مــا عــنــدي غــيـر الآه ...يـا دهـري يـا دهـري
و الــمــشــتــكـى لـلـه ...يـا دهـري يـا دهـري
عـنـي إشـتـقـول الـناس...أرجع بلا عباس...يا دهري يا دهري
الـحزن أصبح إلي و بغيري ما يقبل...أنا زينب يدهري و إفعل إشتفعل
فـلا يـوم الـجبل بالوادي يتوسل...إخت عباس آني و لا تظن أنذل
ظــلــيـت أديـر الـعـيـن... يـا ويـلـي يـا ويـلـي
بـعـد الـقـمـر و حـسـيـن... يـا ويـلـي يـا ويـلـي
و الـيـجـرح الإحـسـاس...أرجع بلا عباس...يا دهري يا دهري
شـفت ليل إويه إخوتي و برغد نمته ...شفت ليل إهدش و أتمنه ما شفته
هـذا الما جنت فد يوم حاسبته...عتابي إعله المشه و ما يسأل إعله إخته
مــا تـدري بـيـه إشـصـار ...يـا خـويـه يـا خـويـه
بــيــن الــدمـع و الـنـار ...يـا خـويـه يـا خـويـه
و الـسـلـبـوا حـراس...أرجـع بلا عباس...يا دهري يا دهري
آنـه أم الـمـصـايـب يا دهر تدري...أنا مضرب مثل للعالم إبخدري
طحت يم الشريعه و إنكسر ظهري...ما يدري القمر من طحت لو يدري
صـوبـنـي سـهـم الـبـيـن ...عـالـشـاطـي عـالشاطي
و إتـقـطـعـن جـفـيـن ...عـالـشـاطـي عـالـشـاطي
صـبـر الـصـبـر يـنقاس...أرجع بلا عباس...يا دهري يا دهري
يـسألون إعله زينب كلهم يسألون ...مسبيه إخت عباس هاي إشلون
عـليه إسهام من نظراتهم يرمون ...حته الما حجوا آنه أدري شيقولون
ويــن الــكــفــيــل الـيـوم ...خـلاهـا خـلاهـا
مــحــتــاره بــيــن الـقـوم ...خـلاهـا خـلاهـا
أعـتـب يـبـو الـنـوماس...أرجع بلا عباس...يا دهري يا دهري
تـقـول الـناس زينب هاي معروفه ...هاي إخيالها ما واحد إيشوفه
و لا عالبال جانت تدخل الكوفه ...إخوها إعله الشريعه طاحن إجفوفه
هـذا الـحـجـي الـيـنـقـال ...بـالـكـوفـه بـالـكوفه
يـا خـويـه أصـعـب حـال ...بـالـكـوفـه بـالـكـوفه
يـا فـرحـة الأرجـاس...أرجـع بـلا عباس...يا دهري يا دهري
عـلـه الـنـاقه يخويه و راسك إقبالي...آنه أشعر بحاله و يشعر بحالي
عـلـه طـول الدرب هالراس يبرالي...أصيحن ليش ما تحضر يكفالي
خــلانــي بــيــن إعــداي ...كـفـالـي كـفـالـي
شــاف الــيــصـيـر إويـاي... كـفـالـي كـفـالـي
و بـآخـر الأنـفـاس...أرجـع بـلا عـباس...يا دهري يا دهري
أصيح إهنا يمن دقيت إلي صدرك...قلت وياي قومي و قلت لك بأمرك
تـعال و شوف متني و دمعتي إتخبرك...رغم كل الجرالي إختك إتعذرك
مــن نـظـرة الـعـدوان... مـهـضـومـه مـهـضـومـه
مـن دمـعـة الـحـيـران ...مـهـضـومـه مـهـضـومـه
لـكـن فـلا طـخ راس...أرجـع بـلا عباس...يا دهري يا دهري
اللهم صل على محمد
وآل محمد وعجل فرجهم والعن أعدائهم
السلام عليكم ورحمة الله وبركاته
اللهم صل على محمد وآل محمد وعجل فرجهم
سلمت يمناااااااااااك على النقل
المؤلم والمؤثر
وأسأل الله العلي العظيم
أن يفرج عنك همك وغمك
ويكشف كربك يااااااااااااااااااارب
ودمت في حفظ الرحمن ورعايته
ما عندي غير الآه يا دهري يا دهري
