[سليلة حيدرة الكرار]

السلام على جوهرة العصمة وفريدة الرحمة سيدتنا ومولاتنا الزهراء وأبيها وبعلها وبنيها والسر المستودع فيها
اللهم صل على محمد وآل محمد وعجل فرجهم بظهور قائمهم والعن أعدائهم لعنة دائمة إلى يوم الدين

غـصب أسكت و أصبر الروح يبرن
و حـنـيني و نوحي للدلال يبرن
إضـلوعي امهشمه و هيهات يبرن
و شـفـت من دفعت الباب المنيه

أنـه ضـلعي ليش بالمسمار ينصاب
و عـليه الحزن واجب دوم ينصاب
لـون ضـيـمي عله الأيام ينصاب
مـثـل سـود الـليالي غدت هيه

ثـثـجـيل الهم عليّ دهري يفضه
تـراكـم و الـصـبـر عني يفضه
سـقـط مـحسن دلحقي لي يفضه
يـتـمـنـي الـدهر و انقطع بيه

عـقـب عزنه علينه الدهر ينصاب
فـجـعنه و خله دمع العين ينصاب
أنـه بـت من و مني الضلع ينصاب
و حـمـايـه امقيد ابحبل الوصيه

حـقـه لـو بـجـه سـيد نحلها
عـلـه الـحـره الغصبوها نحلها
مـاتـت و الـهـضم و الهم نحلها
و عـليه كسر الضلوع أعظم رزيه

وره الـبـاب إختف فاطم و لاذت
عـصـرهـا الماله إمروه و لاذت
يـخـايـب لا امجابلتك و لاذت
ذنـب لـجـلـه تـوسدها المنيه

عـلي ابصبره الإنس حارت و جنها
الـزهـره إنـسطر جذامه و جنها
عـلـيـهـا الليل من هود و جنها
شـيـعـهـا إبـحـوفـه خفيه

مـرار الـدهـر لـلزهره ولاهي
الـقـلـب لتلومه لو يجزع ولاهي
لاهـي الـحظت بالهادي و لا هي
نـجـت مـن ظـلم قوم الجاهليه

وره الـباب اختفت فاطم ولاذات
عـصـرهـا الماله امروه و لاذات
يـخـايـب لا مجابلتك و لاذات
ذنـب لـجـلـه تـوسدها المنيه

عـلـيـه الرجس شن اليوم حملاي
فـجـعني و محد امن القوم حملاي
كسر ضلعي و سقط عالقاع حملاي
و عـلـه داري غـدت ناره سريه

مـصـيـبه و يا نبي و مرسل حملها
ابـوجـود الـجـان للزهره حملها
عـصـرهـا الظالم و طرحت حملها
صـبـرت إشلون يا حامي الحميه

مـصـايـب فاطمه إعظامي بدنها
و أشـوف الـبيت صار أظلم بدنها
و حـيـن الـغـسلت بيدي بدنها
كـسـر قـلبي كسر ضلع الزجيه

يـمـن فـضلك مله الدنيه وسدها
و يـمـهـدم حصن خيبر وسدها
إبـلـحـدها فاطمه إبهيده وسدها
عـلـي لا تـلجم إصواب الزجيه

كـل أعـضـاي غـير الألم محسن
و دهـري اويـاي مـا يوم محسن
عـصروني و صحت من طاح محسن
إنـكـسـر ضـلعي يحماي الحميه

الـزمـن ما نصف ويه الزهره مره
جـرعـهـا الغصص وآلالام مره
الـدار أمـك يـغـايب روح مره
و طـفـي الـنـار للساعه سريه

الـحـنـظل بلرياگ إشلون يمره
و تـشـب ابـكل قلب للثار يمره
غـايـبـنـه مـتـه المعبود يمره
يـقـص جف الكسر ضلع الزجيه

إسـيـوف الـثار يبن الحسن سلها
و إدمـوعـك عـالوجنات سلها
دار أمـك يـغـايـب قوم سلها
تـخـبـرك بـالـجره ابحال الزجيه

لـون كـل قـلـب أسراره يبنها
إجـبـال امـن الحزن و الهم يبنها
يـغـايـب إخـذ ثـار امك يبنها
و إخـذ ثـارات يـوم الـغاضرية

مـتـه صـاحـبك يظهر يا زمنه
إشـلـون ايـصـيـر ثاره يا زمنه
عـلـمـنـه الـطاح يا هو يازمنه
و مـن يـجـبر كسر ضلع الزجيه

جـم شـوغه الذي بالزهره ضلعين
إلـهـا بس علي امن الهضم ضلعين
مـو ضلع إنكسر من عدها ضلعين
الأشـد ضـلـع السبط بالغاضريه

أنّـت فـاطـمـه و حلت كفنها
تـضـم أولادهـا طـلعت كفنها
صـاح الـوحـي يا حيدر كفنها
بـجـت كل الأملاك اعله الزجيه

نـشـر حـزنك على راسي علامه
يـبـويـه و دم تـهل عيني علامه
إبـوجـهـي ظلت الصطره علامه
أجـيـك و شوف شنهو الصار بيه

نسألكم الدعاء لنا ولوالدينا