بجفـــــك تعلك خـــدر ***زينب المحشومة
اوروت بجودك ضماها شفاف الاطفال
وصارمك بالطف ستر *** عالركاب تقومة
يحجب انضار العساكــر عـــن العيـــال
*****ـــــــــــــــــــــــــــــــــــــــــــــ ــ*****
من كدت بيدك ضعنه وجدمت نوك الحرم
صرت كافل للمسيرة والكفالــــــه كالقسم
بيمنتك شدت خدرها وطوت بيسارك علم
وما ظن تكطع رحمها وانت واصل للرحم
زينب وخدر الحرم ***تعلكت بجفوفك
ومااظن صوب المخيم يدنة خيال
*****ـــــــــــــــــــــــــــــــــــــــــــــ ــ*****
حطت بوادي الطــــفوف وثبتت بيدك ستر
وبيدك اتثبت مخيـــم يحمي ربات الخــــدر
وتلمح اصفوف المذلة بعين تجادح جمـــر
وروضت ماي الشريعة اخذ سدرس منالصبر
دست بجدامك نهر ***تحرسة الخيالة
وخذت من جدمك مواعض كل الاجيال
*****ـــــــــــــــــــــــــــــــــــــــــــــ ــ*****
صارمــــك داس العساكر من نزلت عللنهر
مثل فر الرحه فرها وجيش ابن سعد انكسر
وخيل عدوانك تحجــــل بالجثث كــام يعثـــر
وكربلة بصوب الشريعة طحن واديها القدر
ضجت بميدانها ***كربلة اواديها
وماتت بكلب العساكر كل الامال
*****ـــــــــــــــــــــــــــــــــــــــــــــ ــ*****
ضجت اطراف الشريعة وظاكت جروف النهر
من لفاها الموت الاحمر غضب عباس انفجر
كض على انفاس الشريعة والنهر كلبه انعصر
يحصد اركاب العساكــــر والصقر يحوي الثمر
يحوي روس اثمارها ***والصقر يحويها
وصارمه الوادي جهنم موجة ارسال
*****ـــــــــــــــــــــــــــــــــــــــــــــ ــ*****
ضاكت الدنية عليها وضاك واديها الرحب
وعالنهـــر وادي جهنم كام نيـــرانة يصب
هذا ابوفاضل الطبها وهو كل الي يطــــب
بدر عباس ويلالي وماتصد نورة السحب
ماتحجبة غيومها ***لا عصف ميدانها
ولا تهد عزمة العساكر يوم الاهوال
*****ـــــــــــــــــــــــــــــــــــــــــــــ ــ*****
لخادم اهل البيت 
/ صادق الجبوري