عايش مذبوح المسمــوم من يوم الطف الهل اليوم
ماناسي كيـــد الجفين متصوب بسهم حسين
****ـــــــــــــــــ*****ــــــــــــــــــ****
دمعة السجاد نزلت وبالهـــــم بيضت عيــــونه
ودمع عينة منالمأسي ماكدر جفنه يصـــــــونه
جف حزن وادي المخيم رسمت الطف بجفونه
ولونتة بلون احمر من دم الســـوط بمتــــونه
وضلت مرسومه الهليوم محفــورة بجفن المظلوم
محفوظه بذاكرت العين متصوب بسهم حسين
****ـــــــــــــــــ*****ــــــــــــــــــ****
عاش مذبوح وشمـــرهم بالثواني يحـــز وريدة
ولسن نيــــران المخيـــم عنه ما جـــانت بعيدة
لسه واكــف عالشريعة ولسة جف عباس بيدة
ولسة جامعــــة السباية تحفــر الموت علجيدة
وتنزل منها ادموع ايتام محفــــوفه بجرف الالام
واليمسحها بلا جفين متصوب بسهم حسين
****ـــــــــــــــــ*****ــــــــــــــــــ****
جنه يتخـــيل خيمهــم ويسمـــع الخيـــل اوقعـها
ويشعر بجسمه ونحوله وركت اعضائه اوجعها
شاف زينب من اجتــة وعالوجن ينـــزل دمعها
ومن تكله حسين طــايح ابكل احاسيسة سمعها
يتردد صوت الحوراء ويسمعه ينادي الزهراء
يابت طه الليله الدين متصوب بسهم حسين
****ـــــــــــــــــ*****ــــــــــــــــــ****
رغــــــم كل ذيج المسافــه ابد مـــــا بطـــل نيــاحه
وعن لهيب الغاضـــريه ما تفصلــــه كـــــل مساحه
صابة سهم حسين صابه و ماشفت ابداً جـــــراحه
غرسته اجفوف الضغينـــة الأفتت بسمه الاباحــه
افتــو بالاجمــاع ايجـــاب والنص من ابن الخطاب
من اسقط بالباب اجنين متصوب بسهم حسين
****ـــــــــــــــــ*****ــــــــــــــــــ****
طـاح بالسم ابو الباقــــر بعــد مأســاته بغربته
بعــد نيــران المخيــــم شبــــت النــار بجبـــدته
حاطته احفاد السقيفــة وبالغـدر طفــو شمعتة
وعلى المنحررسم سمهم جرح عبدالله ونبلته
رسمو وادي الطف بجبده طاح بسمهم ياهو يسنده
لاوالد يمه ولا معين متصوب بسهم حسين
****ـــــــــــــــــ*****ــــــــــــــــــ****
لخادم الامام السجاد علية السلام / صادق الجبوري