[سليلة حيدرة الكرار]

يعد هذا الطبق من الأكلات الشعبية القديمة في منطقة القطيف ودولة البحرين إذ كانت تعد للبحارة لأنها مغذية ولذيذة لتمدهم بالطاقة الحرارية
المقادير:
قطع من سمك الهامور ، أو سمك الميد إذا كان كبير و frish أو سمك القرقفان أو سمك السواد
2 بصلة مقشرة فقط غير مقطعة
2 بصلة مفرومة ، فلفل حراق أو ( دراز )
ليمون أسود عماني
حوالي ملعقة أكل بودرة الكرورو
دهن ( حسب الرغبة )
ملح ، بهارات
الطريقة :
نحط بصل كامل مقشر بس ونحط معاه ليمون عماني ونغطيه بالماي ونحطه على الناااار لين يستوي البصل ويلين
بصله نفرمها ونخليها على جنب
سمك قطع و افضل شي الهامور
وبعد ماستوى البصل ولين اللومي نشيل اللومي على جنب
نلبب اللومي الي شلناه نشيل القشووور والحبوب عشان لايصير مرر ونحطه مع البصله المفرووومه
ونحط البصل واللومي على البصل في الصفريه ونخليه دقيقتين ونضيف السمك والبهارات الي تحبوووها
وكثرو الفلفل الاسود
ممكن اضافة قرون فلفل حار حسب الرغبه


في الاخير
نضيف ملعقة كرورو ( وهو رمان مجفف يعطي طعم وحموضه لذيذه )

وملعقة دهنه لتركيز الطعم نضيفها للمرق
ونضيف عليها عصرة ليمون عند التقديم

اعذروني يا أخواتي لأن صورة المرقة تعاندني !! مي راضية تنسخ !!! مع أنها أهم شي في الطبخة !! أحرجتني والله