[جارية العترة]

[mark=#2fc6e0]المستهل[/mark]



[frame="9 80"]
يحسين عشاگك نظل وبحُبك انجنينه
لو ألف ذبحه تنذبح يبقه الولاء البينه


يحسين چم عابس الك حاضر الليله ويانه
للموت يتحده بشـرف بمحبتـك يتفانـه
مجنون كل واحد صبح ياسيدي عنوانـه
نتعنه يم گبرك زحف لو گطعوا رجلينـه
_________________


شگد حاربونه تصوروا عن حبك ايمنعونه
احياء لجـل امحبتـك ياسيـدي دفنونـه
خابوا وماگدروا بعد ضحينه من شافونـه
منموت حبك سيدي هوه الـذي ايغذينـه
_________________


بساحة ولائك سيدي يحسين كلنه اجنودك
يايا ذل اهلك واخوتك كلهم لجل معبـودك
من عزمك العدنه عزم والزود بينه زودك
بمال وبنين وبالدمه منوفي لو ضحينـه

_________________


يحسين يالحبك شرف سجلنه من انصارك
ايحصل الشفاعه سيدي كلمن دخلها الدارك
يالبحر جودك مانشف يالتكـرم الـزوارك
لو صار باچر بالحشر بس حبـك ينجينـه
________________


كل واحد البينه صبح عابس ويفدي روحه
يابلسم انته لكل محب نورك يداوي اجروحه
للدين دمك ثبته ودمـك يعلـي اصروحـه
ياهو الذي مثلك بذل حتى الرضيع الدينـه
_________________


يحسين عدنه فد طلب بشرنه فد ابشاره
هذا وطنه يحترگ ياهـو يطفـي نـاره
يابو علي اهوايه الفتن للفتن سوي چاره
تيهنه مو درب الصبر وين الصبر دلينه
_________________


انجدد عهدنا سيدي بالدم الـك عاهدنـه
انت الحبيب اولا تظن غيرك حبيب العدنه
بركان والله ينفجر وكت الغضب واحدنـه
بالشده يتراجـع ابـد ياسيـدي مابينـه

[/frame]