[عدنان الحمامي]

يالمحجوب عن العين ونته

عله اغيابك خفيه الگلب ونته

يبو صالح نحشم بيك ونته

حشاك انسيتنه يبن الزجيه

--

--

وكتنه صعب للنكبات يسعه

وظيم اللي جره ياصدر يسعه

يبو صالح تسل السيف يسعه

وتگص أرگاب سفيان واميه

--

--

غيبه وطالت اعلينه شجاها

الظمايرنه الدهر سيفه شجاها

يبن الحسن هاك اسمع شجاها

كلها اتصيح ياثار الزجيه

--

[جارية العترة]

يالمحجوب عن العين ونته--بالقلب سيدي انت

عله اغيابك خفيه الگلب ونته-زادت ونات الگلب سيدي
يبو صالح نحشم بيك ونته-تسمعنا

حشاك انسيتنه يبن الزجيه-يمته تنهض تصفيها

شكراللاخ السيد عدنان شاعرنا الحسيني المبدع دوما والمتجدد

[عدنان الحمامي]

الشكر لكم جارية العتره وربي ايبارك فيكم ويرعاكم

احسنتم تفسير واضح وجلي

اسئل الله لكم العافيه

دعائي