[mahdi_2000]

أنا العباس يا حيدر
أنـا الـعـبـاس يـا حـيـدر...لـبو السجاد هالمنحر
لـضـحـي الـبـت عـلـي عيني...و أقدم إلها جفيني
فـلا تـحـتـار ...يـحـامـي الجار ...أقدم إلها جفيني

أنـا شـبلك يحيدر... يا بطل خيبر...يا من كورت مرحب
طـبـيـعـي إبهمتك يا بويه أتأثر...منو العنده مثل هالأب
ورث مـنـك إجـاني السيف يمشكر...سيفي جمرته تلهب
و حـق السيف هذا السيف وكت الكر...باجر بالزلم يلعب
الـيـريـد الحتفه يوصل يمي يتوذر...إشحده للخيم يقرب
أنـا العباس و إسمي أرعب العسكر...أنا العباس إخو زينب
أنـا الـعـبـاس بـالـحـومه ...صفت هالقوم مهمومه
لـفـرغ بـيـهـم إهـمـومـي...سنين ناطره اليومي
شـهـرت الـسيف...أريد الحيف...الصبر يا بويه ماذيني
فـلا تـحـتـار ...يـحـامـي الجار ...أقدم إلها جفيني

أنـا الها الواقعه إمتانيها من زغري...يوم الطف ثبت عيدي
مـن أول دقـيـقه المرت إبعمري...أحس حسين بوريدي
أخذني حسين حط صدره عله صدري...و صار إيقبل بأيدي
أخويه حسين خجلني و حرت بأمري...لمن صاح لي إعضيدي
حـسـين ابها الإخوه عظمه القدري...و هو الضمن تخليدي
عـهد عاهدته لرخص له دمه نحري...و أعلق خوته إبجيدي
أخـويـه حـسـيـن هـيـمـني...عله الباقين قدمني
و حـق هـالـخـوه مـا عـوفه...إوليدك باجر إتشوفه
نـذر مـنـذور...أنـا الـمـذخـور...أقدم زهرة إسنيني
فـلا تـحـتـار ...يـحـامـي الجار ...أقدم إلها جفيني

أنـا إشـما أحجي عن حسين ما يكفي...و آنه المنخلق لجله
و حـق عـيناج مهما إنطيت ما وفي...شوفي يا أبو الحمله
أخـويـه حـسين لحظه إجه إبصفي...ألوذ إبسده و بظله
شـنـو دمـي شنو عيناي لو جفي...أصيرن خادم الطفله
إسـم حـسين بلسم للجرح يشفي...بلسم ما حصل مثله
و إذا جـرحـي نزف ما ينقطع نزفي...بس هو الذي إيشله
أخـويـه حـسـيـن وافـانـي...و لا فـد يوم جافاني
أضـحـي الـمـهـجـه جدامه...و أصير إتراب لجذامه
يـبـويـه الـروح... فداه إتروح...و بس هامتي و عيني
فـلا تـحـتـار ...يـحـامـي الجار ...أقدم إلها جفيني

يـبـويـه إوصيتك إبعيني أخليها...عليمن تجذب الحسره
إوعـدت أمـي إبـوصـيـتها أوافيها...وصيتها أمر يجره
تـوصـيـنـي الحبيبه ابقلبي أوفيها...و أنا الوفاي للعتره
عـهـد آنـه نطيت الزينب أحميها...عهد مو لأمي للزهره
و حـق عـيناج شنهو إتريد أنطيها...ألف يمنه و ألف يسره
و لـوين وذروني لآخر نفس أفديها...فداها إتروح كل وذره
لـون أوصـال أتـقـطـع...بـدون الـمـاي ما أرجع
أجـيـب الـمـاي لـطـفـالـي...و لا تـتحير إعيالي
أنـا الـسـقـاي...أنـا الـوفـاي...يبويه لا توصيني
فـلا تـحـتـار ...يـحـامـي الجار ...أقدم إلها جفيني

إطلبت من الحسين الرخصه بإلساني...و أخوين حسين أجلني
ردت أبـرز و أخـمد جمرة أحزاني...ابدموعه حسين عاجلني
يـقـلـي لا تـروح إو يـمـه خلاني...يقلي لحظه إمهلني
سـمـعـت حسين لول مره يرجاني...وحق الزهره خجلني
إلـتـفـت لي إبنظره و بهالنظره بجاني...وداع حسين ألمني
أخـويـه إبـوقـفـة التوديع أذاني...لسان الحال كلمني
يـقـلـي روح لـخـيـامـك...عطاشه إتلوب أيتامك
لـونـك تـنـصـرع تـدري...يـخويه ينكسر ظهري
إخـذنـي ويـاك...بـعـد عـيناك...أظل وحيد تدريني
فـلا تـحـتـار ...يـحـامـي الجار ...أقدم إلها جفيني



نسئلكم دعاء بحق الزهراء
منقول للاستفادة

الشاعر ثامر السراج الكاظمي - 16/11/2012

[جارية العترة]

السلام على عضيد الحسين السلام على كافل الحوراء السلام صاحب الجود السلام على من ستطالب بحقه السيدة الزهراء صلوات الله عليها يوم المحشر حاملة كفيه القطعنين
الاخ مهدي 2000 حياكم الله وعظم اجوركم