[mark=#4e95c4]في الاربعين[/mark]
[frame="9 90"]
يحسين من يستقبله---- ظعن اليتامه بكربله
رد الظعن يبن امي من ارض الشام---- لو تگعد اتشـوف المحـن والآلام
لاجفن يغمض من هظمنه ولانـام----كـل الارامـل بالحـزن والايتـام
شــوف الـحـرم متـوجـلـه----ظـعـن اليـتـامـه بكـربـلـه
___________
يحسين بالشام الألـم والحسـره ----كل شامت اعلينه يصدله ابنظره
وكل دمعه من عين الارامل جمره ----تبچي لون حال اليتامه اتنظـره
مــال الـحـمـل شيـعـدلـ----ه ظـعـن اليتـامـه بكـربـلـه
___________
يحسين من رحنه ابيسر للكوفـه----يتهدد اعلينـه العـدو بسيوفـه
حال الارامل ريت خويه اتشوفـهك----ل روح بينه امن الجسد مخطوفه
خــوف اودمــوع الهامـلـه----ظـعـن اليتـامـه بكـربـلـه
___________
يحسين راوونه العجايب هالنـاس----لارحم عدهم ناس ارذال انجـاس
كلسا يراوونـه يخويـه يـاراس----راسك اگبالي وراس اخويه العباس
وتسـمـع صـريـخ العايـلـه----ظـعـن اليـتـامـه بكـربـلـه
___________
يحسين اطفالـك تريـدك يحسيـن----والشوفتك ملهوفه يبن امي العيـن
وين انته خويه ابيا گبر صاير وينام----نين اجت لختك كربله خويه امنين
شحـال اللـي والـي مـا إلــه----ظـعـن اليـتـامـه بكـربـلـه
___________
يحسين گوم وشوف خويه اشبينه----ياهو الذي ابگبرك يجي ايدلينـه
اليوم اربعينك بالحـزن ردينـه----وغير البـواچي والألـم مابينـه
اهمـوم اومـآسـي امحمـلـه----ظـعـن اليتـامـه بكـربـلـه
[/frame]