اوليدك
ابعيني عبد الله ينازع شفته يالمظلوم بيدك
مارضه لمّه ترده ابمنحره النبله ويريـدك
والنبلـه لمـن صابـتـه- - -طـوگت بالـدم رگبـتـه
مـن دم وريـده روّتـها- - -يضحي رايد عن وريدك
طلّع امن اگماطـه ايـده- - -خـــــويــــــه
جبتـه والنبلـه بوريـده- - -خـــــويــــــه
امـه مــن اتـلگتـك- - -ارتـوه طفلـي نـادتـك
اخذيه تگلها ابسهم مفطوم- - -خـــــويــــــه
_________________
بعد اسولف للزچيه لو شفتها اهنـاك يمـك
بالضمه وسهم المثلث من گفاك ايسيل دمـك
طلع من خرزات ظهرك هم درت يحسين امك
شـتگول چا لـو شافتـك- - -امن المهر صارت طيحتك
والسهـم گطـع چبـدتـك- - -ولامعيـن او اخـو يمـك
كون اگلها ابحجر صابـوه- - -خـــــويــــــه
شيبه من دم وجهه خضبوه- - -خـــــويــــــه
للمثـلـث مــن شـلـعچ- - -بـده ثلثيـنـه طـلـع
والسهم صوبـك مسمـوم- - -خـــــويــــــه
_________________
خويه والاكبر اگبالك ينولـي وانتـه تنظـره
ناس برماح التطعنه وناس بسيـوف اتطبـره
خفت لاتوگع واگولن عفيه اخويه اشكبر صبره
حيلك اويه الاكبـر وگع- - -والد يشوف ابنه انصرع
شريان البگلبـك گطـع- - -گبل عمرك ضحه عمره
طاح ريحانتك يحسيـن- - -خـــــويـــــه
دمعتك سالت امن العين- - -خـــــويـــــه
رحت تحظـن مهجتـك- - -ترده خويـه الخيمتـك
امن اگعد ماتگدر اتگوم- - -خـــــويـــــه
_________________
للهواشم عرس صار ودمعه فوگ الدمعه تجـري
وعگب جسام اسمعتلك صوت خويه انكسر ظهري
عالنهر طاح العضيد وهيّست هـم طـاح خـذري
يحسين شفتك ياوضـع- - -للعلگمي امشيت بدمـع
والزمت بيديك الضلـع- - -اخذ گتلك خويه عمـري
گبل عمرك ريت عمري- - -خـــــويـــــه
ولاسمعتك صحت ظهري- - -خـــــويـــــه
عگب عبـاس اشيظـل- - -راح يحسيـن الأمــل
ابگطعة الچفين مهظـوم- - -خـــــويـــــه
_________________
كل سنه ايمر اربعينك وآنه خو بالشام تـدري
خلصت ايامي انحب وانگضه بالحزن عمـري
اليوم اريد اعتني يمك راح انفظه اتراب گبري
اخــــت ولـخــوهــا رادتـــــه
صــــار اشـكـثــر مـاشـافـتــه
مـــن يـــوم بـالـطـف عـافـتــه
مشت للشام ابظعنها اهنـاك وافتهـا المنيـه
[/frame]