[سليلة حيدرة الكرار]

السلام على جوهرة العصمة وفريدة الرحمة سيدتنا ومولاتنا الزهراء وأبيها وبعلها وبنيها والسر المستودع فيها
اللهم صلي على محمد وآل محمد وعجل فرجهم بظهور قائمهم والعن أعدائهم لعنة دائمة إلى يوم الدين


وتترى الأحزان متدافعة على قلب الطهر زينب

أنا زينب خيالي يصير عجيبة عرضة للأنظار

وأنا اللي من صغر سني مصونة مخدرة الأطهار

هذا الدهر راواني عجايب والدهر غدار

بعد عزي وفخر أهلي سبية بولية الأشرار

أشوفن كربلا هاليوم تخليني بغصن تذكار

وغصني طاحت أوراقه بقت بأغصاني جمرة نار

وجمرة في وسط قلبي كشف ليا الزمن أسرار

حزينة معولة وانحب يخوية ماعليّا خمار

خيمنا كلها محروقة مثل هذا الظلم ماصار

ويضربنا العدو بسوطه ويشتم حيدر الكرار

يخوية حسين اجيتنك ودمعي اعلى الوجن مدرار

ولاخيمة أصد ليها وحق الخالق الجبار

مصيبة هدّت أركاني يخوية وتيّهت الأفكار

عجيبة شلون تظل مطروح وأنت مدلل المختار

ندهت بصوتي ياهالناس لهاجثة يجي حفّار

يواري جسم أبو اليمة أريدن مسلم بهالدار

دهش بالي تدوسك خيل وظل مني الفكر محتار

رجعت بدمعتي وسفة يظل جسم الولي بوعار

رجعت محسّرة بهمي يمين أنظر ونوب يسار

ولاواحد يصد ليّا ألا ياقلبي الصبّار

نسألكم الدعاء لنا ولوالدينا