[علاء السعيدي]

هاي ما تلكَاهه بس عد حيدره!!


يلي تفتي ابقتلي وتزيد اوتكول
خَلنه نتحاسب وجيب المسطره

انشوف ياهو الماشي للجنة إويطول
وياهو دربه اعوج خطوته اِمعثره!

وياهو أول من فده ابروحه الرسول
ونام بفراشه إوقريش امهستره!

وياهو هَد حصن البخيبر والعقول
الهسه وبلا باب ضلت خيبره!

وياهو كَرار الملاحم من يصول
وياهو خَلف الجَبل شارد ليوره!

وياهو باب اعلوم مدرسة الرسول
وصاحبك هالك أذاَ ميشاوره!!

وياهو هذا الفاز بالزهره البتول
إوفشلوا القبله لأنهم مَسخره!

اسأل القُران وافتهمه اشيكول!
الزعامه لابو احسين امصوره

وبأحاديث النبي كل الحلول
وانتَ شو حتى النبي متقَدره!

وصاحبك نادم عسه ابجنة ينول
بس علي الجنة عليه لزمت سره

علي الأصلي بالخلافة والأصول
ورَبعك استنساخ كَلها امزوره

واختصرلك بالمواقف والفصول
هاي ماتلكَاهه بس عد حيدره

واني تابع هالبطل فحل الفحول
وأنتَ تابعمَن تفَكَر ياتره!!!

بأي شريعه كَفرتني ياعذول
لأجل فتوه من عقول امحجره!

أذاً انتَ النجس يا ابن الذيول
واني طاهر مع العتره الطاهره

اشما تفجرنه الولاية ما تزول
وراح تبجي ادموم يوم الاخره

وراح تبجي ادموم يوم الاخره


(منقول)
بقلم الشاعر
حسين الساعدي

[بنت الهدى2]

ماشاء الله
كلمات رائعة
علي الأصلي بالخلافة والأصول
ورَبعك استنساخ كَلها امزوره
عاشت يده على هذه الكمات

ان شاءالله نشوف دموعهم وحسراتهم
وراح تبجي ادموم يوم الاخره

[حيدر رضا]

فكري ما يندار عن علي الكرار 000 بطاعته ومحبته يلهج الساني 000 موفقين الى كل خير