[أميرة الجنة]

شمس الولاية في الجمعة فبراير 11, 2011 3:44 pm
ا با المهدي الكَلب فداك ... بالدمعه احبابك تنعاك


نبكَه انّادي ... يبن الهادي


بالدمعه احبابك تنعاك

ـــــــــــــــــــــــــــــــ

ننعاك ونحزن لمصابك ... وتسيل دموع من العين

وننضر يبن الزهره ترابك ... وتميل لدربه الجفّين

نندب يالزهره ويالضامي ... ونندب من اَذاهه البين

يبن الحادي ... يبن الهادي

بالدمعه احبابك تنعاك

شنسولف مولاي شنشكي ... شنحجيلك من سكم الحال

تتواله عداكم والباطل ... يذبح بينه وبيده المال

شربو دم نحره اللي يحبكم ... ما يخلص هذه الموال

والهم سادي ... يبن الهادي

الضالم سلمنه لضالم ...ومن ايد اهل الشر لئيد

جن هاي الدنيه شما ردنه ... ما ترهم من دون يزيد

تريد تبيد البينه عدانه ... واهل الفتنه دمانه تريد

واللي يعادي ... يبن الهادي


يبن الما هادت صولاته ... وبيه العايل يعرف زين

تشهد بدر وتشهد خيبر ... وتنادي بفزعاته حنين

من يكصد لجيوش الباطل ... منّه يروح الكافر وين

ناده الوادي ... يبن الهادي

يا با المهدي وبينه مصابك ... لاجله الروح بحسره تنوح

ننعاك وننعه ابن الزهره ... الضل بالطف ضامي ومطروح

تاذينه بفكدك يالوالي ... وتسعر بينه اليوم جروح

وانته مرادي ... يبن الهادي


يا مهدي وكَومك مالومه ... وننتضرك يا ثار حسين

نتناهه ترفرف راياتك ... وترد ترد ذاك الدين

تاخذ ثار حسين وزينب ... وعباس وثار الشمسين

حبك زادي ... يبن الهادي

بالدمعه احبابك تنعاك

اسالكم دعاء الشفاء