[عدنان الحمامي]

بسمه تعالى

سلام عليكم

--

--

--البحر الطويل

--

--

عليل وشفت بعيوني -- لاشافت عساها العين

ابويه اعله الرمح راسه -- وعمي امگطعه الچفين

---


عليل ابلوعتي وهظمي -- ونار النايبه بحشاي

اتوچه اعله حسراتي -- او هظم الشافته عيناي

ابويه بس نحر شفته -- وراسه للشماته اوياي

وصدره الشمته الزهره

تسحگه الخيل وتكسره

ورضيعه المنگطع نحره

وسدته على صدره -- ومن نحره سمعت اونين

--

سمعت الصوت من نحره -- يگلي ياعلي اوليدي

على صدري الطفل خليه -- وفوگ الطفل حط ايدي

صحت ياهظمة الهظمه -- يونه بالگلب زيدي

ابويه من شلت ايده

اخليها على اوليده

رضيعه السهم بوريده

اصبع شاهدت مگطوع -- من چفه لبويه حسين

--

لون مانظرت اعيوني -- ولاصوب الشريعه امشيت

اتعثر ابعلتي اشلون -- ظهري اعله الچفيل احنيت

بس ازنود لاچفين -- وعينه لاشفت ياريت

شوفه بالسهم طافيه

وجوده الماي ماظل بيه

والرايه حزينه اعليه

يم راسه اگعدت وبچيت -- منوانه يعمي وين

--

منوه هالحرم لاوين -- الوحده يم وليها اتنوح

ليله يم علي الاكبر -- اتشوفه اعله الثره مذبوح

ورمله اشظل بعد بيها -- بس اللجسد لابيه روح

تنعه گاعده يمه

يعمي اتحنت ابدمه

يعريس الفجع امه

ويبني الماتهنه اتصيح -- من عندي يخطفه البين

--

يبره ياجرح بيّه -- عليل امرمر ابعلتي

مچتوف ابحبل مچتوف -- برگبتي وچتفوا عمتي

يسير اعله الهزل للشام -- لحظه ماخفت ونتي

روس اعله الرماح اتلوح

اصد ليها ابگلب مجروح

ومن جسمي تريد الروح

اتفيض امن الهظم والظيم -- ولاواحد الحالي ايعين

--

والاصعب واشد بالشام -- بينه اتشمتوا بينه

طلعت ناس ومعيده -- خوارج صاحت اعلينه

زادت حسرتي وناديت -- لون جدي حظر لينه

رسول الله ويناشدهم

ياسايه وذنب عدهم

وآنه المصطفى جدهم

ومن ينظر الراس حسين -- ابسن ارماحها امعلگين

--

ابسن الرمح راس حسين -- اشوفه امعلگ اگبالي

اعليه يصد بعيونيه -- عزيز الزهره يبرالي

يدريني عليل ابظيم -- ومهظوم ابسگم حالي

عليل ومبتلي بعيال

حملت الماتحمله اجبال

چان امن الهظم تنزال

عمامي واخوتي كلهم -- وابويه وصحبته امذبحين

--

سيد عدنان الحمامي

[منتظرة المهدي]

اللهم صل على حبيب قلوبنا محمد وروح قلوبنا علي ونبض قوبنا فاطمة ودمنا الجاري الحسن والحسين والتسعة من ذرية الحسين وعجل فرج وليك صاحب العصر واللعن أعدائهم من الأولين والأخرين .

اقتباس سمعت الصوت من نحره -- يگلي ياعلي اوليدي على صدري الطفل خليه -- وفوگ الطفل حط ايدي صحت ياهظمة الهظمه -- يونه بالگلب زيدي ابويه من شلت ايده اخليها على اوليده رضيعه السهم بوريده اصبع شاهدت مگطوع -- من چفه لبويه حسين

طيب الله أنفاسك
وسلمت يمنك الحسينية
جعلك الله من أنصار الحسين ورزقك زيارته وفي الأخرة شفاعته

[الامين]

جزاكم الله مولانه سيد عدنان
ولكم الاجر والثواب

[عدنان الحمامي]

اقتباس المشاركة الأصلية كتبت بواسطة منتظرة المهدي اللهم صل على حبيب قلوبنا محمد وروح قلوبنا علي ونبض قوبنا فاطمة ودمنا الجاري الحسن والحسين والتسعة من ذرية الحسين وعجل فرج وليك صاحب العصر واللعن أعدائهم من الأولين والأخرين . طيب الله أنفاسك وسلمت يمنك الحسينية جعلك الله من أنصار الحسين ورزقك زيارته وفي الأخرة شفاعته

بسمه تعالى

سلام عليكم وربي ايبارك بجنابكم

ويحسن الينا واليكم

اشكر مروركم الطيب

دعائي