[عدنان الحمامي]

بسمه تعالى

سلام عليكم

--

--

قصيده مستهل وابوذيات

--

--

--

وين اهل الحميه -- جيت الهم سبيه

--

عگبهم مامثل همي تراهم -- حزن گلبي ودمع عيني تراهم

أخوتي ومابعد عيني تراهم -- ولاترجع ليالي العز اليه

وين اهل الحميه -- جيت الهم سبيه

--

خويه حسين عشت الظيم بعداك -- عزيز انته وعليه الموت بعداك

عسى انخسفت يخويه الارض بعداك -- ولا للشام مشوني سبيه

وين اهل الحميه -- جيت الهم سبيه

--

انهدم صبري وبعد مايصح من حال -- وحبل اليسر للشمات من حال

يعباس وعليك الحال من حال -- تبچي لوشفت ظيم العليه

وين اهل الحميه -- جيت الهم سبيه

--

يزينب شلي لجروحج ولمي -- لونّ عرفوا هلي ابظيمي ولمي

لايوم ابهنه آنه ولمي -- عليها الصار رد وصار بيّه

وين اهل الحميه -- جيت الهم سبيه

--

صحت والصوت من صيحي بحيلاي -- اريد اشكي والك همي بحيلاي

يعباس اثر افراگك بحيلاي -- وجفن عيني عليك ايسيل ميّه

وين اهل الحميه -- جيت الهم سبيه

--

الجره اعليه لونّه بجبل چاون -- دموعي من تهل جمرات چاون

يعباس اوعدتني الوعد چاون -- عفتني للعدو يشتمت بيّه

وين اهل الحميه -- جيت الهم سبيه

--

انذهل عگلي يبو فاضل ورايه -- أشوف شلون چتالك ورايه

سيف الچان يحميني ورايه -- طاحت واصفگت وسفه بديه

وين اهل الحميه -- جيت الهم سبيه

--

سيد عدنان الحمامي

</B></I>











توقيع : عدنان الحمامي

[جارية العترة]

عظم الله اجركم شاعرنا وجعل الله النساء الطالبيات عليهن السلام شفيعات لنا يوم لاينفع مال ولابنون

شكرا لكم سيدنا وهنيئا لكم انشغالكم وتادية الواجب لمناسبة الاربعين

ننتظركم وبانتظار قصائدكم...ولتكونوامع زميلكم الشاعر السيد مهدي جناح الكاظمي في حوار شيق بينكما ان سمحتم لنا

[عمار جبار خضير]

رائعة تستحق الوقوف عندها كثيرا وطويلا انها درس بليغ في فنون الشعر الحسيني الله يوفق ناظمها السيد عدنان الحمامي

[torbat karbala2]

بسم الله الرحمن الرحيم

اللهم صلي على محمد وال محمد وعجل فرجهم

قصيدة مؤثرة جداً بارك الله بكم سيّد عدنان وجعله في ميزان حسناتكم

وانا شخصيّاً استفيد من قصائدكم كثيرا في مجالسي

موفقين انشاء الله