[عدنان الحمامي]

بسمه تعالى

سلام عليكم وربي يرعاكم ويخليكم جميعا

--

--

الابوذيه

--

بحظن عمي كبر عمري وعودي

وخذت من الحسن للطف وعودي

ييمه الخيمتچ رجعي وعودي

أرد العمي تعب أرباه اليه

--

الگلب من ينكسر مايصح يبره

وصواب الكلف مابعد يبره

نظر عيني يجاسم الك يبره

ردت سالم يغالي اتعود اليه

--

يجاسم اسمع اونيني ولي عود

ودمك خضب اچفوفك ولي عود -- الجعود اي الظفائر

ذخر ردتك لمن تكبر ولي عود

ترد اتعابي من تكبر اليه

--

الك در الدمع للغير مادار

أبحال أمه المكدره اظن مادار

يجاسم ريت هذا الفلك مادار

ولاشوفك شباب اعله الوطيه

--

يجاسم من رحت ماگلت مترد

وبالمصرع ذبيح أشلون مترد

تعيش أمك عگب عيناك مترد

تريد الموت يوحيّد اليه

--

00

هوسات

--

گومن يابنات اوياي للعريس نتلگاه

عمه حسين بيه فرحان شوفنه أجه وياه

وعمته اتبوسه من خده واخته اتبوسه من عيناه

اللقاسم انزفه اليله

--

--

أمه وحگي من افرح هالوحيّد أزفنه

واعلگله بصواني اشموع وبيدي اعجن الحنه

للوحيد اطش عمري بعرسه ورايده اتهنه

ياربي لوليدي اتحرسه

--

--

آنه ام جاسم العريس گومن للزفاف اوياي

هاي اشموعه علگنها لوليدي ضوه عيناي

ونتي ابخور جيبي اوياچ علگيله لأمل دنياي

ونسمعه هلهوله ابعرسه

--

--

صدگ حرموني من عرسه اوليدي وغاب عن عيني

وظليت بثياب السود وأگضي العمر بونيني

صحت لمك يجاسم گوم يبني لاتبچيني

حرموني منك يوليدي

--

سيد عدنان الحمامي

[جارية العترة]

اللهُمَّ الْعَنْ أوّلَ ظالِم ظَلَمَ حَقَّ مُحَمَّد وَآلِ مُحَمَّد ، وَآخِرَ تَابِع لَهُ عَلَى ذلِكَ ، اللهُمَّ الْعَنِ العِصابَةَ الَّتِي جاهَدَتِ الْحُسَيْنَ عَلَيْهِ السَّلام وَشايَعَتْ وَبايَعَتْ وَتابَعَتْ عَلَى قَتْلِهِ. اللهُمَّ الْعَنْهم جَميعاً
شملكم الله بلطفه الخفي
لعن الله ظالميهم السلام على القاسم نجل الحسن عليهما السلام
سليل الاباء