[خادمة المرتضى]

بسم الله الرحمن الرحيم
اللهم صل على فاطمة وأبيها وبعلها وبنيها والسر المستودع فيها
والحمد لله رب العالمين والصلاة والسلام على سيدنا محمد وآله الطيبين الطاهرين
ولعنة الله على أعدائهم أجمعين

.: الجزء الثالث عشر؛ مصرع المولى ابي عبد الله الحسين :.

« خطبة الحسين يوم عاشوراء »

تـوسّط حـبيب المصطفى صهوة نجيبه ... مـنبر جـواده والـسّبط صـاير خطيبه

قـلـهم أنـاشدكم و قـولوا بـالصّراحه ... تـدرون انـا جدّي النّبي ربّ الفصاحه
وهـذي ثياب المصطفى وعندي سلاحه ... وامّـي الـبتوله بـضعة الهادي النّجيبه

قـالوا نـعم قـلهم اشـلون تـحاربوني ... دمّـي تـبيحونه بـيا سـايه اخـبروني
حـتى مـباح الـماي عـنّه تـمنعوني ... هـذا رضـيعي الـعَطش فَتْ قلبه لهيبه

مـستحل مـنكم مـال لو مطلوب بدْموم ... لـو بـدّلت سـنّه وشَـرِع غيّرت ياقوم
هالماي مَهْر امّي و انا امْن الماي محروم ... ردّ وا عـليّ جـواب فـعلتكم غـريبه

قـالوا نـريدك تخضع الطاعة ابن زياد ... تـنزل عـلى حـكمه و يفعل كل ما راد
قـلهم دعـي وهـيهات مايحكم بالامجاد ... احـنا الـحجج لـلخالق وجـدنا حبيبه

تـقطع جـفوفي ولا إلى الطّاغي أمد إيد ... والـفاجر ابـن زياد ما طيعه ولا يزيد
شـرع الإبـا مـنّي وبالذّل ألوي الجيد ... بـعزّ وشـرف لازم اتحمل كل مصيبه

جـدّي يقول حسين منّي وانا من حسين ... لازم اتـحمّل كـل مصيبه النُصْرة الدّين
ولـو تـذبح اطـفالي وتسبى هالنّساوين ... واقضي بظماي وتنغصب نفسي غصيبه

طـغيان ابـن هـند الرّجس لازم أزيله ... ولو يظل جسمي اعلَى الثّرى محّد يشيله
ويـوم الـحَشِر بـاصير لـلشّيعه وسيله ... وبْـكَربلا قـبري حـصنها الـتلْتجي به

« حملة الحسين واصابته »

واقـف حبيب المصطفى بين الصّلاتين ... يـنظر خـيامه خـاليه مـن الهاشميّين

تـفرّق الجيش اربع فرق من حوله يدور ... وامْـن العَطش يابس لسانه و قلبه يفور
رد لـلعليل بْـخيمته بـالمرض مغمور ... ودّعـه و سـلّم لـه مـواريث الـنّبيّين

ودّعــه و سـلّم لـه مـقاليد الامـامه ... مـاشي يـقلّه يـا عـلي امْـعَ السّلامه
لاحــظ يَـبويه هـالأرامل و الـيتامى ... بـاجر تطيب امْن المرض يا قرّة العين

لاحـظ الـعيله لـو ركبتوا هزّل النّوق ... ولازم يـعاندكم الـحادي بـكثْرة السّوق
راسـي يـباريكم على راس الرّمح فوق ... ودّعـتك الله الـقوم زحـفت للصّواوين

صوّل على العسكر و مر اعلَى المجاتيل ... وعـاينها كـلها مـوزّعه ذيـج المداليل
والارض غـطّاها بجثث و دمومها سيل ... وأشّر بسيفه وحلّق اعلَى الجيش صوبين

لـولا الـقضا يـفني الـعدا بجرّة البتّار ... لـكن عـهد مـاضي مـن الواحد القهّار
بـحضرة جـميع الانـبيا بعالم الانوار ... رتـبه شـراها بـالشّهاده بنصرة الدّين

ألـوى الـعنان وغمد سيفه وظل يناجي ... حـل الـوعد مـولاي يـا ملجا اللاجي
سـلّمت نـفسي لـلعدا تـهبّر اوداجـي ... ويـثبت الدّين وتنجي الشّيعه المخلصين

سـلّـمت لـلَّه يـا هـنادي وزّعـيني ... ويـالاعوجيّه عـقب ذبحي رضّضيني
لاخـير فـي الـدّنيا عقب خوتي وبنيني ... ولــن لـمثلّث شـقّ قـلبه يَـلمحبّين

مـدّ الـيمين اعـلَى الـسّهم رايد يجرّه ... ويـسراه مَدْها وانخسف صندوق صدره
واتّـجى بـقوته وطلّعه من خلف ظهره ... يـاويل قـلبي ومَـزَع مـن قلبه الثّلثين

« حملات الحسين ومقاتلته »

صـوّل أبـوسكنه وحـيد ورج الاكـوان ... والـخيل واهـل الـخيل فرّت من الميدان

يـومي لـها بـمْهَنَّدَه و تـخر لـصْفوف ... فـوق الـتّرب وفـراشها زانات وسيوف
مـذروف دمعه اعلَى الخيم والقلب ملهوف ... ومـفـطّره جـبده و ثـلثتيّام عـطشان

مَـدْ عـين للعسكر وعين عْلَى الصّواوين ... ونظره على الشّاطي ونظره اعْلَى المطاعين
سـيفه يـكثّرها ويـسوّي الـواحد اثـنين ... والأربـعـه واحــد يـنظّمها بـلسنان

قـحّم وخـلاّ الـجيش يـتّطلب مـلاجيه ... والـشّمس غـابت والـعجاج أسدل دياجيه
وعـرّج عـلى طـور الـمُهر لله يناجيه ... يـا رب أنـا لـلشّرع والـنّاموس قُربان

ديـن الـعُلى لازم أجـاهد فـي عـلاجه ... واتّـداركه واعـدل ابكل صوره اعوجاجه
يـا رب انـا مـالي بـعد بـالعمر حاجه ... واتـرك الأمّـه جـاهليّه و تـعبد اوثـان

جـاه الـنّدا يَـحسين انـا ربّـك واناجيك ... عـن هـالشّهاده بـالحشر ملزوم أجازيك
يــوم الـقيامه تـلْتِقط هَـبْهَبْ أعـاديك ... والـلي يـواليكم يـفوز ابـحور و جنان

ألـوى الـعنان وقـصد صمصوم الأعادي ... لـن الـحجر والـسّهم وارمـاح و هنادي
تـوزّع وخـرّ وصـاح انـا لـلدّين فادي ... اتـوسّد الـغبرا و الـمُهر يـمَّم الصّيوان

« محاورة بين الحسين وزينب وقد سمعت أنته »

سـور الـحرم يحسين لا تجذب الونّات...بـلكت يَـعزْنا امـن الحرم تهدأ الرّنّات

ودّي أوصّـل مـصرعك وانجدل ويّاك...لـكن اشـبيدي لازمـه اذيـالي يتاماك
لـو يـقدر الـسجّاد ينهض جان جيناك...خـدّك نـوسده وبالدّمع نغْسل الطّبرات

تدري الغُربة اتضعضع اعزوم الرّجاجيل... وآنـا وحـيده وعايله ومجبل عَلَيْ ليل
وخوفي ظعنّا امن الصّبح من كربلا يشيل...وتـضل عـاري ابهالفلا واحنا ضعيفات

قـلـها بــلا تـجهيز لازم يـتركوني...وبـاجر تـمر بيّه الظّعينه و تنظروني
وانـتي وخـواتي جان ردتوا توصلوني...مـجبل عـليج الـليل جيبي الفاطميّات

و انـجان يـمّي تـقدرين تجين لا باس...وتـوصّلين الـمشرعة يَْم جَسَد عبّاس
طـلعوا بـسواد الليل يستركم عن النّاس...ولزمي الصّبر يَعزيزة الزّهرا الأمر فات

لـكن أخـبرج جـان جـيتي يا حزينه...اتـشوفين جـسمي بـالهنادي موزّعينه
بـس يـالوديعه لا تـجي يـمّي سكينه...خـايف قلبها يذوب من شوف الجراحات

اتـعاين اعضاي موزّعه ومفترش رمضا...ومَـقْدر أصدعن شوفها وطرفي أغضّه
و لـو شـفت عبرتها تهل قلبي ايتلظّى...وجْـدي عـليه يزيد منتجذب الحسرات

« غشوة الحسين والهجوم على المخيم »

اتـحيّر العسكر يوم طالت غشوة حسين ... شافوه ثلث ساعات مرمي مغمّض العين

نـاسٍ تـقول حـسين بـطّل من ونينه ... فـارقت روحـه وغمّضت للموت عينه
وآخـر يـقول حـسين كـلكم تعرفونه ... صـاحب حـميّه اعلى بناته و النّساوين

و انـجان ردتـوا تعرفونه حي لو مات ... هـجموا عـلىخيامه وروعوا الفاطميّات
وانـجان هو حي وسمع بالخيم ضجّات ... لازم يـثور بـشيمته ويحمي الصّواوين

آمـر العسكر بن سعد واستحسن الشّور ... و ذيـج الـحراير بالخيم و اقلوبها اتفور
لـنّ الـزّلم والـخيل غارت يم لخدور ... طـلعت مـن اخيَمها تصيح الملتجا وين

فـرّت بـدهشه صـارخه كعبة الأحزان ... كـهف اليتامى انهض ترا هتكوا النّسوان
حـرمه وضـعيفة حال تبلوني برضعان ... بَـسْ ما سمع صوت الوديعه فتّح العين

قـلها يـزينب ذاب قـلبي من هلعتاب ... مَـقْدَر أرد الـخيل خـويه عن هلطناب
أنـهض ثلث مرات واوقع فوق التراب ... ردّي الـخدرج يـا حـزينه لا تضيعين

سـهم الـبقَلْبي نَزف دمّي ومزّع حشاي ... امـثلّث ولا تـمكّنت أطلعه الاّ من اقْفاي
خـويه تـخلّوني أمـوت و مـحّد وياي ... جـيبي لـي سـكينه قبل لا يفرّق البين

صـاحت يَنور العين و الله تحيّرت بيك ... تـمنّيت أجـي يمّك واشوف العلّة البيك
ولـو هـو الدّوا قلبي لَفِتْ قلبي واداويك ... واغـسل جرح قلبك يخويه بْدَمعة العين

« شهادته ومصرعه »

حـتّى الـعدو يروي فجايع يوم عاشور ... ويـقول شـفْت حسين مرمي ودمّه يفور

تـتحَرّك شـفاته مـبطّل مـن ونـينه ... يـبهر جـماله و بـالدّما مخضّب جبينه
لـكن عـلى اخـيام الـحريم يدير عينه ... وكـلما نـزف دمّه جبينه اتشعشع بْنور

غـارج بـدمّه و الـجسد كلّه اصاويب ... ظـنّيت يـدعي ودعوة المظلوم مَتْخيب
يـمّه دنـيت اسمع كلامه وقلبي مْريب ... ولـنّه يـنادي قلبي امن العطش مسعور

قـلبي تـفَتّت بـالظّما يَـعْوان سـفيان ... وحْـياة جـدّي المصطفى ظامي ولهفان
قـلت ارد أجيب الماي لك ياشبل عدنان ... رحت الشّريعه بالعجل وارجعت مذعور

ولـن الارض مـاجتوحل بالكون زلزال ... وهبّت الرّيح المظلمه وحتّى العرش مال
و ارتـفع راس حسين جنّه مطلع هلال ... والـشّمس غابت عن العالم والسّما تمور

وَصَّـلِت يـمّ حـسين لن حسين مذبوح ... جـسمه رمـيّه و فوق خطّي راسه يلوح
وحـتّى الـسّماوات العليّه ضجّت بنوح ... مـتعطّله الافـلاك جـنها نفخة الصّور

والـجيش كبّر و ارتفع صوت البشاير ... وغـارت على خيام الحرم ذيج العساكر
اتـصوّر يَـسَامع حـالها ذيـج الحراير ... حـرقوا الـخيم و ايتامها هامت بلبرور

يـفت الـقلوب الحال و يصدّع الجلمود ... حـالة بـنات المصطفى ساعة الفرهود
مـا بـين مـاهي بالنّياحه بخيمها اقعود ... والا الـزّلم والـخيل بـين خيامها تدور

يـا خـلق فـعلة بـن سـعد محّد فعلها ... اطـفال وحـرم يـاغيرة الله و محّد الها
جـم أرمـله فـرّت بـدهشه عن طفلها ... وهـامت بنات المصطفىكلها بلاستور

سـلبت مـلابسها وحـليها قوم الارجاس ... وامّـا الوديعه شابكه العشره على الرّاس
تـبجي و تـنادي هـاي تـاليها يَعبَّاس ... لـحّد يـبو فـاضل سـبونا بالعجل ثور

ثـور بـعجل يـاللي مـن بلادي جبتني ... عـبّـاس ويـنـك بـالعوايل كـلّفتني
بـسّك مـن الـنّومه دقوم و شوف متني ... حـلّت عـلى راسي مصايب يوم عاشور

«محاورة الحسين مع الشمر »

يـاللي ابْـنَعله شـرّف ابـساط الجلاله ... سـبطك تـرى داس الشّمرصدره بنعاله

مـرمي ثـلث ساعات بس يجذب الونّه ... يـلحظ ابـعينه و تـرجع الشّجعان عنّه
ومن غمَض عينه ابن الضّبابي قرب منّه ... مـغشي عـليه شافه وتجاسر واعتنى له

وعـاين بـجسمه مركّزه النشّاب و الزّان ... بـالنّعل داسـه وزلـزل العالم والاكوان
ومـكّن السّيف بْنَحرمولى الانس والجان ... وحـسين فـك عـينه وقـدّم لـه سؤاله

يـاللي دسـت صدر الحوى اعلوم النبوّه ... صـدرٍ عـلى مـكنون عـلم الله تحوّى
فـعلك ابْـقَلب المصطفى تدري اشسوّى ... بـنعلك تدوس اعلى صدر روح الرّساله

تـدري أنـا من قال اعرفك بالنّسب زين ... حـيدر أبـوك وجـدّك الـمختار ياسين
أدري امّك الزّهرا واخوك الحسن يحسين ... كـلّه نـسب طـيّب ولا يـوجد مـثاله

لـكن مـرادي الجايزه تحصل من يزيد ... والـوعظ والـتّوبيخ مَـيأثِّر ولا يـفيد
قـلّه اشـويّة مـاي قـال المطلب بعيد ... لـلحاميه والـماي مـا تـشرب زلاله

قـال احـسر الـثامك يـهالفاجر الشّرير ... شـبه الـجلب شافه و تصوير الخنازير
أبـقع وأبـرص والـشّهيد اعلن التّكبير ... قـلّه صَـدَق جـدّي يـمنتوج الـرّذاله

قـلّـه يـشبّهني بـعد جـدّك بـلكلاب ... لازم أخـلّـي وجـهك مـعفّر بـلتراب
ومْـن الـقَفا راسـك أحزّه يَبْن الاطياب ... يـالمحب سـامح مَقْدر اوصف لك افعاله

جبّه عْلى وجْهه وعلى اجتافه بالنّعل داس ... وهـبّر اوداجـه ويل قلبي وميّز الرّاس
والـكون اظـلم والشّمسغابت عن النّاس ... لـكن كـريم حـسين فـوق الرّمح شاله

« ذبح الشمر له »

فـت الـقلوب حـسين بـالونّه الـخفيّه ... وهـدّت قـواه جـروح ألف وتِسعْ مِيّه

زيـنب عـلى التّل شابحه لحسين بالعين ... اتـشوفه مـوسّد داهـش الـعالم بلونين
وصاح الرّجس بن سعد وين اليذبح حسين ... فـتّـت مـرايـرنا ابـهـالونّه الـخفيّه

اتـناخوا على حز الكريم وصار لصياح ... وكل مَن دنى يمّه ارتعد من خزرته وراح
وامن الرّعب حتّى من ايده صارمه طاح ... وَسْـفه انـغشى اعـليه وبقى مدّه رميّه

وشـمر الـخنا مـن عاينه مغشي لفى له ... وصـدرٍ حوى الأسرار من رب الجلاله
يـاغيرة الله ابـن الـرجس داسه ابْنَعاله ... وفـتّح اعـيونه و انـتبه شبل الزجيّه

قـلّه اشـمرادك قـال قصدي حز راسك ... مـحّد جـسر غيري على صدرك وداسك
راح الـقوى مـن عـندك وشدّة مراسك ... وآنـا الـذي بـاجرّعك كـاس الـمنيّه

قـلّه الـسّبط مـا جيتني بحومة الميدان ... وكـت اشـتعال الكون ومجاول الفرسان
وانـا وحـيد وفـيّضت بـالجثث وديان ... تـلقى الـمنايا جـان لـو قـرّبت لـيّه

قـبل انـجدل لـو لحت ليّه يَبن الاوغاد ... واثـبتت لـي خلّيتك اوْذَرْ فوق الاوهاد
الـعـطش مـاخـذني و لـمثلّث بـلفَّاد ... مـعلوم تـتجاسر يـبو الـذّات الـرّديّه

جـدّي رسـول الله وابويه فارس الكون ... وامّـي الـزّهرا نور عرش الله المكنون
وخـيّي الـحسن يـاليتهم حالي يشوفون ... مـطعون واتـلظّى عـلى قـطرة اميّه

أريـد قـطرة مـاي قـبل اتحز نحري ... وخـفّف الـوطأه يازنيم أوهيت صدري
ظـامي تـذبحوني و هـذا الماي يجري ... مـن جـود جـدّي و والدي ويحرم عليّه

« رفع الرأس الشريف »

غـاب الـبدر واتـكوّرت شمس المضيّه ... وارتـفع راس حـسين فـوق السّمهريّه

غـرّة جـبين حـسين لاحت فوق عسّال ... شـمس الوجود يصير جنها مطلع هلال
أرض وسـما تـزهر بـنوره قبل ينشال ... وبـس ارتـفع شـعّت سـماوات العليّه

اتـفـكّر وعـاين لـلبدر لـيلة تـمامه ... تـلـقاه كـامل لـكن بـوسطه جـهامه
و راس الـشّهيد حـسين بالجبهه علامه ... صـواب الـحجر فجّر دم الجبهه الزّهيّه

لـو عـاينت بـدر الـسّما لـيلة كماله ... مـطوّق وحـوله مـن شعاع النّور هاله
جـنّه حـبيب المصطفى وحوله ارجاله ... مـثـل الأهـلّه مـنثّره فـوق الـوطيّه

يـاللي عـلى الـخطّي ترتّل بالتّلاوات ... بـالكون مـثلك ماحصل يحسين هيهات
فـوق الـرّمح راسك وتقرا سوَر وايات ... والـجسد بـالرّمضا تـدوسه الاعـوجيّه

نـوب بْوعظ تخطب ونوب بزجر تنزيل ... تـقرا الـكهف وانتَ على العسّال تأويل
ونـوبٍ تـخوّف هالارجاس بسورة الفيل ... كـلّـه و لا لانــت قـلوب الـنّاصبيّه

و الـلي يـريد يـعاين اهـوال المصيبه ... يـعرّج عـلى ام اهجام و يشوف العجيبه
ايـعاين اشـصَكّت بالحجر ذيج النجيبه ... مـتواعده اويـا الـدّارمي بـنت الدّعيّه

واعـلى الشّجر منصوب تتساطع انواره ... يـا غـيرة الله و يـرجمونه بـالحجاره
و يـنصبه يـزيد الـخبيث ابـبّاب داره ... و بـالطّشت والـمجلس تـأمّل لـلقضيّه

نـسل الـخنا يـفرّق شـفاته بخيزرانه ... تـذكّر بدر و اشيوخها و هاجت أضغانه
ومـن شـاف نوره اللّي سطعكسّر اسنانه ... ونــادى اسـتـوفينا الـديون الاولـيّه

«مجيئ الفرس محمحماً للمخيم »

رد الـمُهُر زايـد صـهيله امن الميادين ... يَـعزيزة الـمظلوم قـومي اتْلَقّي حسين

قـومي يَـسكنه الـمهُر محْرِب عايني له ... جـان الـولي سـالم يجي ايشوفه عليله
و انـجان طـاح انروح للحومه و نشيله ... ونـشديه عن كهف الأرامل منجدل وين

وقـفت عـلى بـاب الخبا والحزن شفها ... وشافت بخاصرته السرج واصْفقَت جفها
صـرخت ونـار الـوجد تنشرها وتلفها ... تـنادي يـعمّه بـالعجل جمعي النّساوين

خـالي مـن الـوالي يـعمّه المهُر جانا ... مـتخضّب ابـدم الولي و يسحب اعنانه
قـومـي نـشوفه ويـن مـتعفّر حـمانا ... نـعدله عـلى القبله ونمد رجليه واليدين

مـدّت بـصرها ولـزمت بجفها حشاها ... ولـن الـجواد يـجول خالي من حماها
والـعين مـن لـب الـقلب صبّت دماها ... صاحت يمُهْرحسين فصّل لي الخبر زين

أرد انـشدك والـقلب طارت بيه الانفاس ... خـالي تـجيني وين راح اليرفع الرّاس
وطـيحة ولـينا ويـن من طيحة العبّاس ... بـلكت أوصّـل واحتظي بتوديع الاثنين

قـلها الـبطل عـبّاس طـايح بـالمسنّاة ... وحـسين بـالحومه وعليه الخيل لمّات
وعـباس ميّت واظن بعده حسين مامات ... وانـجان مـا حزوا العدى راسه تلحقين

لَـرْجَع واعـاين حـالته روحـي فدا له ... وغـار ورجـع يَـمْها يقلها لسان حاله
حـزّوا كـريمه و الـشّمر بالرّمح شاله ... الله يـبنت الـمرتضى بـعده اشـتلاقين

«خروج النساء الى المصرع على أثر الصهيل »

وصّـل جـواد حـسين والـحاله شجيّه ... وفـرّت مـن الـخيمه البنات الهاشميّه

فـرّن وزيـنب بالمصايب تسحب الذّيل ... وتـصيح يحصان الولي يافارس الخيل
مـن قلب أخيي هالدّما المِن عرفك تسيل ... ويـن انـهدم يـا مُـهُر سور الفاطميّه

لـلمعركه قـصدت و ويّـاها النّساوين ... حـسره ودلاّهـن جـواد حسين بحسين
شافن شمر يفري النّحر واهْوَن الصّوبين ... وانـياحهن زلـزل نـواحي الغاضريّه

ضـجّن فـرد ضجّه يَنور العين يحسين ... دقـعد احـميها وصّـلت ليك النّساوين
مـحّد بـقى يحمي يَبو سكنه الصّواوين ... وزيـنب تـصب الـدّمع والـونّه خفيّه

تـنْخَى وتـقلّه راقـب الباري ورسوله ... هـذا حـبيب الـمصطفى و أمّه البتوله
عـنّه ابـتعد خـل الـحريم اتلوذ حوله ... ولا تـحز نـحره تـزلزل السّبع العليّه

حـامي حـمانا حـسين لا تضيّع يتاماه ... جـسمه مـوزّع والعطش هالفتّت احشاه
وسـكنه العزيزه تنتحب و تصيح ويلاه ... يـا ضـيعة ايـتامك يـبويه ابهالعشيّه

اسـودّ الـفضا وابن الخنا يهبّر الاوداج ... واهـتزت افـلاك العليّه و العرش ماج
صـاحن يـوسفه راح مقصد كل محتاج ... حـز الـكريم و كـبّر الـعسكر سويّه

فـرّن و مـالت لـلمخيّم ذيـج لـجنود ... ساعة القشره اعلى الحرم ساعة الفرهود
داسـوا يتامىوبعض منهم راحوا اشرود ... مـايقدر الـواصف يـوصّف فعل اميّه

يـا ويـح قـلبي جـم يتيم الرّاح هايم ... مـرتاع قـلبه مـا يـضوق الزّاد صايم
يـشرب ابـذاك القيض لفحات السّمايم ... وامّـه تـدوّر يـا عـظمها من مسيّه

«خروج زينب الى مصرعه »

فـرّت لـخوها حسين من سمعت ونينه ... و قـلها رجـس لاويـن ردّي يامصونه

يَـمـخدّرة بـيـت الإمـامه و الـنبوّه ... راح الـمحامي وانـقطع وصل الأخوّه
سـهم الـمثلّث مـا تـرك لحسين قوّه ... مـا ظـل إلـك والـي يـدافع ياحزينه

يـاللي قـبل شخصك ابد متشوفه الناس ... بـحسين مـهيوبه وشـديد الباس عبّاس
راحـوا دظـلي بالكسيره مهبطه الرّاس ... لـمّي أيـتامج لـليسر طـحتي بـيدينا

هـذا ذبـيح وذاك يـم الـمشرعه طاح ... وكل عزوتج راحوا نهب لسْيوف وارماح
نـوحج مَـيشْفي لج قلب راح الذي راح ... فـوق الـهزل مـلزوم هـالبر تسلكينه

حـنّت وسوط الرجس فوق امتونها يلوح ... والله مـتشبههّا الـحمامه الـناحت بدوح
تـقول اتركوني يَم اخوي حسين باروح ... يـقلها حـرام اعـليج جـسمه تنظرينه

صـاحت يَـنايم بـالثّرى عاين أحوالي ... يـا هي الذي انظامت مثل ظيمي يوالي
لا وصّـلت يـمّك ولا لاحِـظ اطـفالي ... هـالحمل يـبن امّي على من تطرحونه

يتبع »»

والسلام عليكم ورحمة الله وبركاته
نسألكم الدعاء