[ماهرالصندوق]

كل عام وأنتم بخير بمناسبة مولد سيدة النساء
اقدم لكم هذه القصيدة باللهجة العامية الشامية أرجو أن لا تجدوا صعوبة بقراءتها
ضووا العتم خلّوا الليل نهار
خلّوا القمر ينزل لأرض الدار
نادوا النجم يسهر خلّوا الشمس تغار
ما اليوم مولد فاطمة بنت النبي المختار
*****
بمتل هادا اليوم كان النبي فرحان
وبشر خديجة الطاهرة بهدية الرحمن
قلا الهنا يا طاهرة جايي
وهي الوحي نازل معو آيي
لتزين القرآن
فرح النبي وكبّر
وبالسورة شو استبشر
وصلى لربو حمد واتشكر
ماعاد همّو بعدها إن نادوه يا أبتر
ونادت خديجة بس ما عندي حدا
والصوت دوّى والصدى
واتنهدت حسرة
وفجأة لقت حولا الحور ألوف
وصارت ملايكة السما تنزل لعندا صفوف
آسيا وحّوا معُن والسيدة العدرا
كلّن إجوا يتباركوا بولادة الزهرا
*****
وحمل النبي بنتو بفرح
واتطلع بوِِشّا وسرح
ومتل الجمر نزل الدمع
من لمحت عيونو الضلع
وضمّا لصدرو بكل حنان وقال
حملك يا بنتي ما بتحملو جبال
وهادا وعد مكتوب من الله
وحجه على أهل الدني كِلا
يلا كبري يا فرحتي مع هالحزن يلا
*****
وكبرت البنت البتول
قدّام عينين الرسول
وصارت صبية مزينة
وصاروا يجوا الخطاب
ويدقدقوا عالباب
ظنوا القضية هيّنه
ومن بين كل الناس
ضوّى متل نبراس
وشعشع علي متل الشمس
واتحدد بلحظه العرس
وصارت ملايكة السما تهني الرسول
وتقدم البشرى
ومعهن نزل جبريل حتى يقول
لو ما علي مخلوق
ما كان في مخلوق بيستاهل الزهرا
*****
وتجمعوا النورين بالإيمان
وخلّو الشتي أحلى من النيسان
وزرعوا سوا بذرة شجر
ليعم خيرا عالبشر
وصار الزمان يدور
وهالغصن شعلة نور
وزهّر قمر، وحد القمر زهّر قمر بعدين
سمّوا الأول حسن وسمّوا التاني حسين
ولمّا اكتمل عقد الدرر
واتجمعوا هنّي الخمس
الله بعت وحيو بخبر
طهرتهم من كل رجس
هادا النبي طه الرسول
مع بضعتو الزهرا البتول
ومعهن حسن وحسين والحيدر علي
عا قد ما بيتواضعوا ذكرن عِلي
وأني خلقتن نور ما متلُن حدا
ومهما عمل كل البشر
من غير حبّن كل أعمالن سدى
*****
واليوم جينا بهالمسا
نهنّي النبي ببضعتو
ونزيل عن قلبو الأسى
ونمسح بكلمه دمعتو
قالو الأسى ما بينتسى
وكتير مرة طعمتو
قلتلهن عنا الحزن طول السنه موجود
آهات خنجر بالصدر ودموع فوق خدود
بهاليوم ما بدنا حزن خلو الحزن بكرا
بنرجع لنذكر كربلا ومصيبة الزهرا

ماهر صالح الصندوق

[جارية العترة]

الاخ ماهر الصندوق هل لك؟
ياحياك الله ....ماهذ القريحة .......والله ستكون نشيداً على السننا ..

اقتباس ومتل الجمر نزل الدمع من لمحت عيونو الضلع وضمّا لصدرو بكل حنان وقال حملك يا بنتي ما بتحملو جبال وهادا وعد مكتوب من الله وحجه على أهل الدني كِلا

لاالله الا الله في كل فرح نتذكر الظلام الذين ظلموا مولاتي لعنهم الله واخزاهم في الدارين

طيب الله فاك ايها الكاتب الموالي وحشرك مع الزهراء وابيها وبعلها وبنيها والتسعة المعصومين من ذراريها صلوات الله عليهم دائما وابدا.
اعاد الله ايام الافراح علينا بولايتهم

[ماهرالصندوق]

سيدتي المديرة :
أقدر لك مرورك الكريم
إن كل ما لدينا هو من محمد وآله الكرام
هذه القصيدة هي فيض مشاعر بذكرى الصديقة الطاهرة
أرجو أن أوفق دائماً لخدمة محمد وآل محمد

[مشرق الشبلي]

بسم الله الرحمن الرحيم

اللهم صل على محمد وال محمد

احسنت اخي العزيز ماهر الصندوق سلمت يداك على هذه الابيات الرائعة والجميلة

[ملكية الطلة]

يعطيك العافية والله ابيات روعة ويلي مخليها احلا انها بالشامي موفق لكل خير

[أبو حوراء]

السلام عليكم
الله يعطيك العافيه ويأجرك ويزيد من ألهامك وقريحتك ... كلامك من القلب وللقلب

هادا النبي طه الرسول
مع بضعتو الزهرا البتول
ومعهن حسن وحسين والحيدر علي
عا قد ما بيتواضعوا ذكرن عِلي
وأني خلقتن نور ما متلُن حدا
ومهما عمل كل البشر
من غير حبّن كل أعمالن سدى
*****


يا أبن العم وأنا عم أقرأ هلقصيده تذكرت أعداتنا وشتقت للأيام الحلوه ,,,, بس لازم تسجلها وتسمعنا ياها بصوتك