[جارية العترة]

[mark=#962424] في حق الحسين (ع)[/mark]

[frame="9 80"]

يحسين نبقه عالعهد نمشي الك مشايـه

راية محمد ص رايتك تجمعنه هاي الرايه

الكربله مشايه - - -تجمعنه هالرايه

--------------

راية محمد رايتك يحسين واحنه اجنـودك

من عزمك البينه عزم والزود بينـه زودك

وغيرة العباس البطل بينه اوحلم من عودك

للعلگمي اومايه - - -تجمعنه هالرايه

---------------

يحسين يااعظم واجل انسان ضحه الدينه

جدك محمد سيدي انطيع امرك اموصينه

انموت اعله حبك مانزل هذا طبعنه البينه

للعهـد وفايـه - - -تجمعنه هالرايه

---------------

حصن المحب حبك يظل سور النجاة العالي

ريحانه انته للنبي وللزهره انتـه الغالـي

مال اوبنين اوبالدمه انضحي الك منبالـي

للموت شرايه - - -تجمعنا هالرايه

---------------

هاي الملايين الاجت يحسين كلها انصارك

عامر يظل بكل وكت يحسين عامـر دارك

ومن چفك ايفيض الكرم يالتكرم الزوارك

يالمرقدك آيه - - -تجمعنا هالرايه

---------------

يالبيك نهج الله اكتمل وفديت إله شبانك

قربان لله قدّمت دمـك اودم رضعانـك

تصلح الامه غايتك وتجاهـد ابأيمانـك

للدين هالغايه - - -تجمعنا هالرايه

---------------

صوت الولاء اليعتلي يحسين من ناديته

لو قطره من دمك ابد متوفي لو ضحيته

لكربله نتعنه زحف لو گطعوا رجلينـه

وزحف عنايه - - -تجمعنا هالرايه

[/frame]