ردت من ارض الشام- - -بيهـا اهمـوم والآم
_________________
يحسين زينب گوم شوف اشعدها- - -راحت لوين اوليك شنهو الردها
وياها والي لـو اجـت وحدهـا- - -انشدها ياظيم العليهـا انشدهـا
اتسولفـلـك هــم البـيـهـا- - -غـيـرك يـاهـو ايواسيـهـا
يحسـيـن الـلـي تـنـظـام- - -بـيـهــا اهــمــوم والام
سولف يحسين اوياها
_________________
يحسين نادت گوملـي يبـن امـي- - -عاين جفن عيني اعله فگدك مدمي
اشكبره الحزن بيه يخويه اوهمـي- - -لو ارد اسولفلك بعد عـن هظمـي
للشـمـات امــن اخـذونــي- - -بچوا يـاخـويـه اعـيـونــي
واخـتـك مـــن هـالـظـلام- - -بـيـهــا اهــمـــوم والآم
سولف يحسين اوياها
_________________
ياخويه لو تدري تشمتـوا بيـه- - -وياعين بالمجلس تصـد اعليـه
محد فزع يحسيـن محـد ليـه- - -وصفگت تالي امن الوسف بيديه
العـبـاس يـمـي اتمنيـتـه- - -لـلـظـالـم چاراويــتـــه
والــتــبچي مـاتــنــلام- - -بـيـهــا اهــمــوم والآم
سولف يحسين اوياها
_________________
يحسيـن گوم وصبّـر اعيالـك گوم- - -حيل الگلب مابيـه خويـه هاليـوم
صار اربعين انهار محرومه النـوم- - -اوهاي الاطفال وكل طفل عنده اهموم
اطـفـال اوبـيــش اقنـعـهـا- - -تـريـدك يحسـيـن اسمـعـهـا
وعـيــون الـلــي مـتـنـام- - -بـيــهــا اهــمـــوم والآم
سولف يحسين اوياها
_________________
يحسين أم هاي وبديها الشمعه- - -يم گبر ابنها او للبواچي اتسمعه
ابدال الفرح صارت يجاسم دمعه- - -گلب امك المفجوع يبني اتگطعه
يوحـيـد لـمــك عـدهــا- - -تــروح اوظـلـت وحـدهـا
هــاي امــك يـاجـسـام- - -بـيـهـا اهــمــوم والآم
سولف يحسين اوياها
_________________
ياخويه والاكبـر تريـده امـه- - -تراب الگبر طاحت عليه وتشمه
وام الطفل نادت طفلها بسمـه- - -عبد الله وينه اللي يرضعه دمه
تنـزف عبـد الله اجـروحـي- - -لاينـفـع ونــي اونـوحـي
والعـيـن اشـلـون اتـنـام- - -بـيـهــا هــمــوم والآم
سولف يحسين اوياها
_________________
ياخويه درب المشرعه صار امنين- - -ياهو اليدلينـي يخويـه يحسيـن
گبر الكفلني ابيا كتر صاير ويـن- - -دم كون ابچيها اعله عباس العين
مـا ابـخـل دمــع اعيـونـي- - -عالكـافـلـهـا لـظـعـونــي
ياعـيـن اتـشـوف احـــلام- - -بـيـهــا هــمـــوم والآم