[خادم الجوادين]

معذوره الدموع عليك ما تنشف
ومعذوره الكلوب تهيم بيكم شوك
وتتعفر جباه الناس بأرض الطف
أجيال وعصور تعاكبت وأزمان
ودمك يا شريف الدم بعد ماجف
ياأول رفض لمصافح العفنين
ويا أول نعم للموت من يحتف
وياأشرف أسم ..سماك جدك بيه
ويا بزغت بدر..شع بالسمه وشرف
يالموتك..خلاص من الظلم والحيف
وكبرك باب كعبه وكبتك مصحف
يبن ذاك المغيث .الغوث أجيت أنخاك
أريدك بالشديده وياي تتلطف
مثجل بالهموم الحد كطاع النيط
وطوال الوسيعه أعله الكلب تكصف
وأنت أبن الاسد عطاي للينخاك
محبتكم دوه وللجرح تتوصف
أشيم الروح .تصبر تجفل من الصوت
يوجعهه الوكت.حدما بدت تتلف
أذكره بمصابك تخفض الجنحان
هيبه الوكفتك ما بين صف وصف
يالشايل عذاب أجيال تتله أجيال
أليثكل علينه . أعليك هان وخف
فرق بين الجفوف التزهي بالصمصام
وبين جف يشيل كاس ودف !
تتعرف الناس بحادث وعنوان
ونت الكون ظل بس بيك يتعرف
**************************************

[جارية العترة]

اخي الفاضل حيدر اشكرك لوضعك قصيدة عريان السيد خلف
فانا احتفظ له بقصيدة جدا جميلة
ولاباس ان تضع المزيد في ميزان حسناته وحسناتكم

[ماهرالصندوق]

أخي حيدر: السلام عليكم
جزاك الله عنا خيرا
طبعا الشاعر عريان سيد خلف شاعر قوي وكل قصائده رائعة
أتمنى منك المزيد من قصائده
شكرا لكم

[ابومحسد]

بسم الله الرحمن الرحيم
احسنت وبوركت اخي حيدر حبيب لنقل هذه القصيدة للشاعر الكبير عريان السيدخلف
لقد اجاد واحسن انه شاعر معطاء
اخوك الشاعر ابومحسد خادم العترة الطاهرة

[خادم الجوادين]

اهلا بك اخي ابو محمد وشكرا لمرورك المعطر

[منتظرة المهدي]

[خادم الجوادين]

شكرا سيدتي منتظره لمرورك المعطر