مسلسل(حقيقة الصداقه)قصه واقعيه,,, - الصفحة 2 - منتديات موقع الميزان
موقع الميزان السلام عليك أيتها الصدِّيقة الشهيدة يا زهراء السيد جعفر مرتضى العاملي
يا مُمْتَحَنَةُ امْتَحَنَكِ اللهُ الَّذي خَلَقَكِ قَبْلَ اَنْ يَخْلُقَكِ، فَوَجَدَكِ لِمَا امْتَحَنَكِ صابِرَةً، وَزَعَمْنا اَنّا لَكِ اَوْلِياءُ وَمُصَدِّقُونَ وَصابِرُونَ لِكُلِّ ما اَتانا بِهِ اَبُوكِ صَلَّى اللهُ عَلَيْهِ وَآلِهِ وَاَتى بِهِ وَصِيُّهُ، فَاِنّا نَسْأَلُكِ اِنْ كُنّا صَدَّقْناكِ إلاّ اَلْحَقْتِنا بِتَصْديقِنا لَهُما لِنُبَشِّرَ اَنْفُسَنا بِاَنّا قَدْ طَهُرْنا بِوَلايَتِكِ بِسْمِ اللهِ الرَّحْمنِ الرَّحِيمِ * ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ * صَدَقَ اللّهُ الْعَلِيُّ الْعَظِيمُ – منتديات موقع الميزان للدفاع عن الصدِّيقة الشهيدة فاطمة الزهراء صلوات الله عليها – منهاجنا الحوار الهادف والهادئ بعيداً عن الشتم والذم والتجريح ولا نسمح لأحد بالتعرض للآخرين وخصوصاً سب الصحابة أو لعنهم وهذا منهاج مراجعنا العظام والعلماء الأعلام حفظ الله الأحياء منهم ورحم الماضين
 
اضغط هنا
اضغط هنا اضغط هنا اضغط هنا
اضغط هنا
عداد الزوار
العودة   منتديات موقع الميزان .: الـمـيـزان الـعـلـمـي :. ميزان الكتب والمكتبات والأبحاث الدينية والعلمية
ميزان الكتب والمكتبات والأبحاث الدينية والعلمية عقائد - فقه - تحقيق - أبحاث - قصص - ثقافة - علوم - متفرقات

إضافة رد
كاتب الموضوع خادمة العباس (ع) مشاركات 20 الزيارات 7797 انشر الموضوع
   
أدوات الموضوع ابحث في الموضوع

خادمة العباس (ع)
الصورة الرمزية خادمة العباس (ع)
عضو دائم

رقم العضوية : 516
الإنتساب : Oct 2007
الدولة : مدينة الرسول الأعظم عليه السلام
المشاركات : 1,304
بمعدل : 0.22 يوميا
النقاط : 252
المستوى : خادمة العباس (ع) is on a distinguished road

خادمة العباس (ع) غير متواجد حالياً عرض البوم صور خادمة العباس (ع)



  مشاركة رقم : 11  
كاتب الموضوع : خادمة العباس (ع) المنتدى : ميزان الكتب والمكتبات والأبحاث الدينية والعلمية
Unhappy
قديم بتاريخ : 24-Nov-2007 الساعة : 01:47 AM

اللهم صل على محمد وآل محمد وعجل فرجهم والعن أعدائهم


(6)
إليكم الحلقة السادسة (6) من مسلسل ...
"حقيقية الصداقة",,,


جاني مسج من خالد فاليوم الي بعده وكان مقطع من منظومة شعر تعجبنا ودايم نرددها يقول المسج:

*ما جيت ابسأل جروح او سبه غيابي..
المشكله"اعرفـــــــك" اكثر من أسرارك..
وأكثر من جــــــــــــروح قلبي ورقه اعتابي..
((قلي بعد هالـــــفراق وش آخر اخبارك))؟؟!!

المسج اثر فيني لان خالد مو راعي مسجات ولا يعترف فيها، رجعت بي الذكرى لايامنا الحلوه وقررت ارسل له مسج كرد من نفس هالمنظومة بعد بتعديل بسيط مني:

*ماهي غريبه اذوق وانطفي بنارك
ولا هي بعيده اشوف الجرح باحبابي
حاولت أنسى ولكن ضاعت اعذارك
مادام جرحك ((يالرمت))مكتوب بكتابي!!

يوم الخميس اتصل سامي:هلا بندر...فرحت بمكالمته ذكرتني بالجمعات فالأستراحه...هلااااااااااااااا ا سامي وش الاخبار...تسلم, وش دعوى يارجال وين الناس اشتقنالك...تشتاقلك العافيه ياخوي...فاضي اليوم نمرك انا والشباب بين عشوين؟...الساعه المباركه حياكم الله والله ودي بشوفتكم...اجل نشوفك اليوم انشالله... لا تطولون صلو في مسجدنا مع السلامه.
جو الشباب على موعدهم على انهم ما صلوا عندنا ورحت افتح لهم, ماشاء الله كان الكل جاي ما ادري وش الغلا اللي جا لي فجأة, ولما اكتملت المجموعه وانا ارحب فيهم قبل لا اسكر الباب دفعه واحد فتحته بسرعه وقبل ما اشوف مين قلت..السموحه ماشفتك يـــا...كان خالد!!!ما عرفت وش المفروض تكون ردة فعلي ،لما تلاقت عيوننا بعد كل هالغيبه حسيت كني بطير من الفرحه في داخلي وانا احاول بكل ما اقدر اني اخفيها واني ما انط عليه واحضنه,ابتسم ذيك الابتسامه الحلوه واللي وحشتني حيل وهو زي ماتقولون كنه واحد غرقان ورد النفس...فتح يدينه عشان يلمني لكني بكل جمود مديت يدي وصافحته بدون أي كلمه!!قبل لا يصير في خاطركم شيء علي تذكروا اللي سواه فيني وش ممكن تكون ردة فعل اي احد فيكم، فالأخير احنا بشر ولنا مشاعرنا وانفعالاتنا اللي مو دايم لها تفسير ولا نقدر نتحكم فيها مهما كانت مكانة الشخص بالنسبه لنا..
الشباب سبقونا للمجلس,اصلا كان واضح القصد من هالزياره اكيد خالد هو اللي جابهم كلهم,توجهت للمجلس لكنه سحبني من ذراعي ناحيته بقوه, وبصوت هامس يحمل كل معاني الندم والرجا...معقوله ما وحشتك؟!!.. مارديت عليه وكمل كلامه...لمتى يابندر بتظل تتجاهلني, كلمني رد علي,هزئني اوحتى اضربني انا راضي واستاهل لكن لا تسوي فيني كذا حرام عليك والله اني تعبان وفهمت غلطتي وعارف اني ما اقدر اعوضك لكن هالعقاب والله فوق طاقتي يكفيني يابندر انت بالذات تدري اني مالي غنى عنك...كان قلبي يقول لي...ياخي خذه بحضنك وانسوا كل هالالم لكن الله يلعن ابليس ،العناد والكبرياء سيطروا علي والموقف اللي صار فالاستراحه بين عيوني, قلت بكل برود وانا ابعد يدينه عني بهدوء...جعل يدي تنقص قبل يجي اليوم اللي تنمد فيها عليك ماضربتك وحنا صغار تبيني امدها الحين؟!! "كانت نغزه على حركة الأستراحه", يالله الشباب ينتظرون داخل... نزل راسه بانكسار ودخلنا,واضح انهم كانوا يحاولون يلقطون شي من الحوار اللي دار بيننا,لكن اول ما دخلت كل واحد التفت على الثاني وسوى روحه متعمق في سالفته.
بديت اصب القهوه ومسك خالد الدله الثانيه,كانت هاذي عادتنا لما يزورني احد دايم نفزع لبعض بس هالمره ماكنت ابي أي مساعده منه,واللي زاد قهري ان خالد باللي صار خلانا فرجه لخلق الله ومحل شفقه الجميع وهذا اللي ماكنت استحمله..قلت لماجد اول واحد بصب له بصوت واطي وانا اضغط على اسناني..رح قله يترك الدله ومشكور ما نبي منه شي...كملت صب وسمعت ماجد يقول لخالد اللي بدى يصب من الجهه الثانيه :هات الدله عنك...لا استرح تسلم انا ابي اصب مع رفيقي...وشدد على اخر كلمه يبيني اسمع...لكن بمزحه بايخه وقاسيه في نفس الوقت يرد ماجد:هذا اول يالحبيب زين انه سمح لك تدخل لبيته معانا هات عنك بس...وقعد يضحك..حسيت انه جرحه وتعمد يهينه ولولا اني حكمت عقلي ذيك اللحظه وتذكرت انه في بيتي كان صفقت وجهه بالدله اللي معي,صحيح ان ماجد كان معروف عنه انه انسان فظ وعربجي ومزحه زي وجهه ولا يثمن كلمته او حتى يفكر فيها قبل يقولها,لكن لو في ظروف غير هاذي الله العالم وش كنت بسوي فيه... هذا اذا ما أدبته اول مايطلع خالد ادري انكم تقولون طيب هذا اللي انت تسويه مع خالد بس ما ادري اذا قد جاكم هالشعور انه ممكن اجرح او ازعل انسان غالي علي بس لو احد ثاني حاول يفور دمي و اعصب!!!.
المهم سويت روحي ما سمعت وكملنا صب,جلسنا, اللي يسولف واللي يضحك كنه ماصار شيء الا انا وخالد كنت امر بعيوني عنده كل شوي, ولأني افهمه من عيونه وبدون أي كلمه عرفت انه ينتظر الشباب يمشون.
اذن العشاء وقاموا الجماعه الا خالد وكنت متوقع هالشي بعد, ودعتهم وشكرتهم على الزياره,عند الباب قال لي سامي بيني وبينه:والله انكم مفضوحين الغلا واضح بينكم حتى لو حاولتوا تبينون العكس والله الله في خالد وانت عارف اكثر مني انه مافي مثله انت العاقل ولا تغلط غلطته انتم بدون بعض اسمح لي ما تسوون شي , ولا تخلون شي تافه يهدم احلى صداقه شفتها في حياتي,اصلا والله يابندر انه يحز في نفسي اني اوصيك عليه وانتم اللي من اول نخاف نقول شيء عن واحد منكم قدام الثاني...شكرته وقلت..قلبي ياسامي ما يزعل وانت تعرف خاصه على خالد بس الأمور احيانا تطلع من يد الواحد والله يخليك لا تفتح معي الموضوع مره ثانيه تراه علي اصعب مما تتخيلون..مع السلامه..
ودعته, ولما التفت لقيت خالد واقف عند الباب الداخلي ينتظرني, قربت عنده بدون أي كلمه وكتفت يديني, بدى بالكلام على طول... بندر سامحني يااخوك ترى كل هاللي قاعد يصير ماله داعي, انا تهورت وقلت كلام ماكان لازم اقوله, وجيت اليوم اعتذر لك واحب راسك بعد,"تكفى"خل عنك العناد وريح بالي ترى ما صارت المسامح كريم يالغالي...سكت فتره اول مره اسمع تكفى منه كانت طالعه قويه منه لكني حاولت اختار كلماتي قبل لا اقوله شيء..آسف يا خالد صدقني ما اقدر انت حطمت كل الاشياء الحلوه لك في داخلي بعد ما سمعتني ذاك الكلام والا نسيت؟!!اذا انت نسيت تراي اذكر كل كلمه قلتها وتتردد في بالي كل يوم, ذاك الكلام اللي زي السم واتهمتني باطل بعد بدون ما تحسب لصداقتنا أي حساب,يا خالد انا للحين احس اني في حلم مو قادر اصدق اللي صار, انت من بد كل هالعالم تبيعني انا في لحظه؟!! ما كان العشم والله... وبصوت مليان الم ...يعني ايش يابندر 16 سنه صداقه معقول ما قدرت تلقى لي لحظه وحده تشفع لي عندك وتخليك تسامحني؟؟؟!!..بعد كلامه انهمرت الذكريات من كل جهه لكني حاولت اتجاهلها بكل ما اقدر وانفجرت... اسأل نفسك قبل لما اهنتني قدام البشريه بدون ما تعطيني حتى فرصه اني ادافع عن نفسي انت يا خالد حتى ما حاولت انك تظن فيني خير وبعتني بسهوله , نسيت كل شي يا خلود, نسيت اللي اذا ضاقت بك الدنيا يصير لك الدار ويضيق خلقه لين تنفرج عليك, ونسيت اللي صانك وحفظ اسرارك طول عمره، نسيت اللي ما يرضى احد يغلط عليك وانت بكل بساطه تجرحه وتظلمه وتحرجه قدام الكل, ياليتك قدرت معزتي ومحبتي الكبيره لك, حركت يديني بعصبيه... يا خساره يا خالد انا بس ابي اعرف ذنبي, قلي ليش سويت معي كذا؟؟! عمري غلطت عليك بكلمه؟ او حتى ضيقت خاطرك بحركه؟ تجرحني بهالسهوله ليه؟ علمني ياخالد لا توقف ساكت تكلم يا اخوك؟!! المشكله هنا ان الغلطه جت من غالي وهذا اللي يخليني ما اقدر امشيها...عضيت على شفتي وانا اشوف ملامحه تتغير...تجاهلته وكملت...تدري وفر علي كل الكلام اللي بتقوله لانه ما عاد ينفع شي الحين اللي انكسر ما يتصلح ما عاد لك بقلبي مكان ليتني ما عرفتك ياخالد... كنت اقول هالكلام عشان ارد له اللي صار فالاستراحه وداخلي يصرخ...يا مكبر كذبتك يا بندر انت لو احد سألك وش دنيتك مايجي في بالك الا أهلك وخالد... سكتنا شوي وخالد يهز راسه وعيونه تتلامع, والف صوت في داخلي يقول له:تراي مثلك يالغالي عزيز وداخلي منهار, وعشان انهي هالمشهد الحزين قبل لا اضعف قدامه قلت: في بيت شعر سمعته مره وما اظن ان معناه وصل لي او يمكن المشاعر اللي وصفها الا اليوم:

الجرح لا جــا من اغـــراب عــــــــــــادي
بس الجرح مـوت الجرح لا جا من احـباب*1
لا جا من احباب ياخالد وانت ياخوي ما قصرت كفيت ووفيت معي فهمتني البيت بطريقه ما اظن الا متأكد ان ما احد يقدر يوصلها مثلك, ما ودي اقول اني نادم على الماضي لاني فعلا ما ندمت لكنك خيبت ظني فيك...رفع راسه وقرب يده من اذنه من قسوة الكلام اللي سمعه...كافي يا بندر كافي انا عارف انك دايس على قلبك وانت تقول هالكلام، فإذا كنت تبي تثبت لي شي او حتى لنفسك صدقني تراك اثبته, واذا كنت تحس انك مخدوع فيني او مصدوم فأنت الحين بأصرارك على الزعل تسوي مثلي ومهما صار او بيصير ترى غلاك في قلبي هو الاول دايم وعشرتك عمرها ما تهون عندي, وبالنسبه لك انا اكثر انسان فاهمك في هالدنيا عشان كذا بصبر عليك شوي لكن ما راح استسلم وعارف انك مهما تقسى وتبعد طيبتك وحنية قلبك بترجعك لخو يك, وعارف بعد اني ما اهون عليك... همست وعيوني فالأرض: وش اللي يخليك متأكد لهالدرجه؟! مثل ما هنت عليك في يوم بتهون علي اليوم !!...طالعني بنظره يائسه وحزينه... الله يسامحك يابندر والله ما اظن انه يفرحك انك تجرح خويك بهالطريقه...، اذا كنت قادر تنسى وتلغي احلى سنوات من طفولتك وشبابك فانت بتقدر تنساني اما بالنسبه لي فانا ما اقدر استغني ولو عن لحظه من ذكريات عمري معك لاني ما اقدر انسى حياتي كلها ... رديت بسخريه واللي سويته فالأستراحه وش تعتبره؟؟مثل مانسيت اللي بيننا بسوء ظن انا نسيته بهالجرح، و ادري انك ماتستحمل فكرة ان اي احد يزعل منك لكن انا--...قاطعني...يابندر انت مو اي احد وراك تكلمني كذا؟! فتح عيونك تراي خلود... فعلا انا مو اي احد والدليل سواتك فيني...ابتسم بألم...لا حول ولاقوه الا بالله ما توقعت العناد يوصل فيك لهالدرجه، على كل حال الموضوع الحين صار في يدك وتقدر تحكم فيه بالطريقه اللي تبي بس اتمنى انك ما تسوي شيء تندم عليه، ولا تغالط نفسك اكثر من كذا انت تعرف من انت بالنسبه لي وهالعالم اللي حولي بدونك ما ابيهم وما اقدر اتخيل ان اللي كان بينا بيكون ذكرى في يوم من الأيام انت متخيل هالشيء وانت تقول هالكلام؟!!...هزيت راسي...محد يموت قبل يومه الدنيا كذا والحمدالله على نعمة النسيان... اقامة الصلاه.. وودعنا بعض وطلع.


ياترى غلطه مثل هذه تجعل من الإنسان حقود لهذي الدرجه ...
هل ممكن للي يحب انه يكره,,,
وياترى من الذي سيندم في الآخر ,,,خالد ,,, أم ,,, بندر,,,
تابعونا و في الحلقه القادمه ,


توقيع خادمة العباس (ع)


خــ العباس(ع) ــــــادمة




منتظرة المهدي
عضو
رقم العضوية : 421
الإنتساب : Sep 2007
الدولة : طيبة الطيبة
المشاركات : 5,448
بمعدل : 0.90 يوميا
النقاط : 0
المستوى : منتظرة المهدي is on a distinguished road

منتظرة المهدي غير متواجد حالياً عرض البوم صور منتظرة المهدي



  مشاركة رقم : 12  
كاتب الموضوع : خادمة العباس (ع) المنتدى : ميزان الكتب والمكتبات والأبحاث الدينية والعلمية
Post
قديم بتاريخ : 26-Nov-2007 الساعة : 06:52 AM

اللهم صل على محمد وآل محمد وعجل فرجهم والعن أعدائهم


يا دائم الفضل على البرية
يا باسط اليدين بالعطية
يا صاحب المواهب السنية
صلى على محمد وآل محمد
خير الورى سجية
وغفرلنا يا ذا العلى في هذه العشية

تسلمي وجزاك الله خير جزاء على ذلك

ولكن أما تشعرين أنك متباطأه في كتابة الحلقات

ونحن على أحر من الجمر لرؤية نهايتها

أما غلطة خالد يعاقب عليها نعم ولكن ليس بمثل لو كان بجد ما يهون على بندر يعاقب ولكن بطريقه

محافظه فيها على خالد ومشاعره وفي نفس الوقت مايفكر يفعلها مرة أخرى ...

ويكون في بال بندر أنه الإنسان غير معصوم من الخطأ مادام قد اعرف لك بخطأه فعليه العفو ولكن

مع عقاب لأنه صديقه ..

اتوقع نهايتها يخسر بندر ذلك الصديق في حايته ليكن خالد في ضيافة مولاه ...

ويندم بندر على ما فعله من قسوة قلب اتجاه خلود " خالد" ...


نحن في انتظار النهاية على شعلة من النار وما أحر ذلك


مشكورة غاليتي خادمة العباس



خادمة العباس (ع)
الصورة الرمزية خادمة العباس (ع)
عضو دائم

رقم العضوية : 516
الإنتساب : Oct 2007
الدولة : مدينة الرسول الأعظم عليه السلام
المشاركات : 1,304
بمعدل : 0.22 يوميا
النقاط : 252
المستوى : خادمة العباس (ع) is on a distinguished road

خادمة العباس (ع) غير متواجد حالياً عرض البوم صور خادمة العباس (ع)



  مشاركة رقم : 13  
كاتب الموضوع : خادمة العباس (ع) المنتدى : ميزان الكتب والمكتبات والأبحاث الدينية والعلمية
Unhappy
قديم بتاريخ : 28-Nov-2007 الساعة : 12:14 AM

اللهم صل على محمد وآل محمد وعجل فرجهم والعن أعدائهم


(7)


إليكم الحلقة السابعة (7) من مسلسل

"حقيقية الصداقة",,,


بعد هالموقف حسيت براحه كبيره, حسيت ان احنا متعادلين الحين او يمكن كان سبب الراحه اني تكلمت معه بعد فتره اعتبرها في نظري طويييييله وطلعت كل اللي في خاطري, اصلا ما عاد فيني صبر على فراقه واكيد انه حس بغلطته وهذا اللي كنت ابيه وقررت اني انسى اللي صار خلاص و ارد عليه اذا دق المره الجايه, واسامحه واطلب منه يسامحني بعد,يعني حتى انا قلت كلام ما كان لا زم يطلع مني وقررت ان احنا نسافر بعد عشان نعوض كل الايام اللي بعدناها عن بعض.
علمت ريم بالسالفه كلها كانت مستغربه وهي تسمعني:تصدق يابندر هاذي والله العالم عين وصابتكم اجل معقوله خالد يسوي اللي سواه لا والأغرب انك قويت نفسك ولا سامحته,لا لا اسمح لي هالكلام ما يدخل العقل..!! ..ضحكت وانا اسمعها وقلت...من جدك ما سامحته؟؟!!اصلا من اول ما شفت اسمه في جوالي سامحته على طول وبيني وبينك قلبي ما قوى يزعل عليه من الاصل لكن الظاهر اني كنت امثل على نفسي قبل لا امثل على احد!! ثانيا المسأله بأختصار كانت رد اعتبار, لكن تعرفين حنا مو زيكم انتم يالبنات اذا زعلت وحده الثانيه تعتذر على طول غالبا والثانيه بعد تسامح بسرعه وهذا في ظني اللي يخلي صداقات البنات اجمل واطول بعد اما الشباب فالكرامه والعزه تتغلب على العواطف الثانيه دايم نحس ان احنا مو بحاجة احد والاعتذار بعد من اصعب الاشياء علينا هاذي طبيعتنا اللي حطها ربي فينا, هذا وانا وخالد نعتبر طفره جينيه بالنسبه لصداقات الرجال ،الله يعين انشاءالله انا الحين بس استناه يدق خلاص ماعاد فيني صبر...طالعتني بتعجب... والله انك غريب يابندر طيب ليش ما تدق انت عليه؟!!...اوووه انت غبيه والا تتغيبين وش قاعد اتفلسف عليك من الصبح, اقول لك ما اقدر صعبه علي وبعدين خلود ما يقدر يصبر بعد اكيد بيدق هو قال لي انه بينتظر علي شوي...عطتني نظرات ما ادري وش تبي وقالت.. الحمدالله والشكر لحد يسمعك بس وبعدين لا تسوي روحك فاهم البنات لانك ماعندك سالفه وفي شيء ابيك تفكر فيه تتوقع لو الوضع كان العكس خالد كان بيسامح والا بيسوي مثلك؟!!..وطلعت...وقعدت افكر في كلامها واللي اجابته كانت واضحه بصراحه وهي بعد كانت تعرف الاجابه لان مواقف قديمه تبين ان خالد حتى لو كان صعبه عليه يسامح ومن النوع اللي زعله شين بس انه يسامحني انا دايم مهما صار..لكن هالكلام مايهم الحين..


مر كم يوم وخالد للحين ما دق لكني يوم الأربعاء شفت ميه مس كول من طلال ورجعت ادق عليه قلت اكيد ان خالد يبيه يتوسط بيننا لانه يعرف معزة طلال عندي لما فقد الامل فيني , وبعدين اناخلاص وصلت عندي ابي كل هالسالفه تنتهي ودقيت وانا فرحان...مرحبا طلال... هـ...هـ لا.. بندر..صوته ابدا ما عجبني واختفت الأبتسامه...طلال خير انشاءالله عسى ماشر,معليش ماكنت عند الجوال قبل شوي بغيتني في شي؟!... الرجال بدى يتنهد وحسيت ان في شي مو زين صاير ...بندر انا لي ساعه احاول ادق عليك لكن ----....طلال ياخوك لا تلعب باعصابي قلي وش فيكم؟!...انا ذاك الوقت الهواجس لعبت فيني لعب قلت ابوهم توفى لانه كان رجال كبير فالسن ومريض من زمان والا اخوهم الصغير تركي اللي كان عنده ربو حاد جاه شي, كل شي مر في بالي وكنت طول الوقت افكر بس في خالد وشلون بيتقبل هالاشياء وانا اعرف غلا ابوه واخوانه عليه وعزمت اني انسى كل اللي صار و اوقف معه في محنته كل هذا قبل لا ينطق طلال بحرف ... خـالـد يا بندر-----!! لما سمعت الاسم حسيت ان قلبي وصل حلقي ولا عاد قدرت اتكلم او حتى اتنفس,وبصعوبه...خـ-خـ--الد وش---فيه حراااااام عليك تكلم؟؟!! كنت انتفض وركبي ما عاد تشيلني... خالد يطلبك الحل يابندر ادع له بالرح---وخنقته العبره,اما انا فكنت ساكت,ولاعاد اشوف شي قدامي قعد يتكلم كلام ما فهمت منه شي اللي قدرت استوعبه انه الظهر صار له حادث والظاهر انه كان متوجه لبيتي وتوفى فالمستشفى...قفلت الجوال, كنت واقف وبحركه بطيئه قعدت على الارض وبعدين انسدحت عالأرض وقعدت اناظر السقف لفتره طويله ويدي على راسي فقدت الاحساس بكل اللي حولي, لا دموع ولا كلام ولا صدر مني أي ردة فعل..


طلعت بسيارتي امشي فالشوارع بدون هدى ما وعيت الا انا فالمجمعه ديرة خالد اللي تبعد عن الرياض حوالي الساعتين وياما زرناها سوى, وقفت السياره قدام فلتهم اللي يجونها ايام الشتاء، لما جا الليل رجعت للرياض..
دخلت البيت ورحت لغرفتي وقعدت اتقلب في فراشي تصوروا كل هذا بدون أي احساس الظاهر اني ما كنت مستوعب المصيبه اللي انا فيها, لما جا الصبح رحت لبيتهم على طول وقبل اوصل دق علي طلال... الو...هلا بندر, اذا ودك تسلم عليه وتودعه قبل الدفن تعال للمغسله اليوم قبل صلاة العصر..


ما رجعت للبيت رحت للمغسله وسألتهم قالوا ما بعد وصل من المستشفى, تبون الصراحه كان للحين عندي امل ان السالفه كذب او فيها غلط زي حال الكل وقت المصايب ماودهم يصدقون, واني بشوف خالد بعد شوي، قعدت عند الباب الى الساعه 2,30والا اشوف سيارة اسعاف جايه ووراها سيارات اخوان خالد كلهم، وقف الأسعاف وفتحوا الباب الخلفي، شفت طلال وباقي اخوانه عند السياره لما شفتهم يطلعون طرف شي ابيض شهقت ورحت اركض فالشارع, كنت احاول ابتعد عن المكان بقد ما اقدر, مشيت لين وصلت اخر الشارع وجلست على رصيف واحد من البيوت, لما هدت نفسي شوي رجعت للمغسله كان لازم اواجه الواقع لو كان قاسي..

دخلت وانا شماغي على كتفي وماسك عقالي في يدي وحالي دمار, لقيت مو بس اخوانه حتى اعمامه واخواله وزوج اخته بعد، الكل كان متواجد, لما شافوني تغيرت وجيههم وحضنوني بحراره, كلهم اعرفهم ويعرفوني زين عرفت اني ذكرتهم فيه لما شافوني حتى واحد من اخوانه ما رضى يتركني كنه بتعلقه فيني يحس انه مع اخوه خالد والغريبه انهم كانوا يعزوني بدال ما انا اعزيهم , المهم جاني طلال وعلامات التاثر باينه في وجهه..تبي ادخل معك؟؟؟احنا تونا طالعين... قاطعته...لا لا بدخل لحالي... كانت هاذي اول جمله انطقتها من اول ما دخلت للمغسله حتى لما عزوني ما رديت عليهم..
تعوذت من ابليس وبديت اذكر الله و دخلت في الغرفه اللي دلوني عليها كانت فيها روايح غريبه الريحه اللي قدرت اعرفها هي ريحه المسك والصابون, الظاهر ان الرجال اللي كان فالغرفه هو المغسل, وقفت في مكاني عند الباب ماكنت عارف وش اسوي؟!! قرب جنبي و كان شخص يميل للقصر ,ابيض, لحيته طويله وصاحب ملامح سمحه, حط يده على كتفي وحس بالرعشه اللي تهزني كنت اطالعه بنظرات استغاثه... وبصوت وقور قال...عظم الله اجرك ياولدي واحسن الله عزاك ,الله يلهمكم الصبر والسلوان, قبّل جبهته وادع له بالثبات عند السؤال, وباللي يجي في بالك... كنت اطالعه وانا اشهق بدون دموع وطلع من الغرفه..
شوي شوي قربت من عنده وشفت منظر في حياتي ما مر علي مثله, حسيت الدم وقف في عروقي لما شفته انهارت كل حصون المقاومه والصبر اللي بنيتها , ما ادري وشلون اشرح الوضع كانوا حاطينه على شي زي الطاوله ومرتفعه عن الارض بمسافه قليله ,مغطين جسمه بشراشف بيضاء الا وجهه وجزء من صدره, كانت عينه وجزء من جبهته متحوله للون الازرق من فعل الصدمه اما خده ورقبته كانت فيها جروح بسيطه ,لكن واضح ان تركيز وقوه الصدمه كلها جت على صدره, كان زي اللي نايم بس بدون أي اثر للحياه والظاهر اني ما صدقت الخبر لين شفته بعيوني, فقدت اعصابي في ذيك اللحظات وصرخت صرخه مريعه، حضنته بين يديني وقعدت اصيح بحرقه زي الاطفال, دخلوا علي بعض اخوانه يوم سمعوا صوتي وحاولوا ياخذونه مني لكني كنت متمسك فيه بقوه.. يابندر قل لا اله الا الله لا تسوي في نفسك كذا ترى ما يجوز...وانا اصرخ من كل قلبي احس اني فقدت عقلي للحظات... اتركوني خالد يا اخوك رد علي , كلمني ياخالد ,طلال خالد ليش بارد؟؟ليش تاركينه كذا؟؟ ليش ماغطيتوه؟؟ حرام عليكم... نزل راسه وانسابت الدموع من عيونه...انا الله وانا اليه راجعون...تعال معي يا بندر تعوذ من الشيطان وخلنا نطلع...وانا احاول اكلمه..ياخوك وين رحت وتركتني؟!!انا من لي غيرك ياخالد؟؟.. ودموعي سيول واخوانه يحاولون يفكون يدي عنه..
وبعد جهد قدروا ياخذونه من بين يديني بعد ما بين اثر ضغطي على جسمه، وانا منهار وفي حال مايعلم فيها الا الله سبحانه, كل لحظه انادي بأسمه..جابوا لي كرسي وقعدوني عليه وانا كني معهم ومو معهم... واحد من اخواله شيخ كبير من الناس اللي فيه خير وصلاح والله هاديهم قعد يمسح على راسي وصدري ويقرى علي قرآن لين هدت نفسيتي شوي ناظرت فيه...خالد صدق راح يا خال؟!...شد على يدي وهز راسه ورجعت دموعي ويدييني على راسيوانا اهز على الكرسي..مايصير يا خال والله ما يصير...قعد يستغفر وانا على حالي، كنت مفجوع الله لا يفجعكم في حبيب...
رحنا نصلي عليه كان المسجد مليان واللي برى اكثر من اللي داخل, كان الله يرحمه رغم صغر سنه انسان محبوب من الجميع صغار وكبار, وفي المقبره مع الزحمه وكل هالعالم اللي حولي الا اني حسيت بوحده رهيبه,كنت بعيد عن الجماعه ما ابي احد يعرفني او حتى يشوفني رغم اني عارف ان الكل يسأل عني تلثمت بشماغي ولبست نظارتي الشمسيه ووقفت بعيد عنهم.
جاني تركي واللي كان له غلا كبير عند خالد بحكم انه الصغير وكان دايم يقول انه رغم صغر سنه الا انه كان حكيم ويفهم اكبر من عمره بكثير,كان عمره تقريبا ذاك الوقت12سنه سلم علي وحضنته وانا احاول اتماسك قدامه ولكم ان تتصورون مقدار صعوبه الأمر خاصه انه يشبه خالد كثير قال لي:بندر خالد كان يعزك اكثر من أي واحد في هالمكان وكلهم مجتمعين حوله الا انت!!لا تتخلى عنه في هاللحظات عشان ما تندم باقي حياتك, تشجع وادع ربي انه يصبرك بس لا تحاول انك تهرب من احزانك بهربك من هالموقف... كانت كلمات عظيمه اثرت فيني وشفت في هالطفل اللي فقد اخوه في حادث مفجع الصبر بمعناه الحقيقي,لميته لصدري مره ثانيه وكنا نواسي بعض بخسارتنا الكبيره, مسكت يده وتوجهنا لهم...استعدوا للدفن وسمعت اخوانه ينادوني...قلت لهم اني انا اللي بنزل فالقبر واحطه ونزل معي واحد من اخوانه يساعدني...سلمونا اياه من فوق وحطيته وانا ادعي له واذكر الله طول الوقت,كان ودي لو اجلس معه اوحتى اشوفه واسمع صوته لاخر مره لكن عرفت ان شمسي غابت خالد ((الرمت)) غاب من حياتي وهالحياه للابد..


غادر خالد الحياه ,,, فهل الغلط الذي عمله يستاهل أن يُعاقب لهذه الدرجه إلى ينتقل إلى الرفيق الأعلى ,,,
تتوقعون ماذا سيكون مصير بندر بعد رحيل خالد ,,,,, مع العلم أنه رحل ولن يعووووووووود
آآآآآآه ,,,والله قلبي عورني ,,
نراكم في الحلقة القادمة,,,


توقيع خادمة العباس (ع)


خــ العباس(ع) ــــــادمة




منتظرة المهدي
عضو
رقم العضوية : 421
الإنتساب : Sep 2007
الدولة : طيبة الطيبة
المشاركات : 5,448
بمعدل : 0.90 يوميا
النقاط : 0
المستوى : منتظرة المهدي is on a distinguished road

منتظرة المهدي غير متواجد حالياً عرض البوم صور منتظرة المهدي



  مشاركة رقم : 14  
كاتب الموضوع : خادمة العباس (ع) المنتدى : ميزان الكتب والمكتبات والأبحاث الدينية والعلمية
افتراضي
قديم بتاريخ : 29-Nov-2007 الساعة : 01:30 PM

اللهم صل على محمد وآل محمد وعجل فرجهم والعن أعدائهم


يا دائم الفضل على البرية
يا باسط اليدين بالعطية
يا صاحب المواهب السنية
صلى على محمد وآل محمد
خير الورى سجية
وغفرلنا يا ذا العلى في هذه العشية



توقعت أن يلتحق بالرفيق الأعلى خالد

ولكن ماذا يفعل بندر بعد مافقد خالد احتمال الندم على مافعله بصديق دربه


ولكن أتمنى أن أشاهد النهايه ولا أستبق الأحداث


أكملى يا عزيزتي خادمة العباس


نحن ننتظر النهاية



خادمة العباس (ع)
الصورة الرمزية خادمة العباس (ع)
عضو دائم

رقم العضوية : 516
الإنتساب : Oct 2007
الدولة : مدينة الرسول الأعظم عليه السلام
المشاركات : 1,304
بمعدل : 0.22 يوميا
النقاط : 252
المستوى : خادمة العباس (ع) is on a distinguished road

خادمة العباس (ع) غير متواجد حالياً عرض البوم صور خادمة العباس (ع)



  مشاركة رقم : 15  
كاتب الموضوع : خادمة العباس (ع) المنتدى : ميزان الكتب والمكتبات والأبحاث الدينية والعلمية
Cool
قديم بتاريخ : 30-Nov-2007 الساعة : 12:17 AM

اللهم صل على محمد وآل محمد وعجل فرجهم والعن أعدائهم


(8)
إليكم الحلقة الثامنة (8) من مسلسل

"حقيقية الصداقة",,,

بعد وفاته رجعت ذاك الطفل الكتوم المنطوي على نفسه...انا تركت قلبي معه لما تهاوشنا,ولما راح..راح قلبي معه, ابتعدت عن الناس والعالم فتره طويله كنت فاقده بشكل خيالي واللي يحز في خاطري اكثر لما اتذكر انه توفى واحنا بعيدين عن بعض يعني16سنه عمرنا ماتفارقنا وقبل اقل من شهر على وفاته نتهاوش!!! اللهم لا اعتراض راضي بقسمتك وحكمك يارب,لكن املي فيه انه كان فاهمني وعارف اني ما اقدر استحمل زعله وقلبي ما يشيل عليه واني زي ما قال مهما حاولت آكابر وانساه مصيري ارجع له..
بعد عدة اسابيع على وفاته عطاني طلال دفتر وقال:هذا كان من اغراض خالد الله يرحمه واظن ان من حقك تتطلع عليه وتحتفظ فيه بعد اذا ودك, لما شفت الدفتر تذكرته على طول كنا يوم انا واياه في المكتبه بنشتري كتب للجامعه وشاف الدفتر وعجبه وقلت له هذا مايصلح للمحاضرات ياعمي قال عارف بس تدري وش باستخدمه فيه؟! بكتب فيه مذكرات لكن مو أي شي الاحداث المهمه في حياتي بس, اذكر اني ضحكت عليه من قلب وقلت له انت من جدك؟!!والله ما تصلح لك هالحركات ونسيت الموضوع بعد كذا,فتحت الدفتر وكان مكتوب بالصفحه الاولى:

بالرغم من اني اعتقدت ان اليوم الذي ستملئ به هذه الصفحات لن يأتي ابدا, الا انه اتضح لي عكس ذلك.
وعدت يوماً اني لن اكتب به غير احداث مهمة من حياتي ...احداث تستحق الكتابه وقد جاء هذا اليوم بالفعل...فاليوم أخطأت في حق صديق عمري ورفيق طفولتي.

بعد هاذي الكلمات القليله بعددها والكبيره بمعناها في قلبي لقيت بعض ابيات الشعر:

بندر حرك ضميرك واعترف اني وفيت
سيرة النكران هاذي فضها واذكر غلاي
اعترف بسك تكابر منت واصل ما بغيت
ريح عنادك وخلنا انتفاهم باللي جـــاي
لا تحاول تمتحني ما خذيت؟!الا خذيــت
قلبي الغالي بلاش وما تركت الا شقاي
صح في لعبة غيابك زاد شوقي وابتليـت
بس لاتظلم تراني ما صبرت الابرضاي
ما دريت ان المحبه قاسيه لكن دريت
خطوه المليون جرح وافقت دربي وخطاي
كم تذكرت الليالي وانت يا خلي نسيت
ومن تناسى صدق ذاته ويش اقول الله معاي
يابني آدم تلاحق خاطري لامن طريت
خلك الطيب وحاول تكسب الوقت بوفاي
لا تخليها معاند أن قويت او ما قويت
القوي الله((ياعمي)) وانت تدري عن مداي*2

وبعد كذا انهى كتاباته بهالبيت:

خسرت ولا ربحت الا قليل من الصبر وجراح
ربحت بندر وان خسرت العمر عسى تحييني اوراقي*2

وهذا كان اللي مكتوب بكل هالدفتر بس,الدفتر عنده قبل اكثر من اربع سنين وهذا اللي مكتوب فيه, ولاشي اعتبره مهم في حياته الا هوشتنا, ما ادري اذا كان حاس بموته من قبل والا البيت جا كذا المهم لميت الدفتر لصدري وقعدت ادعي له.
كنت اقعد مع طلال بعض الايام ومره قال لي ان في آخر سفره لخالد مع اهله واللي ماراح معهم طلال فيها قال له: ماوصيك على بندر ياخوي لا تخليه يحس اني مو موجود خلك حوله دوم..كمل كلامه وانا ماسك دموعي اللي اتعبتني...ادري انه مافي شيء يخليك متحس انه مو موجود مثل ماقال وما في شيء يعوضك او حتى يعوضنا بس ترانا كلنا حولك حتى ابوي يسأل عنك دايم...رديت وانا اغالب الدموع وافكر في حال اهله من بعده...ماتقصرون... حاولت اشكي له شوي يمكن اخفف من هالألم الفظيع اللي احس به.. والله انه ماعاد لي قلب ياخالد--.. يوم حسيت اني غلطت بالأسم خلاص انهرت وفضحتني دموعي..
رجعت للبيت وبعد فتره دخلت ريم علي تحاول تواسيني وتطلعني من دوامه الحزن اللي انا فيها...بندر يا اخوي كل شوي والله اني خايفه عليك..كانت جايبه عشاء لكني صديت عن الأكل...طلبتك ياريم والله ما اشتهي شي...هزت راسها..ياخوي فضفض وطلع اللي في قلبك انا اختك وحاسه فيك ما يصير تكتم كل هالالم في قلبك...رفعت راسي... وشلون تبيني اتكلم يا ريوم الوحيد اللي قدرت اشكي له في يوم راح وخلاني خالد راح ياريوم وتركني في هالدنيا لحالي...استغفر ربك يابندر هالكلام ما يطلع من واحد مثلك انت انسان مؤمن وتعرف الله, وبعدين حرام عليك تضغط على نفسك وتحملها هموم فوق طاقتها تتوقع خالد الله يرحمه يرضى لك بكذا..امتلت عيوني بالدموع زي كل مره اسمع فيها اسمه وانا احاول اخفيها عنها..مسكت يدي..لا تحاول تخفي دموعك ياخوي طلع اللي في قلبك اللي فقدته مو شوي، انا ياخوي جايه اقول لك ترانا كلنا معاك وحولك في أي وقت تحتاجنا فيه... ياريم انا شفت الدنيا على يده لكنه ماعلمني اعيشها بدونه، انا خسرت القلب الكبير، من بعده صرت اشوف كل شيء حزين، الدنيا ياريم ماعاد لها طعم بدونه، ليت الزمن يرجع و--ضغطت ريم على يدي...لا تعذب روحك ياخوي كلمة ياليت ماتنفع وهذا قدر الله..
ورغم مرور السنوات على وفاته الا اني عمري ما نسيته اوحتى راح من بالي عايش داخلي دايم وادعي له بالرحمه والمغفره كل الأوقات, رحت للعمره ادور الراحه النفسيه بالقرب من الله تذكرت وانا اطوف لما اعتمرت انا والشباب العام الماضي، قسمنا نفسنا عشان الزحمه كان خالد ماسك يدي و يمشي فيني بين الناس وانا اقرى من كتاب الادعيه وهو يأمن، ولما رحت اشرب من زمزم تذكرت شكله وهو يصب المويه على راسه وجسمه كنه في بيته واحنا نقوله ترى وراك سعي ما راح تعرف تمشي واحرامك مليان مويه و يرد "واذا صار؟!!والله ماعندكم سالفه هاذي بركه يالله سوو مثلي بلا دلع" ،وفي السعي لما شفت العربات تذكرته لما كنت اجره بالموت عشان ما يوقف وهو يأشر على العربات"الله يخليك خلنا نقعد شوي خلاص يابندر رجلي ما تشيلني خلنا نرتاح شوي والا شرايك نستأجر عربه وانت تدفني؟!" ...وانا اهاوشه على كلامه واجره بالقوه...خالد تراك اذيتني قسم بالله البزران مايسوون مثلك...ولما جينا نتحلل كلنا قصرنا شعورنا الا هو حلق شعره كله، كنت دايم في اي عمره اقصر شعري لكن هالمره حلقت.. واخيرا لما رجعت حافي للفندق زي ما كان يسوي خالد تذكرت لما خليناه ينام على الأرض فالغرفه وشكله وهو يهمز رجله بعد تعب العمره وهو يتأفف: ياسلام عليكم بتنوموني على الأرض هالسنه بعد؟؟ ترى ما بيني وبينكم الا شهور، حرام عليكم مو كل مره بندر وسامي ياخذون الأسره في هالغرفه المفروض يصير فيه تناوب!! فالغرفه الثانيه يتناوبون مو انتم يالظالمين...بس محد عطاه وجه ولما قام الصبح كان يشتكي من ظهره وانا اضحك على طريقة مشيته...امش زين لا تنصب والعمره الجايه انشا الله بتنام عالأرض بعد رد علي..هين يابنيدر ان ما خليتك انت تنام على الأرض انا مب خالد... سبحان الله دنيا دواره.. هالسنه اعتمرت لحالي ونمت عالأرض وتركت الأسره فاضيه، ولما قمت الصبح وحسيت ان ظهري يوجعني ابتسمت بحزن استقبلت القبله وقعدت ادعي بحراره ودموعي تنهمر...يارب اغفر له تراي احبه فيك، ياربي ارحمه و برد علي وامسح على قلبي واجمعني فيه..كانت هالعمره الله يتقبلها لخالد




أخيراً وليس بآخر ,,,
مامصير بندر هل يبقى على ذكرى خالد أم ...............
انتظرونا في الحلقه الأخيرة,,,,,,,,


توقيع خادمة العباس (ع)


خــ العباس(ع) ــــــادمة




منتظرة المهدي
عضو
رقم العضوية : 421
الإنتساب : Sep 2007
الدولة : طيبة الطيبة
المشاركات : 5,448
بمعدل : 0.90 يوميا
النقاط : 0
المستوى : منتظرة المهدي is on a distinguished road

منتظرة المهدي غير متواجد حالياً عرض البوم صور منتظرة المهدي



  مشاركة رقم : 16  
كاتب الموضوع : خادمة العباس (ع) المنتدى : ميزان الكتب والمكتبات والأبحاث الدينية والعلمية
افتراضي
قديم بتاريخ : 01-Dec-2007 الساعة : 12:58 AM

اللهم صل على محمد وآل محمد وعجل فرجهم والعن أعدائهم


يا دائم الفضل على البرية
يا باسط اليدين بالعطية
يا صاحب المواهب السنية
صلى على محمد وآل محمد
خير الورى سجية
وغفرلنا ياذا العلى في هذه العشية ....



أكييييييييييييييييييييييييييد راح ننتظر

شدى شوى ولا توقفين أستنى النهايه

أدامك المولى لمن أحببتي

بسرررررررررررررررررررررررررعه

الحلقه الأخيرة

أكتبيها نحن في الانتظار



منتظرة المهدي
عضو
رقم العضوية : 421
الإنتساب : Sep 2007
الدولة : طيبة الطيبة
المشاركات : 5,448
بمعدل : 0.90 يوميا
النقاط : 0
المستوى : منتظرة المهدي is on a distinguished road

منتظرة المهدي غير متواجد حالياً عرض البوم صور منتظرة المهدي



  مشاركة رقم : 17  
كاتب الموضوع : خادمة العباس (ع) المنتدى : ميزان الكتب والمكتبات والأبحاث الدينية والعلمية
افتراضي
قديم بتاريخ : 22-Mar-2008 الساعة : 10:58 PM

اللهم صل على محمد وآل محمد وعجل فرجهم والعن أعدائهم


كنت أنتظر وبحراره الحلقه الأخيره ولكن سوف أدون تعليقي على تلك السطور


ماذا أكتب ....كيف اعبر عن ما في بالي يجول

أول مرة يعجز قلمي عن التعبير

أول مرة أشعر أن سحبّ القلم على ورقي عسير

قد تستطيع لغة الحروف أن تشرح الكثير

قد تستطيع أن تصف ما يفكر به عقل لا ما يشعر به قلب

اللغة الوحيدة التي تشرح شعوري هي لغة الصمت


توقف القلم وبكى في هذه الدقيقة

رفض إكمال الكتابة واكتفى بالوقوف على الورق

تسمر في مكانه وكأنه اختنق

يرفض إتمام الكلام

يرفض الوصف أو حتى الاستسلام

يستجمع قواه ليعبر أكثر

يحاول البحث عن كلمات اعطر

لكنه يتوقف ووقوفه يتكرر

لربما يصعب الكلام عن تعليق لهذه الصفحات ، لكن كتبت سطور

ولعلها عبرت عن كثير ما في ذهني وما حمله بداخلي عذرا لو

قصرت في ذلك فقد أفصحت في بدية المشوار عن تصلب القلم .

المحبــــة ... الصداقــــة ... الصحبــــة ... الأخــــوة كلمة نرددها

على الألسن يومياً .

كلمة تقال .. بين معظم الناس ككلمة ... عادية ولكن !!

لو فسرناها .. سنجدها ذلك المعنى العميق جداً .. الذي يحتوي مزايا

لا حصر لها .

كلمة ... الحــب : ماذا تعني ؟؟؟؟

يعني الحب ميل إلى الأشخاص أو الأشياء العزيزة أو الجذابة أو

النافعة .

لقوله تعالى { قل إن كان آباؤكم وأبناؤكم وأخوانكم وأزواجكم وعشيرتكم وأموال إقترفتموها وتجارة تخشون كسادها ومساكن ترضونها أحب إليكم من الله ورسوله وجهاد في سبيله فتربصوا حتى يأتي الله بأمره والله لا يهدي القوم الفاسقين }.

الصداقة :

فالصداقة المحبة و مودة بين الأصدقاء .

الصحبة :
هي الرفقة .

وكما يقلون الصاحب ساحب .

الأخوة :
هي الإقتران ، الصداقة .


لو تأملنا هذه الكلمات لوجدناها مرتبطة مع بعضها البعض ، فكل

من حولنا إخوتنا ولكن هل كل إخوتنا أصحابنا ؟؟؟؟

لو تأملنا كلمة صاحب " الزميل " ممكن يكون صاحبنا في العمل ،

صاحبنا في الدراسة ، هل هذا الصاحب صديق ؟؟؟؟؟

فمن الصحيح ليس كل الأخوة أصحاب وليس كل صاحب صديق ،

فالصديق لها رابط قوي بالمحبة إذا توفرت الصداقة الحقه أى

التصديق من كلا الشخصين فصدق مشتق من الصداقة ،

ولكن لصعود إلى كلمة المحبة سوف تصعدون السلم التالى :

أخ أ أخت ثم صاحب ثم صديق محب .

الترابط جدأ قوي ومقترن بين كلمة الصداقة والمحبة ، إذا وجد

الصديق كان هو نفسه في مرتبة المحبة والمودة ولكن تكون لشخص

واحد فقط دون جميع البشر .

ولكن مادامت القصة تحمل كلمة الصداقة هيا لنبحر في هذه الكلمة

عن أهل البيت .

عن الإمام الصادق :

•" لا تسم الرجل صديقا ... ثم قال : حتى تختبره بثلاث : تغضبه فتنظر غضبه يخرجه من الحق إلى الباطل ، وعند الدينار والدرهم ، وحتى تسافر معه " .


•وقال " لقد عظمت منزلة الصديق حتى أن أهل النار يستغثون به ، ويدعونه قبل القريب الحميم ، قال الله سبحانه مخبراً عنهم : { فما لنا من شافعين ولا صديق حميم }


وقال : " لا تتخذن عدو صديقـك صديقـاً فتعادى صديقـك " .



فالصداقة .. علاقة قوية بين اثنين .

الصداقة .. وردة تفتح للأحبة بابا من الحياة .

الصداقة ... سهم يزرع بذرة الخير في أفئدة الإخواة .

ومن المعروف دائما بين عامة الناس إذا تريد معرفة شخص فنظر من خليله ، لقول الشاعر :

عن المرء لا تسأل وسل عن قرينه ....فكل قرين بالمقارن يقتدي

إذا كنت في قوم فصاحب خيارهم ... ولا تصحب الأردى فتردى مع الردي


الصديق الحقيقي

هناك مفاهيم كثيرة للصداقه ..... ولكنها في طريق التغير ....


الصديق الحقيقي : هو الصديق الذي تكون معه , كما تكون وحدك ..
أي هو الإنسان الذي تعتبره بمثابة النفس .

الصديق الحقيقي : هو الذي يقبل عذرك و يسامحك إذا أخطأت و يسد مسدك في غيابك .

الصديق الحقيقي : هو الذي يظن بك الظن الحسن و إذا أخطأت بحقه يلتمس العذر ويقول في نفسه لعله لم يقصد .

الصديق الحقيقي : هو الذي يرعاك في مالك و أهلك و ولدك و عرضك .

الصديق الحقيقي : هو الذي يكون معك في السراء و الضراء و في الفرح و الحزن و في السعةِ و الضيق و في الغنى و الفقر .

الصديق الحقيقي : هو الذي يؤثرك على نفسه و يتمنى لك الخير دائما .

الصديق الحقيقي : هو الذي ينصحك إذا رأى عيبك و يشجعك إذا رأى منك الخيرويعينك على العمل الصالح .

الصديق الحقيقي : هو الذي يوسع لك في المجلس و يسبقك بالسلام إذا لقاك و يسعى في حاجتك إذا احتجت أليه .

الصديق الحقيقي : هو الذي يدعي لك بظهر الغيب دون أن تطلب منه ذلك .

الصديق الحقيقي : هو الذي يحبك بالله و في الله دون مصلحة مادية أو معنوية .

الصديق الحقيقي : هو الذي يفيدك بعمله و صلاحه و أدبه و أخلاقه .

الصديق الحقيقي : هو الذي يرفع شأنك بين الناس و تفتخر بصداقته و لا تخجل من مصاحبته و السير معه .

الصديق الحقيقي : هو الذي يفرح إذا احتجت أليه و يسرع لخدمتك دون مقابل .

الصديق الحقيقي : هو الذي يتمنى لك ما يتمنى لنفسه .

تغير مفهوم هذه الكلمة في زماننا و أصبحت هناك صداقة واحدة تسمى صداقة المصالح لا تتخيل كل الناس ملائكة ... فتنهار أحلامك ... ولا تجعل ثقتك بالناس عمياء ... لأنك ستبكي ذات يوم على سذاجتك...

أخيرا كلمة لصديق .... :

صديقتي .... هي التي سارت معي على درب الإيمان ..

وساعدتني على تزيين حياتي بالطاعة والتقوى والعبادة .. والتي

كانت ولا زالت تحثني على المعروف والعمل الصالح .. والعيش

في ظل الإسلام ، بعيداً عن ارتكاب الخطايا ...



ساعدتني في تجاوز كثير من المحن .. فهي الشمعة التي تضيء

لي طريقي .

هي الإنسانة التي حملت إلى أعمق وأوثق الروابط الأخوية .

علقتنا تحمل صداها أصدق المشاعر وأنبل العواطف الكامنة

في أفئدتنا المخلصة .

أنت تشاركني أفراحي وأتراحي .. بل تضحين من أجلي ... من

أجل سعادتي .. اخترتك لنمضي سويا على درب الحياة ...

كل هذا وأكثر من ذالك أفلا تستحقين .. لقب صديقة ؟ !

نعم !! أنت كنز لا أستطيع العيش بدونه .

فالإنسان اجتماعي بطبعه لا يحب الانطوائية والعزلة . هو دائما

يبحث عن شخص يتفهمه .. ويقدره .

لذا وجب علينا أن نبحث عن صديق صدوق واختباره قبل

اختياره لئلا نتأسف .




ملاحظة :

لا تتمسك بخطأ لصديق لك وقد اعترف بغلطته ، تأكد أن

صديقك ليس معصوما من الخطأ ، فربما الظروف تجعل

من ذاته أسد مفترس ، بعد ما كان لطيف وأليف ، تذكر

كلمة واحدة فقط إذا شعرت أنها خرجت من قلب وفي لك

صادقة في بدء المشوار تأكد لو تحاول في البحث عن شخص

ينطقها مثله لن تجد غيره .

حتى لو افترس الجميع بوحشيته فتأكد سوف تكون على بر

الأمان لأنك أنت الذي ملكت ذاك القلب الصغير .


بارك الله فيك يا صديقتي خادمة العباس

وبارك سبحانه في قلمك وأناملك التي نسجت لنا هذه الصفحات

وجعل لك طريق يسكنه الأمل مع صديقتا لك ,جعلكما سبحانه من

خير أحبابه في الجنة
.


آخر تعديل بواسطة منتظرة المهدي ، 22-Mar-2008 الساعة 11:09 PM.


خادمة العباس (ع)
الصورة الرمزية خادمة العباس (ع)
عضو دائم

رقم العضوية : 516
الإنتساب : Oct 2007
الدولة : مدينة الرسول الأعظم عليه السلام
المشاركات : 1,304
بمعدل : 0.22 يوميا
النقاط : 252
المستوى : خادمة العباس (ع) is on a distinguished road

خادمة العباس (ع) غير متواجد حالياً عرض البوم صور خادمة العباس (ع)



  مشاركة رقم : 18  
كاتب الموضوع : خادمة العباس (ع) المنتدى : ميزان الكتب والمكتبات والأبحاث الدينية والعلمية
Cool
قديم بتاريخ : 04-May-2008 الساعة : 03:30 PM

اللهم صل على محمد وآل محمد وعجل فرجهم والعن أعدائهم


( الاخــــــــــيــــــــــــرهـ)


إليكم الحلقة الأخيرة من مسلسل

"حقيقية الصداقة",,,



اقترح علي شيخ فاضل من اهلنا اني احفر له بير في وحده من الدول الأفريقيه الفقيره واسميه بأسمه الله يرحمه عشان ارتاح بعد وعلمني عن الأجر الكبير اللي بيجيه انشالله وفعلا سويت هالشي ،كنت تعبان من جد اشوفه في كل الوجيه واسمع صوته في كل الاصوات وذكرى اخر يوم شفته فيها ما تفارقني ابد...
في عيون الناس اشوف اشياء كثيره، بعضهم يذكروني دايم ان خسارتي مو بسيطه وبعضهم وحشتهم شوفتنا مع بعض وهذا يتعبني زياده..
واللي يصعب الوضع علي بعد اني وين ما التفت القى ذكرياته ماليه حياتي، اثاث غرفتي اللي اخترناه سوى لما انتقلنا لبيتنا، سيارتي اللي اختار لونها وساقها قبلي وعطره اللي للحين في درجها!! ياغلاة اللي راح...
لكن كل ما اتذكر ان ذاك الانسان كان صديقي ورفيقي القريب في يوم من الايام افرح وابتسم واعرف ان الله يحبني اللي رزقني بأخ مثله,والله يعوض عليه شبابه في الجنه انشالله، واذا كنتم تقدرون تناظرون في عيون ربعكم اليوم وتسمعون حسهم في هالدنيا, احمدوا ربكم على هالنعمه وحطوهم على راسكم دوم خاصة الناس اللي يستاهلون صدق, واعرفوا انكم محظوظين لان غيركم ما يملك ولا بعض اللي عندكم, اما بالنسبه لي مابعد خالد احد والله يجمعني فيه بالجنه انشالله...
انا عرضت قصتي على الناس عشان تاخذ منها عبره, وفاته شي مقدر ومكتوب لكني ابتعدت عنه في اخر شهر له في حياته, بسبب تافه جدا,متخيلين قمة القهر والألم؟!! هو غلط رحمة الله عليه وانا عاندت لكن اللي صار بيننا ما كان يستاهل اللي سوينا, وهذا اللي دايم يسونه الناس يخسرون احبابهم وربعهم باسباب تافهه, يتركون الشيطان يلعب في عقولهم لين تكبر السالفه ويفترقون , ولو سألهم احد عن السبب يلقون ان ما عندهم اجابه واضحه وهم ما يدرون ان الاشخاص اللي يحبونهم يمكن يروحون فجأة، ياناس انا استنيت لين صار صديقي ذكرى تبون تستنون مثلي؟؟!!...
فالنهايه اطلب من كل واحد يقرى قصتي يدعي لخالد بالرحمه ويدعي لي ان الله يمسح الحزن اللي عايش فيني كل هالسنين ونصيحه من قلب ذاق مراره الفراق"الانسان اللي تحبه وتغليه رح اليوم وقله هالكلام خله يدري لا تستنى يمكن ما تلتقيه بعدين الا مثل مالاقيت خالد, وشي ثاني مهم لا تنتظر انك تفقد انسان غالي عشان تعرف قيمته وقدره عندك"
ختاما...
الى الفقيد الغالي , الانسان اللي علمني كيف احب الناس والحياه, الانسان اللي نسى سعادته عشان يسعد غيره,صاحب القلب الكبير المليان بحب الخير لكل الناس,اللي تعلمت منه الكثير وافادني في حياتي ولازلت استفيد,الانسان اللي كان غير الناس اللي قابلتهم في حياتي واعرف انه زي ما كان اول صديق بيكون اخرصديق لان ما في مثله في هالدنيا احد...
"صديقي الوحيد" خالد العبدالعزيز الله العالم بحالتي بعدك يالغالي ياليتك هنا عندي، ما راح انساك يا رفيقي هو في احد يقدر ينسى مثلك؟! ليتك قبل ما رحت علمتني وين القى انسان زيك!! متأكد انك تدري اني دايم شاري ما ابيع وتقبل اسفي البالغ على كل اللي صار مني ...الوداع...
قبل لا انهي القصه اذا كنت تقرى قصتي وكان بينك وبين من تحبه مشكله وكنتوا بعاد عن بعض ارسله قصتي وارفقها بأعتذار بسيط دام عندك فرصه الحين..


**واخالداه**3
واخــالداه وضج الجــرح في كبدي
فسرت بالـجرح.. لا انوي على احد
يبكون مــنك_وقد ناحوا_على ولــد
اما انا فبــكائي حرقة ((الرمــــت))
******
يطوف وجــهك في روحي فأســأله
"بالــله!قل لي اهذي فرقة الابــــد؟"
واخــــالده! يغص الشـــعر من الــم
كما تذوب عيون الشوق من ســـــهد
******
ويخطر الموت فوق البيد عاصــفة"
من الدموع...فنادوا الصبر ايا اهلي
غبت في الامس..عل الامس يسعفني
اذا افقت ولم ابـصرك صبح غـد
******
فلحت لي وجدار الــموت منتـــصب
حتى لأوشــك شوقا ان امــد يــدي!!
اين بســـمتك الحسناء؟هل ســــقطت
شمس النهار على ليل من الكمــــــد؟
******
واخــالداه!وعاد الناس..وانصـــرفوا
وانت في القبر..لم تبرح..ولم تـــــعد
تبـــارك اللـه ! نجري كلنا زمـــرا
نحو المنون ولا يبقى سوى الصـــمد
******



تــــــــمــــــت

هذي الصداقه ,,, والا فلا ,,,,

اتمنى من كل قلبي انها تعجبكم ,,,,


توقيع خادمة العباس (ع)


خــ العباس(ع) ــــــادمة




منتظرة المهدي
عضو
رقم العضوية : 421
الإنتساب : Sep 2007
الدولة : طيبة الطيبة
المشاركات : 5,448
بمعدل : 0.90 يوميا
النقاط : 0
المستوى : منتظرة المهدي is on a distinguished road

منتظرة المهدي غير متواجد حالياً عرض البوم صور منتظرة المهدي



  مشاركة رقم : 19  
كاتب الموضوع : خادمة العباس (ع) المنتدى : ميزان الكتب والمكتبات والأبحاث الدينية والعلمية
افتراضي
قديم بتاريخ : 04-May-2008 الساعة : 09:29 PM

اللهم صل على محمد وآل محمد وعجل فرجهم والعن أعدائهم


أكيد قصة رااااااااااااااائعه
أتمنى لك حياة سعيده هنيئه
ممكن سؤال لو كانت تربط علاقه صداقه مثل خالد وبندر وصار سوء تفاهم من بينك ووبين الصديق
وصل تقريبا الأمر مثل القصه ماذا تفعلين ؟؟؟

موفقه عزيزتي خادمة العباس لكل خير
ولا حرمنا الله من سطورك وننتظر جديدك والمزيد من السطور الرائعه والعنه على يزيد



خادمة العباس (ع)
الصورة الرمزية خادمة العباس (ع)
عضو دائم

رقم العضوية : 516
الإنتساب : Oct 2007
الدولة : مدينة الرسول الأعظم عليه السلام
المشاركات : 1,304
بمعدل : 0.22 يوميا
النقاط : 252
المستوى : خادمة العباس (ع) is on a distinguished road

خادمة العباس (ع) غير متواجد حالياً عرض البوم صور خادمة العباس (ع)



  مشاركة رقم : 20  
كاتب الموضوع : خادمة العباس (ع) المنتدى : ميزان الكتب والمكتبات والأبحاث الدينية والعلمية
افتراضي
قديم بتاريخ : 06-May-2008 الساعة : 09:31 AM

اللهم صل على محمد وآل محمد وعجل فرجهم والعن أعدائهم


السلام على الحسين وعلى علي بن الحسين وعلى اولاد الحسين وعلى اصحاب الحسين وعلى العباس اخ الحسين
اقتباس
ممكن سؤال لو كانت تربط علاقه صداقه مثل خالد وبندر وصار سوء تفاهم من بينك ووبين الصديق
وصل تقريبا الأمر مثل القصه ماذا تفعلين ؟؟؟


انشاء الله مايحصل لي شي مثل هذا
وربي يحفظ لي صديقتي الغاليه ولا يحرمني منها ابداً
الله لايفرقنا
كل الود لكي عزيزتي منتظرة المهدي على تعليقاتك الشيقه والمفيده ولا حرمنا الله من تواصلكي الدائم
دمتي بود...


توقيع خادمة العباس (ع)


خــ العباس(ع) ــــــادمة



إضافة رد


أدوات الموضوع ابحث في الموضوع
ابحث في الموضوع:

بحث متقدم

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة


 

 


المواضيع والمشاركات التي تطرح في منتديات موقع الميزان لا تعبر عن رأي المنتدى وإنما تعبر عن رأي كاتبيها فقط
إدارة موقع الميزان
Powered by vBulletin Copyright © 2017 vBulletin Solutions, Inc