عهد احرار يالظامي **نضل ثوار يالظامي **اليوم الثار يالظامي
يا ثـــــار الله ****** يا ثـــــار الله
*****ـــــــــــــــــــــــــــــــــــــــــــــ ــ*****
الك يحسين من الطف بصمه بكل كلب مؤمــن
وعلى طعم المحبة البيك كـلوب العاشكه تدمن
ونسيم الشوك بالشيعة يبو السجاد مايصفــن
نعوف محبتك يحسين وحك الضلع ما نحسـن
ٍٍٍٍٍٍما ننساك يالضامي **نضل نهواك يالضامي **نضل ننعاك يالضامي
يا ثار الله *** يا ثار الله
*****ـــــــــــــــــــــــــــــــــــــــــــــ ــ*****
عهد ننطيك يالضامي نظــــل نترقب اخبارك
وليوم البي ترف رايات ترف كلوب انصارك
نظـــل نترقب المهدي يـلم اصفـــوف ثوارك
ونرفع راية التوحيد يبو اليمة الطـــلب ثارك
نترجاه يالضامي ** يشيل الواه يالضامي**يمحي الاه يالضامي
يا ثار الله *** يا ثار الله
*****ـــــــــــــــــــــــــــــــــــــــــــــ ــ*****
يضامي وجمرتك تسعر من يوم الطحت بالطف
ولهذا اليوم يامظلـــــوم دمـع حزنك ابد ما جف
رغم ما حاولت اذناب تحــرف جوهر المصحف
بس ربك يبو السجاد حفض ذكــــــراك وتلطف
بيك انصان يالضامي **بالميدان يالضامي**القران يالضامي
يا ثار الله *** يا ثار الله
*****ـــــــــــــــــــــــــــــــــــــــــــــ ــ*****
ابد والله ما ننســاك رغـــم الي يمــر والمـر
واذا ننساك يا مضلوم شـنهو العذر للكــوثر
يملهم كل فكر يحسين انت الكل نفس مصدر
والسار على دربك حيف ابد مــولاي يتعثـــر
ما ينضام يالضامي **كلب الهام يالضامي**يا ايمام يالضامي
يا ثار الله *** يا ثار الله
*****ـــــــــــــــــــــــــــــــــــــــــــــ ــ*****
نضل انصار للزهرة ونعاهـــد حيـــدر الكــرار
نسير بمنهجك يحسين يالنهجك نهج احـــــرار
وعهد نترقب الموعود ونصير الثورته انصار
وترف رايات دين الله وي ابنك تــــريد الثـــار
ويالموعود يالضامي **راعي الزود يالضامي**ثار ايعود يالضامي
يا ثار الله *** يا ثار الله
*****ـــــــــــــــــــــــــــــــــــــــــــــ ــ*****
لخادم الامام الحسين علية السلام /صادق الجبوري
عهد الشاعر صادق الجبوري مع الامام الحسين علية السلام
