[عمار جبار خضير]

وسط الـگلب عسكر حزن = يالعسكري
والشيعه تنعاك وتوّن = يالعسكري
تذرف دموع العين = يا سيد الكونين
وسط الـگلب عسكر حزن
----------
ما بين طيات الدهر صرخة الم تنعاك =
يوم الغبت يبن النبي غاب المجد وياك
وصارت يتامه شيعتك حين الاجل وافاك
هم شكثر عمرك حمل ما تنوصف بلوك
تتفايض ادموع الجفن = يالعسكري
والشيعه تنعاك وتوّن = يالعسكري
عشت الهظم والبين = يا سيد الكونين
-----------
دارك خليه ومظلمه عـگبـك صفت هاليوم
ما بيهه غير النايبه وطيف المصيبه يحوم
ارد انشد آنه اليا سبب تـگضي العمر مسموم
من گبل طاغوت العصر قاسيت منه هموم
عشت بغربتك ممتحن = يالعسكري
والشيعه تنعاك وتوّن = يالعسكري
يا وارث اهل الدين = يا سيد الكونين
-----------
هليله امك فاطمه تعنت الك بالنوح
وتدريهه هاي ام الحزن ما عدها غير جروح
گصدت الك من كربله ودمع الجفن مسفوح
اتــگلك اجيتك يالحسن من جدك المذبوح
لفــگدك تحن ام الحسن = يالعسكري
والشيعه تنعاك وتوّن = يالعسكري
يبن الشهيد حسين = يا سيد الكونين
----------
يبن السلاله الطاهره ويا حجة الديان
لاجلك حزينه مــگدره كل آيه بالقرأن
أبغيبتك غاب العدل والجود والاحسان
لكل شيعتك بمصيبتك تتجدد الاحزان
وعيون دمعي اتفجرن = يالعسكري
والشيعه تنعاك وتوّن = يالعسكري
بيهه وتشب نارين = يا سيد الكونين
----------
بسامرا گبرك منهدم خله الدمع ميزاب
يل گبتك چانت شمس مصابك اشد مصاب
وحاشى الشمس يا سيدي يحجبها هالارهاب
بـگبرك يمهدوم الـگبر ثار النه والف حساب
لاهل الظغاين والفتن = يالعسكري
والشيعه تنعاك وتون = يالعسكري
صار الهظم هظمين = يا سيد الكونين