من كنت مولاه - منتديات موقع الميزان
موقع الميزان السلام عليك أيتها الصدِّيقة الشهيدة يا زهراء السيد جعفر مرتضى العاملي
يا مُمْتَحَنَةُ امْتَحَنَكِ اللهُ الَّذي خَلَقَكِ قَبْلَ اَنْ يَخْلُقَكِ، فَوَجَدَكِ لِمَا امْتَحَنَكِ صابِرَةً، وَزَعَمْنا اَنّا لَكِ اَوْلِياءُ وَمُصَدِّقُونَ وَصابِرُونَ لِكُلِّ ما اَتانا بِهِ اَبُوكِ صَلَّى اللهُ عَلَيْهِ وَآلِهِ وَاَتى بِهِ وَصِيُّهُ، فَاِنّا نَسْأَلُكِ اِنْ كُنّا صَدَّقْناكِ إلاّ اَلْحَقْتِنا بِتَصْديقِنا لَهُما لِنُبَشِّرَ اَنْفُسَنا بِاَنّا قَدْ طَهُرْنا بِوَلايَتِكِ بِسْمِ اللهِ الرَّحْمنِ الرَّحِيمِ * ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ * صَدَقَ اللّهُ الْعَلِيُّ الْعَظِيمُ – منتديات موقع الميزان للدفاع عن الصدِّيقة الشهيدة فاطمة الزهراء صلوات الله عليها – منهاجنا الحوار الهادف والهادئ بعيداً عن الشتم والذم والتجريح ولا نسمح لأحد بالتعرض للآخرين وخصوصاً سب الصحابة أو لعنهم وهذا منهاج مراجعنا العظام والعلماء الأعلام حفظ الله الأحياء منهم ورحم الماضين
 
اضغط هنا
اضغط هنا اضغط هنا اضغط هنا
اضغط هنا
عداد الزوار
العودة   منتديات موقع الميزان .: الشــعـر والأدب :. ميزان المنبر الحسيني لشعر أهل البيت (ع)
ميزان المنبر الحسيني لشعر أهل البيت (ع) شعر في رثاء ومدح أهل البيت صلوات الله عليهم

إضافة رد
كاتب الموضوع شيباني مشاركات 1 الزيارات 2293 انشر الموضوع
   
أدوات الموضوع ابحث في الموضوع

شيباني
الصورة الرمزية شيباني
شاعر
رقم العضوية : 10414
الإنتساب : Oct 2010
الدولة : النجف الأشرف
المشاركات : 32
بمعدل : 0.01 يوميا
النقاط : 165
المستوى : شيباني is on a distinguished road

شيباني غير متواجد حالياً عرض البوم صور شيباني



  مشاركة رقم : 1  
المنتدى : ميزان المنبر الحسيني لشعر أهل البيت (ع)
افتراضي من كنت مولاه
قديم بتاريخ : 29-May-2013 الساعة : 10:42 AM

اللهم صل على محمد وآل محمد وعجل فرجهم والعن أعدائهم


اذا ضكك زمانك والصديج اعرض
انخه البلكلافه أمن العلي أمفوض
****************
انخه البلكلافه ايغيث كل ملهوف
يفزعلك لونك بين طبـگـه صفوف
اهو بحل المشاكل والكرب ما صوف
مثلما بالوغى الجيمان منه اتجض
*******************
انخه الشطر مرحب واتلف الاحزاب
عشرات اربعه الـچنت واهو اليدحي الباب
جعل منه گناطر للجيوش اسراب
طول الباب ما كفه اولـچفه اقرض
****************
چفه الباب خيبر صارت اچماله
وابن عتبه واميه ناله ماناله
مثلما العامري من عزلت وصاله
عـگب ذيـچ العجاجه على الصدر يربض
****************
على صر العامري اتربع وحز الراس
يتلـگـه المجبله ومايدور الناس
جسم مرحب بسيفه اتـگول عنده قياس
گـال اخطاني فقارك گـال اختض
******************
انخه اثلث احروف الدين بيهن شاد
عين عله اليضده اوگفت بالمرصاد
لام الهت عدوه اوثبتتله اوتاد
يا يم البساط اوياالنبي اتلفظ
**********
تلفظ وي حبيبه ابحضرت الباري
علي بامر الجلاله حبك اجباري
نزل بيه الأمين وبلغ القاري
كلمن خالفه الرب العرش يبغض
***************
كلمن خالفه عن الشريعه ايحيد
بلغله الولايه النبي اوشاله امنيد
ثبتله الوصايه اوخصها بتحديد
بعدي المرتضى اعله الناس يتفوض
******************
بعدي المرتضى اعلى الناس حكمه اجبار
علي ويا الحـگ يدور وياه كل مادار
وصيتي الكل المهاجر جمع والنصار
اله بعدي الولايه اوبالحكم ينهض
*****************
ينهض بالحكم والكل لحكمه ايطخ
كامتله الشيوخ اتهني وتبخبخ
تضهرله الموده اوبالحقد تنفخ
الغدير اشجم خشم عالي ابيومه انرض
*****************
رض اخشوم تصيبك يداحي الباب
ماخذت الشرف هذا ابـگربة الانسـاب
اخذته ابضربه سيف اوبـچيت المحراب
وايمان الـگـلب بالواحد عشـگ ينبض
***************
بايمان الـگـلب عن معرفه اوتيقين
وابعلمك يعالم نشـــــأة التكوين
فاض اعليك فضله الباري يابو حسين
واحنه ابها لفضل منك لفانه الحض
****************
لفانه الحض ابحبك ياامام الجان
حبك صك امان يبرد النيران
ما عده الصراط اوخالفك انسان
والوالاك يجزي اعليه برگ يلمض
*******************
برگ يلمض تجزي كل شخص والاك
عن ايمان موعن عبث حبيناك
شفنه أيات منك وحده من ناجاك
حبيبك ليله واخره بعلمه الك فضفض
*****************
بليله اطاك من ادم لذاك اليوم
اوليله علمك للساعه من اتـگوم
نص هذا عن عائشه معلوم
من گـالت حديثه اوياه بعظمي رض
****************
حديثك وي ابن عمك اعلى الكل شاع
ذريتك سفينة نوح وانته شراع
منجه للرگبها اوللتركها ضياع
وانته باب حط الكل ذنب ينفض
****************
انته باب حطه العد بني اسرائيل
وانته الصرت للانصار حد اوميل
علامه كل منافق ليك بغض ايشيل
والشخصك محبه ابكل شكل يرفض
******************
يرفض كل محبه الشخصك ابن الحيض
والحبك صحيح النسب مابيه غيض
قول المصطفى المايقبل التعريض
صرت ميزان لهل العـگـل بيه تفرض
*****************
صرت ميزان وانته الكل حكم ميزان
مانـگص من خلفك بالصبيان
صرت بمنزلت هارون عالي الشان
واضنك من تجي الهارون منه اجمض
*************
هارون ابكيانه استضعفوه الـگوم
وانته اتنام بفراشه اوتغط بالنوم
باها الله الاملاك ابنومتك ذاك اليوم
نزلها حرس لحمايتك تحفظ
***************
نزلك حراسه اوعون جبرائيل
اوعد رجليك خله الحرس ميكائيل
گـال الحفض البو الحسنين انطرو اليل
واني بعيني من فوگ العرش الحظ
****************
من فوگ العرش رب العرش يحماك
سبع مرات خله الشمس تحـچـي وياك
واعله ابساط لهل الكهف من وداك
فزو من رگـاد ترابهم ينفض
***********
فزو من رگـاد اوعجلو بالرد
يعرفونك غزيت ابرايه وانته أرمد
شافاك النبي بريجه اولشوفك مد
من سيفك حصن خيبر صدع وانشظ
*************
خيبر منذهل من سيفك اومرعوب
دحيت الباب طب الجيش من كل صوب
حبيب المصطفى انته اوبالعرش محبوب
والمحبوب اله اعلى المحب نفذه اوحظ
**************
الك نفذه على الباري وحظ اطاك
رضوان الجنان ومالك بيمناك
قسيم النار والجنه العدله خلاك
اريدن صك امان من الجمر يحفظ
****************
امان امن العذاب اطلب يداحي الباب
امن اگللك سجلي ابيض صرت جذاب
وحك دمك الساح بسجدة المحراب
ذنوبي لوشلتها ابحمل تبهض
***************
تبهظني ذنوبي لوشلت شكبان
اذا موفزعتك يابو الحسن خسران
اليخاف امن الجلد يرجى عفو السلطان
وانه ارجه العفو منك يالمفوض
*****************
ارجاك ابشفاعه اوتبره للتابوت
واريدنك تجيني لو حضر ملك الموت
وگبله اتشيل مني كل ذنب مثبوت
حتى الـگـه الاثنين بحفرتي بوجه ابيض

توقيع شيباني

[IMG]file:///J:/%D8%A7%D9%84%D8%B1%D8%B6%D9%8A%D8%B9%20copy.jpg[/IMG]




سليلة حيدرة الكرار
الصورة الرمزية سليلة حيدرة الكرار
مشرفة
رقم العضوية : 3576
الإنتساب : Jan 2009
الدولة : جنة الإمام الحسين عليه السلام
المشاركات : 3,167
بمعدل : 0.57 يوميا
النقاط : 311
المستوى : سليلة حيدرة الكرار is on a distinguished road

سليلة حيدرة الكرار غير متواجد حالياً عرض البوم صور سليلة حيدرة الكرار



  مشاركة رقم : 2  
كاتب الموضوع : شيباني المنتدى : ميزان المنبر الحسيني لشعر أهل البيت (ع)
افتراضي
قديم بتاريخ : 29-May-2013 الساعة : 12:39 PM

اللهم صل على محمد وآل محمد وعجل فرجهم والعن أعدائهم


السلام على جوهرة العصمة وفريدة الرحمة سيدتنا ومولاتنا الزهراء وأبيها وبعلها وبنيها والسر المستودع فيها
اللهم صل على محمد وآل محمد وعجل فرجهم بظهور قائمهم والعن أعدائهم لعنة دائمة إلى يوم الدين

السلام عليك يا مولاي أمير المؤمنين

بارك الله بكم على هذه الأبيات الجميلة والرائعة

نسألكم الدعاء لنا ولوالدينا

توقيع سليلة حيدرة الكرار

تركت الخلق طـراً في هـواك
وأيتمت العيــال لــكي أراك
فلـو قطعتني في الحب إربــا
لمـا مـال الفــؤاد إلى سواك



إضافة رد


أدوات الموضوع ابحث في الموضوع
ابحث في الموضوع:

بحث متقدم

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة


 

 


المواضيع والمشاركات التي تطرح في منتديات موقع الميزان لا تعبر عن رأي المنتدى وإنما تعبر عن رأي كاتبيها فقط
إدارة موقع الميزان
Powered by vBulletin Copyright © 2017 vBulletin Solutions, Inc