[خادم الجوادين]

يا عراق


يا عراق الطاح فدوه وما أنحنيت
ولو طبع السيف اصلن منحني
حارسك حيدر علي وطف كربلاء
وكلنا فد نروحلك انا وبني
سمل طابوكات طاحن وتفداك
العثر ينهض والتهدم ينبني
هذن مرن عليّ وفايتات هواي
الويهن صبر ويخسن يلوّني
جبت عمري سفينة مكّالب ويا الموج
ما شفت المراسي ويوم ّلفني
من حد السيوف الظالمة اشرب موت
ورحى الطاغية بكل يوم تطحني
صرت كلي مقابر والبيوت سجون
جن حزب البعث مصنوع يسجني
هذن كلهن ضكتهن والعرب يا حيف
شربت نخب موتي وكاعدة تغني
طرب غنت الموت وساندت صدام
شنسى من العروبة الكثرت وني
ضايع بين غربة وخنجر الجلاد
وسفارات العرب ما رضت تقبلني
وتصافح قاتلي بعض العرب لليوم
وفضائياتهم للان تقتلني
حكام العرب يا جيفة التاريخ
طز بالجامعة الحاولت تخذلني
وطز بعمر موسى وكائنا من كان
ما اريد العرب فد يوم توصلني
ما محتاج كلب القاهرة بأي عون
أنا اندل المجد والمجد يندلني
انا سن الصخر والنايبات بماي
ينشف مايهن بس ما يطيحني
تعلمت البطولة من الشهيد حسين
من كّل للسيوف الباشقة اخذني
أوجن واشتعل كلي وأصيح عراق
وا كل للجفوف الغرب طفني
عراق ويا عراق أتحملك شتصير
وما بدلك بجنة ولو تبهذلني

الشاعر العراقي رحيم المالكي

[سليلة العترة]

اللهم صلي على محمد وآل محمد وعجل فرجهم والعن اعدائهم

اقتباس عراق ويا عراق أتحملك شتصير وما بدلك بجنة ولو تبهذلني

أرضي ولو جارت عَلَّيَ عزيزة
لايوجد أغلى من الوطن فكيف اذا كان فيها نجف امير المؤمنين روحي له الفدا
وكربلا الحسين وأبا الفضل عليهما السلام

حفظ الله العراق وأهلها
كل الشكر لك اخي حيدر حبيب

[ابومحسد]

بسم الله الرحمن الرحيم
رحم الله الشاعر الشهيد رحيم المالكي الصوت الهادر صاحب قصيدةيافرات
والف شكر لك ايها الحبيب حيدر حبيب لنقل هذه القصيدة عن العراق الذي مازالت دماءه تجري
وطني حبيبي الذي فيه مقدساتنا , فيه امير المؤمنين ع والحسين واخوته وابناءه الشهداء
فضلا عن الأئمة سلام الله عليهم
اللهم اكشف هذه الغمة غن بلد الأئمة
اخوك الشاعر ابومحسد
خادم العترة الطاهرة